ကြည်လင်ပြီးဝင်းပတဲ့ အသားအရေကိုလိုချင်ပေမယ့် သေချာဂရုစိုက်ဖို့ အချိန်သီးသန့်မပေးနိုင်ဘူးဆိုရင် မနက်ပိုင်းမှာ အခုပြောပြမယ့် Morning Drinks တွေကို ပုံမှန်သောက်ပေးကြည့်ပါ။ ကျန်းမာရေးနဲ့ ညီညွတ်တာမလို့ အသားအရေကို ကြည်လင်ပြီး အာဟာရဖြစ်စေဖို့ ကူညီပေးပါလိမ့်မယ်။
သံပုရာရည်နဲ့ပျားရည်
လက်လက်ဆတ်ဆတ်ညှစ်ထားတဲ့ သံပုရာရည်ထဲ ပျားရည် ၂ ဇွန်းထည့်ပြီး သောက်ပေးတာက အသားအရေအတွက် အထောက်အကူဖြစ်တာကြောင့် နုပျိုတောက်ပတဲ့ အသားအရေကို ရရှိစေမှာပါ။
နနွင်းနဲ့နို့
ပွက်ပွက်ဆူအောင်တည်ထားတဲ့ နွားနို့ထဲ နနွင်းထည့်ပြီး မွှေပေးပါ။ ပြီးရင် ငရုတ်ကောင်းနည်းနည်းထည့်ပြီး ၂ မိနစ်လောက် ထပ်တည်ပေးပါ။ ဒါဆိုရင်တော့ အသားအရေအတွက် အာဟာရဖြစ်စေတဲ့ အကျိုးကျေးဇူးတွေပေးနိုင်တဲ့ နနွင်းနို့တစ်ခွက်ရပါပြီ။
Beetroot
Beetroot ၁ လုံး ၊ မုန်လာဥနီ နဲ့ ၂ လုံး ဂျင်း ၂ လက်မလောက်တို့ကို အခွံခွာပြီး ရေသေချာဆေးပြီး ပါးပါးလှီးပြီးရင် Blender ထဲ ထည့်လိုက်ပါ။ ရေနည်းနည်းထည့်ပြီး သမအောင်ကြိတ်ပေးပါ။ ဒါကို ရေခဲသေတ္တာထဲထည့်ပြီး မနက်စောစောသောက်ပေးရင် ဝက်ခြံကင်းစင်တဲ့ အသားအရေကို ပိုင်ဆိုင်ဖို့ ကူညီပေးနိုင်တဲ့အပြင် အသားအရေကိုလည်း နူးညံ့ချောမွေ့စေပါတယ်။
