ဆံပင်ကျွတ်တာသက်သာလာစေဖို့အတွက် အိမ်မှာပြုလုပ်လို့ရတဲ့ Hair Mask 3 မျိုး

ဆံပင်ကျွတ်တာက ကြာလာရင် ဆံပင်ပါးပြီး ပြောင်လာတာ၊ ထိပ်ကွက်လာတာမျိုးတွေ ဖြစ်လာမှာပါ။ ဒါကြောင့် ဆံပင်ကျွတ်တာများလာရင် ဒီတိုင်းမနေပဲ သက်သာစေမယ့် နည်းလမ်းတွေကို လုပ်ကြည့်သင့်ပါတယ်။ ဒါကြောင့် ဆံပင်ကျွတ်တာ သက်သာအောင် အိမ်မှာ အလွယ်တကူပြုလုပ်လို့ရတဲ့ Hair Mask 3 မျိုး လုပ်နည်းကို မျှဝေပေးလိုက်ပါတယ်။

Hair Mask 1

ကြက်ဥ – 1 လုံးကို ပန်းကန်ထဲထည့်ခလောက်ပြီး နွားနို့ – 1 ခွက်၊ သံလွင်ဆီ – စားပွဲတင်ဇွန်း 2 ဇွန်း၊ သံပယိုရည် – စားပွဲတင်ဇွန်း 2 ဇွန်းတို့ကိုထည့်ပြီး ရောခလောက်မွှေပါ။ ပြီးရင်တော့ ဆံသားနဲ့ဦးရေပြားမှာ သေချာနှံ့အောင်သုတ်လိမ်းပြီး မိနစ် 15 ထားပါ။ အချိန်ပြည့်ရင် ခေါင်းလျှော်လိုက်ရုံပါပဲ။

ဒီ Hair Mask က ဆံပင်ကျွတ်တာသက်သာစေပြီး ဆံသားကို သန်စွမ်းတောက်ပြောင်လာစေပါတယ်။

Hair Mask 2

Vitamin E Capsules အလုံးလေး – 2 လုံးကိုဖောက်ပြီး ပန်းကန်လုံးလေးထဲ ထည့်ပါ။ Almond Oil – စားပွဲတင် 1 ဇွန်း၊ အုန်းဆီ – စားပွဲတင်ဇွန်း 1 ဇွန်း၊ ကြက်ဆူဆီ – လက်ဖက်ရည်ဇွန်း 1 ဇွန်းနဲ့ Lavender Essential Oil – 2 စက်လောက်ပါထည့်ပြီး ရောမွှေလိုက်ပါ။ မွှေပြီးရင် ဆံသားမှာ သေချာနှံ့အောင်လိမ်းပြီး တစ်ညထားပါ။ မနက်ရောက်မှ ခေါင်းလျှော်ပေးပါ။

ဒီ Hair Mask ကတော့ ဆံပင်ကျွတ်သက်သာစေပြီး ဆံပင်အရှည်မြန်စေတယ်၊ ဆံပင်အုံထူလာစေပါတယ်။

Hair Mask 3

ကြက်ဥတစ်လုံးကိုဖောက်ပြီး အနှစ်ကိုပဲယူပြီး ပန်းကန်ထဲထည့်ပါ။ ပြီးရင်တော့ Green Tea အမှုန့် – စားပွဲတင်ဇွန်း 2 ဇွန်းထည့်ပြီး ခလောက်မွှေလိုက်ပါ။ မွှေပြီးရင် ဆံပင်နဲ့ဦးရေပြားမှာ သေချာနှံ့အောင်သုတ်လိမ်းပြီး မိနစ် 15 ထားပါ။ အချိန်ပြည့်ရင် ရေအေးနဲ့ခေါင်းလောင်းပြီး သေချာသန့်စင်ပါ။ ပြီးမှ Shampoo နဲ့လျှော်ပေးပါ။

ဒီ Hair Mask က ဆံပင်ကျွတ်တာသက်သာစေတဲ့အပြင် ဆံသားနဲ့ ဦးရေပြားအတွက်လိုအပ်တဲ့ Proteins ဓာတ်ကိုလည်း ရရှိစေတာကြောင့် ဆံသားအတွက် အရမ်းကောင်းပါတယ်။