အပင်လေးတွေစိုက်ပျိုးချင်ပေမယ့် အချိန်မရှိလို့ သေချာဂရုမစိုက်နိုင်တဲ့သူတွေနဲ့ အလုပ်အရမ်းရှုပ်တဲ့သူတွေအတွက် အပင်လေးတွေကို ကိုယ်တိုင်ရေလောင်းစရာမလိုပဲ စိုက်ပျိုးနိုင်မယ့်နည်းလမ်းကောင်းတွေကို မျှဝေပေးလိုက်ပါတယ်။ ခရီးသွားတဲ့အချိန်၊ အိမ်မှာဘယ်သူ့မှမရှိတဲ့အချိန်တွေမှာဆိုလည်း ဒီနည်းလမ်းလေးတွေက တော်တော်ကိုအဆင်ပြေပါတယ်။
၁. အလွယ်ဆုံးနည်းလမ်းကတော့ အပင်လေးတွေကို မြေအိုးထဲမှာစိုက်ပါ။ ပြီးရင် ဇောက်နက်တဲ့ခွက် (သို့) ဇလုံထဲကို ရေထည့်ပြီး အိုးကိုထည့်ထားလိုက်ပါ။ မြေအိုးဖြစ်တဲ့အတွက် အစိုဓာတ်က အထဲထိစိမ့်ဝင်သွားစေပါတယ်။
ဒီနည်းအတိုင်းလုပ်မယ်ဆိုရင်တော့ ရေမလောင်းပဲ ၂ ရက်၊ ၃ ရက် ထားလို့ရပါတယ်။ ဒီတော့ အချိန်မရှိလို့ သေချာဂရုမစိုက်နိုင်တဲ့သူတွေအတွက် အဆင်အပြေဆုံးပါပဲ။ ဒါပေမယ့် ကိုယ်အချိန်ရတဲ့အခါ၊ အားတဲ့အခါမျိုးမှာတော့ အပင်ကို ရေလောင်းပေးပါ။
၂. ဗေစင်ရှိတဲ့သူတွေဆိုရင် ဗေစင်ထဲကိုရေထည့်ပါ။ ပြီးရင်တော့ ပုံမှာပြထားတဲ့အတိုင်း Towel ခံပြီး အပင်အိုးလေးကိုထားလိုက်ပါ။ ခုနကလိုပဲ အိုးက မြေအိုး (သို့) အထဲထိရေစိမ့်ဝင်နိုင်မယ့်အိုးမျိုး ဖြစ်ရပါမယ်။
ဒီနည်းလမ်းကျတော့ ရေမလောင်းပဲ တစ်ပတ်လောက်ထားလို့ရပါတယ်။ ခရီးသွားတဲ့အခါမျိုးမှာဆို ဒီနည်းလမ်းက အဆင်ပြေပါတယ်။
၃. Cotton ကြိုးကြီးတွေကို အပင်မှာချည်ပြီး အိုးထဲထည့်ပါ။ မြေသြဇာတွေကိုအိုးထဲထည့်ပြီး ကြိုးကိုပါမြှုပ်ထားလိုက်ပါ။ ပြီးရင်တော့ ကျန်နေတဲ့ကြိုးစတွေကို ရေထည့်ထားတဲ့ဖန်ပုလင်းထဲ ပုံမှာပြထားတဲ့အတိုင်း ထည့်ထားလိုက်ပါ။
ဒီနည်းလမ်းကျတော့ လုပ်ရတာနည်းနည်းရှုပ်ပေမယ့် ရေမလောင်းပဲ ၁ ပတ်ကနေ ၃ ပတ်လောက်အထိ ထားလို့ရတဲ့အတွက် ခရီးရက်ရှည်သွားတဲ့အခါမျိုးမှာဆို တော်တော်အဆင်ပြေပါတယ်။
Source: www.brightside.me
