ဆံပင်ကျွတ်သက်သာပြီးဆံပင်သန်လာစေဖို့ သံလွင်ဆီနဲ့ပေါင်းတင်နိုင်မယ့်နည်းလမ်း ၃ မျိုး

ဆံပင်အရမ်းကျွတ်တဲ့သူတွေနဲ့ ဆံပင်အုံထူချင်တဲ့သူတွေ၊ ဆံပင်အရှည်မြန်ချင်တဲ့သူတွေအတွက် ဆံပင်ကျွတ်သက်သာပြီး ဆံပင်သန်လာစေဖို့ သံလွင်ဆီနဲ့ပေါင်းတင်နိုင်မယ့် နည်းလမ်း ၃ မျိုးကို မျှဝေပေးလိုက်ပါတယ်။

သံလွင်ဆီနဲ့ကြက်ဥအကာ

သံလွင်ဆီ – စားပွဲတင်ဇွန်း ၂ ဇွန်းကို ကြက်ဥ – ၂ လုံး (အနှစ်ကိုဖယ်ထုတ်ပြီး အကာရည်ပဲယူပါ) ကို ရောခလောက်ပြီး ဦးရေပြားနဲ့ဆံသားမှာ သေချာလိမ်းပေးပါ။ မိနစ် ၂၀ လောက်ထားပြီးမှ ရေအေးနဲ့ခေါင်းလျှော်ပေးပါ။ Shampoo ကိုတော့ mild sulfate-free shampoo ပဲ သုံးပေးပါ။

ဒီနည်းလမ်းကို တစ်ပတ်မှာတစ်ကြိမ်လုပ်ပေးမယ်ဆိုရင် ဆံပင်ကျွတ်တာသက်သာပြီး ဆံပင်သန်လာစေမှာပါ။

သံလွင်ဆီနဲ့ဂျင်း

သံလွင်ဆီ – စားပွဲတင်ဇွန်း ၁ ဇွန်းကို ထောင်းထားတဲ့ဂျင်း – စားပွဲတင်ဇွန်း ၁ ဇွန်းနဲ့ ရောမွှေပြီး ဦးရေပြားကိုလိမ်းကာ လက်ချောင်းလေးတွေနဲ့ ၅ မိနစ်လောက် massage လုပ်နှိပ်နယ်ပေးပါ။ ဆံသားတွေကိုတော့ သံလွင်ဆီပဲလိမ်းပေးပါ။ ပြီးရင်တော့ မိနစ် ၃၀ ထားပြီး ခေါင်းလျှော်လိုက်ပါ။ Shampoo ကိုတော့ mild sulfate-free shampoo ပဲ သုံးပေးပါ။

ဒီနည်းလမ်းကိုလုပ်မယ်ဆိုရင် တစ်ပတ်မှာ ၂ ကြိမ်လုပ်ပေးပါ။ ဆံပင်ကျွတ်တာသက်သာပြီး ဆံပင်သန်လာမယ်၊ အရှည်မြန်လာပါမယ်။

သံလွင်ဆီနဲ့ Rosemary Essential Oil

သံလွင်ဆီ – စားပွဲတင်ဇွန်း ၂ ဇွန်းနဲ့ rosemary essential oil – ၃ စက်လောက်ကို ရောမွှေပြီး စက္ကန့် ၃၀ လောက် မီးဖိုပေါ်မှာ အပူပေးပါ။ ပြီးရင်တော့ အအေးခံပြီးမှ ဦးရေပြားမှာလိမ်းပေးပါ။ ၁၅ မိနစ်လောက် massage လုပ် နှိပ်နယ်ပေးပါ။ ပြီးရင်တော့ မိနစ် ၃၀ ထားပြီးမှ ခေါင်းလျှော်ပါ။ Shampoo ကိုတော့ mild sulfate-free shampoo ပဲ သုံးပေးပါ။

ဒီနည်းလမ်းကိုလုပ်မယ်ဆိုရင် တစ်ပတ်မှာ တစ်ကြိမ်လုပ်ပေးပါ။ ဆံပင်ကျွတ်တာသက်သာပြီး ဆံပင်သန်လာပါလိမ့်မယ်။

ဆံပင်ကျွတ်တာသက်သာချင်ရင် ခေါင်းလျှော်ရည်သုံးတဲ့အခါမှာ sulfate-free shampoo မျိုးကိုပဲ သုံးပေးရပါတယ်။