မျက်လုံးနားတစ်ဝိုက်ခြောက်သွေ့တာကိုသက်သာအောင်လုပ်ပေးမယ့်နည်းလမ်း ၃ မျိုး

မျက်လုံးနားတစ်ဝိုက်က အသားအရေခြောက်သွေ့နေရင် မျက်ကွင်းပိုညိုစေပါတယ်။ အရေးအကြောင်းတွေလည်း ပိုပြီးပေါ်စေတယ်၊ ကြည့်လိုက်တာနဲ့ လူကပင်ပန်းနေတဲ့ရုပ်မျိုး ဖြစ်နေစေပါတယ်။ ဒါကြောင့် မျက်လုံးနားတစ်ဝိုက် ခြောက်သွေ့နေတာကို သက်သာအောင်လုပ်ပေးမယ့် အိမ်တွင်းဖြစ်နည်းလမ်း ၃ မျိုးကို မျှဝေပေးလိုက်ပါတယ်။

ရှားစောင်းလက်ပတ်ဂျယ်လ်

ရှားစောင်းလက်ပတ်က အသားအရေကို ရေဓာတ်ပြည့်စေပြီး Moisture ပေးနိုင်တာကြောင့် မျက်လုံးနားတစ်ဝိုက် အသားအရေခြောက်သွေ့နေရင် ရှားစောင်းလက်ပတ်အပင်ကရတဲ့ အတွင်သားဂျယ်လ်ကို စားပွဲတင်ဇွန်းတစ်ဇွန်းစာခြစ်ယူပြီး ဖြေးဖြေးချင်းစီပွတ်လိမ်းပေးပါ။ လက်ချောင်းလေးတွေနဲ့လည်း Massage လုပ်ပေးပါ။ ပြီးရင်တော့ တစ်ညထားပြီး မနက်ရောက်မှ မျက်နှာသစ်ပါ။

ဒီနည်းလမ်းကို ညတိုင်းလုပ်ပေးမယ်ဆိုရင်တော့ သိသိသာသာကို သက်သာသွားပါလိမ့်မယ်။

Green Tea Bags

Green Tea Bags က ကလည်း အသားအရေကို ရေဓာတ်ပြည့်ဝစေပြီး မျက်လုံးနားတစ်ဝိုက် အသားအရေခြောက်သွေ့တာကို သက်သာစေပါတယ်။ မျက်ကွင်းညိုတာလည်း သက်သာစေပါတယ်။

ဒါကြောင့် Green Tea Bags ၂ ထုပ်ကို ရေနွေးခွက်ထည့်ထည့်စိမ်ပါ။ မိနစ်အနည်းငယ်လောက်စိမ်ပြီးရင် အပြင်ထုတ်ပြီး အအေးခံထားပါ။ အေးသွားပြီဆိုရင်တော့ မျက်လုံးမှိတ်ပြီး မျက်လုံးပေါ် တစ်ဖက်တစ်ထုပ်တင်ထားပေးပါ။ ၁၅ မိနစ်လောက်ထားပြီးရင် ဖယ်လိုက်ပါ။ ပြီးရင် ရေခဲရေနဲ့ ပြန်သန့်စင်ပါ။

ဒီနည်းလမ်းကိုလုပ်မယ်ဆိုရင်တော့ တစ်နေ့တစ်ကြိမ် ပုံမှန်လုပ်ပေးပါ။ ညအိပ်ယာဝင်ခါနီးတိုင်းမှာ လုပ်ပေးရင် ပိုကောင်းပါတယ်။

ထောပတ်သီး

ထောပတ်သီးက အသားခြောက်တာကို သက်သာစေပြီး အသားအရေကို အစိုဓာတ်အပြည့်အဝပေးပါတယ်။ အသားအရေပျက်စီးတာကိုလည်း သက်သာစေပြီး အရေးအကြောင်းတွေလည်း သက်သာစေပါတယ်။ ဒါကြောင့် မျက်လုံးနားတစ်ဝိုက် ခြောက်သွေ့နေရင် ထောပတ်သီးကို သုံးပေးလို့ရပါတယ်။

ထောပတ်သီးကို စားပွဲတင်ဇွန်း တစ်ဇွန်းစာခြစ်ယူပြီး ကြေညက်သွားအောင် ချေပေးပါ။ ကြေညက်သွားပြီဆိုရင်တော့ မျက်လုံးနားတစ်ဝိုက်ကို ဖြေးဖြေးချင်းစီလိမ်းပေးပါ။ မိနစ် ၂၀ ထားပြီးရင်တော့ ရေကြက်သီးနွေးနဲ့ ပြန်သန့်စင်ပေးပါ။

ဒီနည်းလမ်းကို လုပ်မယ်ဆိုရင်လည်း နေ့တိုင်းလုပ်ပေးရပါမယ်။