ဆံပင်ကျွတ်သက်သာစေမယ့် သဘာဝဆံပင်ပေါင်းတင်နည်း ၃ မျိုး

ဆံပင်တွေအရမ်းကျွတ်လို့ စိတ်ညစ်နေသူများအတွက် ဆံပင်ကျွတ်သက်သာစေမယ့် သဘာဝဆံပင်ပေါင်းတင်နည်း ၃ မျိုးကို မျှဝေပေးလိုက်ပါတယ်။ ငွေကုန်ကြေးကျသက်သာတဲ့ သဘာဝနည်းလမ်းတွေဖြစ်တာကြောင့် ဆံပင်အရမ်းကျွတ်တဲ့သူတွေအတွက် အသုံးဝင်စေမှာပါ။

ကြက်ဥ၊ နွားနို့၊ သံပယိုရည်၊ သံလွင်ဆီနဲ့ ပေါင်းတင်နည်း

ကြက်ဥ – ၁ လုံးကို ပန်းကန်ထဲထည့်ခလောက်ပြီး နွားနို့ – ၁ ခွက်၊ သံပယိုရည် – စားပွဲတင်ဇွန်း ၂ ဇွန်း၊ သံလွင်ဆီ – စားပွဲတင်ဇွန်း ၂ ဇွန်းတို့ကိုထည့်ပြီး ရောခလောက်မွှေပါ။ ပြီးရင်တော့ ဆံသားနဲ့ဦးရေပြားမှာ သေချာနှံ့အောင်သုတ်လိမ်းပြီး မိနစ် ၂၀ ထားပါ။ အချိန်ပြည့်ရင် ခေါင်းလျှော်လိုက်ရုံပါပဲ။

ဒီနည်းလမ်းကတော့ ဆံပင်ကျွတ်တာသက်သာစေပြီး ဆံသားသန်စွမ်းစေတယ်။ ဆံသားတောက်ပြောင်စေပါတယ်။

ကြက်ဥအနှစ်၊ Green Tea နဲ့ ပေါင်းတင်နည်း

ကြက်ဥတစ်လုံးကို အနှစ်ပဲယူပြီး ပန်းကန်ထဲထည့်ပါ။ ပြီးရင်တော့ Green Tea အမှုန့် – စားပွဲတင်ဇွန်း ၂ ဇွန်းထည့်ပြီး ခလောက်မွှေလိုက်ပါ။ မွှေပြီးရင် ဆံပင်နဲ့ဦးရေပြားမှာ သေချာနှံ့အောင်သုတ်လိမ်းပြီး မိနစ် ၂၀ ထားပါ။ အချိန်ပြည့်ရင် ရေအေးနဲ့ခေါင်းလောင်းပြီး သေချာသန့်စင်ပါ။ ပြီးမှ Shampoo နဲ့လျှော်ပေးပါ။

ဒီနည်းလမ်းကတော့ ဆံပင်ကျွတ်တာသက်သာစေတဲ့အပြင် ဆံသားနဲ့ ဦးရေပြားအတွက်လိုအပ်တဲ့ Proteins ဓာတ်ကိုလည်း ရရှိစေပါတယ်။

Oil Hair Pack လုပ်နည်း

Vitamin E Capsules အလုံးလေး – ၂ လုံးကိုဖောက်ပြီး ပန်းကန်လုံးလေးထဲ ထည့်ပါ။ Almond Oil – စားပွဲတင် ၁ ဇွန်း၊ အုန်းဆီ – စားပွဲတင်ဇွန်း ၁ ဇွန်း၊ ကြက်ဆူဆီ – လက်ဖက်ရည်ဇွန်း ၁ ဇွန်းနဲ့ Lavender Essential Oil – ၂ စက်လောက်ပါထည့်ပြီး ရောမွှေလိုက်ပါ။ မွှေပြီးရင် ဆံသားမှာ သေချာနှံ့အောင်လိမ်းပြီး တစ်ညထားပါ။ မနက်ရောက်မှ ခေါင်းလျှော်ပေးပါ။

ဒီနည်းလမ်းကတော့ Oil Hair Pack လုပ်နည်းဖြစ်ပြီး ဆံပင်ကျွတ်သက်သာစေပါတယ်။ ဆံပင်အရှည်မြန်ပြီး ဆံပင်အုံထူလာစေပါတယ်။