အားလုံးပဲ မင်္ဂလာပါနော်။ သူငါ့ကို တကယ်ရော ချစ်ရဲ့လား ဆိုတဲ့ သံသယတွေက ရည်းစားထားဖူးတဲ့ မိန်းကလေးတိုင်း တစ်နည်းနည်းနဲ့ တွေးဖူးမှာပါ။ တစ်ခါတလေ မိန်းကလေးတွေက ဆဌမအာရုံ အလိုလိုသိတတ်တဲ့ အစွမ်းရှိပေမယ့် ထင်မြင်ချက်တွေက မှားယွင်းနေတတ်ပါတယ်။ ဒီတစ်ခေါက်ပြောမယ့် အချက် (၃) ချက်ကတော့ သူက သင့်ကို တကယ်ချစ်နေပြီဆိုတာ လုံးဝငြင်းမရတဲ့ အပြုအမူတွေပါ။
၁။ စိတ်လှုပ်ရှားတယ်
ကောင်လေးတစ်ယောက်က မိန်းကလေးတစ်ယောက်ကို တကယ်ချစ်မိနေပြီဆိုရင် အထာကျကျ မနေပြတတ်တော့ပါဘူး။ အထာကျတာရဲ့ ဆန့်ကျင်ဘက် ကချွတ်ကချော်တွေဖြစ်သွားတတ်ပါတယ်။ သူ့သူငယ်ချင်းတွေရှေ့ရောက်ရင် အမူအရာတစ်မျိုးသင့်ရှေ့မှာ အမူအရာတစ်မျိုးဖြစ်သွားတတ်ပါတယ်။
၂။ သင့်ကို ပျော်အောင်ထားတယ်
သင့်ကို အမြဲစိုက်ကြည့်တတ်တယ်။ သင်ရယ်လာအောင် လုပ်တယ်။ သင်လိုအပ်တဲ့အရာတွေကိုကူညီပေးတယ်။ သူက သင်နဲ့ ပတ်သက်ရင် ပြောင်းလဲသွားပါတယ်။ အခြားလူတွေကို ဆက်ဆံပုံနဲ့ မတူဘဲ တမူကွဲပြားနေရင်တော့ သင့်ကို အမှန်တကယ်ချစ်တာပါ။
၃။ သင်တစ်ယောက်တည်းအတွက်ပဲ
သူက အခြားလူတွေရဲ့ မျက်လုံးထဲ ဘယ်လောက်ထိပဲဆိုးနေပါစေ။ ဘယ်လောက်ထိပဲ အူကြောင်ကြောင်ဖြစ်နေပါစေ။ သင်နဲ့ပတ်သက်လာရင်တော့ သင့်ကို ရွှေဘုံထက်က မင်းသမီးလေးလို ဆက်ဆံတတ်ပါတယ်။ သူ့ဘဝမှာ သင်တစ်ယောက်တည်းကို ဒီလိုဆက်ဆံတာပါ။
ဒီအချက် (၃) ချက်ကတော့ ကောင်လေးတစ်ယောက် အမှန်တကယ်ချစ်မိရင် ပြုမူတတ်တဲ့ အရာတွေပဲဖြစ်ပါတယ်။ သင့်ကောင်လေးကကော ဒီအချက် (၃) ချက်နဲ့ ကိုက်ညီရဲ့လား ပြောပြခဲ့ပါဦး။
Photo Source: Pinterest
By MyStyle Myanmar
