ခန္ဓာကိုယ်ကမလိုချင်တဲ့အမွှေးအမျှင်တွေကို ဖယ်ရှားဖို့အတွက် အိမ်တွင်းဖြစ်နည်းလမ်းကောင်းများ

ခန္ဓာကိုယ်က မလိုချင်တဲ့အမွှေးအမျှင်တွေကို ဖယ်ရှားဖို့အတွက် အိမ်မှာပဲ ကိုယ်တိုင်လုပ်လို့ရမယ့် အိမ်တွင်းဖြစ်နည်းလမ်းကောင်းတွေကို မျှဝေပေးလိုက်ပါတယ်။ ဂျိုင်းမွှေး၊ ခြေသလုံးမွှေးစတဲ့ ကိုယ်ရှင်းချင်တဲ့ အမွှေးအမျှင်တွေကို ငွေကုန်ကြေးကျသက်သာစွာနဲ့ ရှင်းပစ်နိုင်ဖို့ ဒီနည်းလမ်းလေးတွေက အသုံးဝင်စေမှာပါ။

သကြားနဲ့သံပယိုသီး

သကြား – စားပွဲတင်ဇွန်း ၂ ဇွန်း၊ သံပယိုရည် – စားပွဲတင်ဇွန်း ၂ ဇွန်းနဲ့ ရေ – စားပွဲတင်ဇွန်း ၉ ဇွန်းတို့ကို ရောမွှေပြီး အပူပေးတင်ထားပါ။ အမြှုပ်လေးတွေထလာပြီးဆိုရင် မွှေပေးပြီး အအေးခံထားလိုက်ပါ။ အေးသွားပြီဆိုရင်တော့ ကိုယ်ဖယ်ရှားချင်တဲ့ အမွှေးအမျှင်နေရာကို သုတ်လိမ်းပြီး မိနစ် ၂၀ ထားပါ။ အချိန်ပြည့်ရင် စက်ဝိုင်းပုံစံပွတ်ပြီး ရေအေးနဲ့ဆေးချလိုက်ရုံပါပဲ။

ကြက်ဥအကာနဲ့ဆန်မှုန့်

ကြက်ဥအကာနဲ့ဆန်မှုန့်တို့ကို ဆတူရောမွှေပြီး ကိုယ်မလိုချင်တဲ့ အမွှေးအမျှင်နေရာတွေကို ပွတ်ပေးပြီး ၁၀ မိနစ်လောက်ထားပါ။ အချိန်ပြည့်ရင် ရေဆေးချလိုက်ရုံပါပဲ။ ဒီနည်းလမ်းနဲ့လည်း ကိုယ်ရှင်းချင်တဲ့ အမွှေးအမျှင်တွေကို ငွေကုန်ကြေးကျသက်သာစွာနဲ့ ရှင်းပစ်နိုင်ပါတယ်။

ငှက်ပျောသီးနဲ့အုတ်ဂျုံ

ငှက်ပျောသီးတစ်လုံးကို အခွံခွာချေပြီး အုတ်ဂျုံ စားပွဲတင်ဇွန်း ၂ ဇွန်းနဲ့ ရောခလောက်ပြီးမွှေပါ။ ပြီးရင်တော့ ကိုယ်ရှင်းချင်တဲ့ အမွှေးအမျှင်နေရာတွေကို ပွတ်လိမ်းပြီး ၁၅ မိနစ်လောက် massage လုပ်ပေးပါ။ အချိန်ပြည့်ရင် ရေဆေးချလိုက်ရုံပါပဲ။ ဒီနည်းလမ်းကတော့ ခန္ဓာကိုယ်က အမွှေးအမျှင်တွေကို ဖယ်ရှားပစ်နိုင်ရုံတင်မဟုတ်ပဲ အသားအရေပါ နူးညံ့ချောမွေ့လာစေပါတယ်။