ဆံသားဖြောင့်ဆင်းနေတာမျိုးကို သဘောကျတဲ့ပျိုမေတို့အတွက် သဘာဝအတိုင်း ဆံသားဖြောင့်ဆင်းသွားစေမယ့် နည်းလမ်းကောင်း ၃ မျိုးကို မျှဝေပေးလိုက်ပါတယ်။ ဒီ ၃ မျိုးထဲကမှ ကိုယ်အဆင်ပြေတဲ့တစ်မျိုးကို ရွေးချယ်ပြီး ပြုလုပ်နိုင်ပါတယ်။
နဂိုဆံပင်ကိုက အရမ်းကောက်နေတာမျိုးမဟုတ်ရင်တော့ ဒီနည်းလမ်းတွေက အဆင်ပြေပါတယ်။ ဆေးနဲ့ ဆံပင်ဖြောင့်လိုက်သလိုမျိုး ဖြစ်သွားမှာတော့မဟုတ်ပေမယ့် ပုံမှန်ထက်တော့ ဆံသားလေးက ဖြောင့်ဆင်းသွားပါလိမ့်မယ်။
နွားနို့နဲ့ကြက်ဥ
နွားနို့ – ခွက်တစ်ခွက်စာကို ကြက်ဥ – တစ်လုံးနဲ့ ရောမွှေပြီး မိနစ်အနည်းငယ်ထားလိုက်ပါ။ ပြီးရင်တော့ brush နဲ့ယူပြီး ဆံပင်မှာ သေချာနှ့ံအောင် သုတ်လိမ်းပေးပါ။ တစ်နာရီခွဲကြာအောင်ပေါင်းထားပြီးရင်တော့ mild ဖြစ်တဲ့ shampoo နဲ့ ခေါင်းလျှော်ပေးပါ။ ဒီနည်းလမ်းကတော့ ဆံသားပျော့ပြီး သဘာဝအတိုင်း ဖြောင့်ဆင်းသွားစေမှာပါ။ လုပ်မယ်ဆိုရင်တော့ တစ်ပတ် တစ်ကြိမ် ပုံမှန်လုပ်ပေးရမှာပါ။
ရှားစောင်းလက်ပတ်နဲ့အုန်းဆီ
ရှားစောင်းလက်ပတ်အထဲက အသားကို ခွက်တစ်ခွက်စာရအောင်လုပ်ပြီး အုန်းဆီ – တစ်ခွက်စာနဲ့ ရောကြိတ်ပြီး မွှေပေးပါ။ ပြီးရင်တော့ ဆံသားကို သေချာနှံ့နေအောင် လိမ်းပေးပြီး တစ်နာရီထားပါ။ အချိန်ပြည့်ရင်တော့ ကိုယ်ကြိုက်နှစ်သက်ရာ shampoo နဲ့ ခေါင်းလျှော်လိုက်ရုံပါပဲ။ ဒီနည်းလမ်းကတော့ သဘာဝအတိုင်း ဆံသားဖြောင့်ဆင်းသွားရုံတင်မဟုတ်ပဲ ဆံပင်ရှုပ်ထွေးတာတွေပါ သက်သာစေပါတယ်။ လုပ်မယ်ဆိုရင်တော့ တစ်ပတ် တစ်ကြိမ် ပုံမှန်လုပ်ပေးရမှာပါ။
အုန်းနို့နဲ့ဆန့်မှုန့်
အုန်းနို့ – ခွက်တစ်ခွက်စာကို ဆန်မှုန့် – စားပွဲတင်ဇွန်း ၂ ဇွန်းနဲ့ သမအောင်ရောမွှေပါ။ ပြီးရင်တော့ brush နဲ့ယူပြီး ဆံပင်မှာ သေချာနှံ့အောင် သုတ်လိမ်းပေးပါ။ တစ်နာရီကြာအောင်ပေါင်းထားပြီးမှ mild ဖြစ်တဲ့ shampoo နဲ့ ခေါင်းလျှော်ပေးပါ။ ဒီနည်းလမ်းကတော့ သဘာဝအတိုင်း ဆံသားဖြောင့်ဆင်းသွားစေပြီး healthy hair ဖြစ်လာစေပါတယ်။ လုပ်မယ်ဆိုရင်တော့ တစ်ပတ် တစ်ကြိမ် ပုံမှန်လုပ်ပေးရမှာပါ။
source:www.indiatimes.com
