မျက်နှာထက် လည်ပင်းကပိုမဲနေတာမျိုး၊ မျက်နှာကတစ်ရောင်၊ လည်ပင်းကတစ်ရောင်ဖြစ်လို့ မိတ်ကပ်လိမ်းရင်လည်း အဆင်မပြေဖြစ်နေကြတဲ့သူတွေအတွက် လည်ပင်းနဲ့ဂုတ်သား ဖြူလာအောင်လုပ်ပေးနိုင်မယ့် နည်းလမ်းကောင်း ၃ မျိုးကို မျှဝေပေးလိုက်ပါတယ်။ ကိုယ်နှစ်သက်ရာ၊ အဆင်ပြေရာတစ်မျိုးကိုရွေးပြီး နေ့တိုင်းစွဲလုပ်ပေးပါ။ ချက်ချင်းတော့ သိသာလာမှာမဟုတ်ပေမယ့် တစ်လကျော်လောက်ဆိုရင်တော့ သိသာလာမှာပါ။
Apple Cider vinegar
Apple Cider vinegar – စားပွဲတင်ဇွန်း ၂ ဇွန်းကို ရေ – အနည်းငယ်နဲ့ရောပြီး ဂွမ်းလုံးလေးနဲ့ယူကာ လည်ပင်းနဲ့ ဂုတ်ကို ပွတ်လိမ်းပေးပါ။ မိနစ်အနည်းငယ်ထားပြီးရင်တော့ ရေဆေးချလိုက်ရုံပါပဲ။ နေ့တိုင်းလုပ်ပေးသွားမယ်ဆိုရင်တော့ တစ်ဖြေးဖြေးနဲ့ ပြန်ဖြူလာပြီး အသားအရောင်ညီလာမှာပါ။
ဒိန်ချဉ်
ဒိန်ချဉ်ကို လည်ပင်းနဲ့ဂုတ်မှာ ပွတ်လိမ်းပြီး မိနစ် ၅၀ လောက်ထားပါ။ အချိန်ပြည့်မှ ရေဆေးချ (သို့) ရေချိုးလိုက်ပါ။ ဒီနည်းလမ်းကတော့ အလွယ်ကူဆုံးပါပဲ။ လုပ်မယ်ဆိုရင်တော့ နေ့တိုင်းလုပ်ပေးရမှာပါ။
အာလူး
အာလူးကိုအခွံခွာပြီး ခြစ်ချပါ။ ပြီးရင် အဝတ်သန့်တစ်ခုထဲထည့်ပြီး အရည်ညှစ်ချပါ။ ရလာတဲ့အာလူးအရည်တွေကို လည်ပင်းနဲ့ဂုတ်မှာ သေချာလိမ်းပေးပြီး ၁ နာရီလောက်ထားပါ။ အချိန်ပြည့်ရင်တော့ ရေဆေးချ (သို့) ရေချိုးချလိုက်ရုံပါပဲ။ ဒီနည်းလမ်းကိုလည်း နေ့တိုင်းလုပ်ပေးရမှာပါ။
source:www.timesofindia.indiatimes.com
