အရက်အမြဲသောက်တတ်တဲ့သူတွေ၊ အရက်နာကျတတ်တဲ့သူတွေအတွက် အရက်နာကျတာကို ပျောက်အောင်လုပ်ပေးနိုင်တဲ့ Essential Oil တွေကို မျှဝေပေးလိုက်ပါတယ်။ Essential Oil ဆိုတော့ သုံးရတာပိုပြီး အဆင်ပြေမယ်လို့ထင်ပါတယ်။
Grapefruit Essential Oil
Grapefruit Essential Oil ဟာ အရက်နာကျတဲ့သူတွေအတွက် favorite လို့တောင် ပြောစမှတ်ရှိပါတယ်။ အရက်နာကျပြီး အိပ်ယာနိုးလာချိန်မှာ အားမရှိသလိုဖြစ်နေတာ၊ မူးနောက်နေတာတွေကို အမြန်ဆုံးပျောက်စေပြီး စိတ်ကြည်လင်လန်းဆန်းစေပါတယ်။ အရက်နာကျတာလည်း ပျောက်တာမြန်ပါတယ်။
အသုံးပြုရမယ့်ပုံစံကတော့ မျက်နှာသုတ်ပုဝါအသေးလေးကို ရေနွေးနဲ့ နွေးအောင်လုပ်ပြီး ရေညှစ်ချပါ။ ပြီးရင် နွေးနွေးလေးဖြစ်နေတဲ့ မျက်နှာသုတ်ပုဝါပေါ်ကို Grapefruit Essential Oil ၂ စက်ချပါ။ ပြီးရင် အဲ့တာကို မျက်နှာပေါ်အုပ်တင်ပြီး အသက်ကိုရှိုက်ရှူပေးပါ။ ၃ ကြိမ်လောက် သေချာရှိုက်ပြီးရှူလိုက်ရင် ရပါပြီ။
Peppermint Essential Oil
Peppermint Essential Oil ရဲ့ အနံ့က စိတ်ကိုလန်းဆန်းစေပါတယ်။ မအီမသာဖြစ်ပြီး ပျို့အန်ချင်တဲ့စိတ်ကိုလည်း လျော့ကျစေပါတယ်။ ဒါပေမယ့် Sensitive ဖြစ်တဲ့ အသားအရေပိုင်ရှင်တွေဆိုရင်တော့ Peppermint Essential Oil ကိုမသုံးသင့်ပါဘူး။ ကျန်တာကတော့ ရပါတယ်။
အသုံးပြုရမယ့်ပုံစံကတော့ လည်ပင်းပေါ်ကို Peppermint Essential Oil ၂ စက်ချပြီး အသက်ကို ခပ်ပြင်းပြင်းလေး ရှိုက်ပြီးရှူလိုက်ပါ။ ပြီးရင်တော့ လက်သေချာပြန်ဆေးပေးဖို့ မမေ့ပါနဲ့။ မျက်လုံးကိုလည်း မထိမအောင် သတိထားပါ။
Tea Tree Essential Oil
Tea Tree Essential Oil ကိုရှူရင် စိတ်ကြည်လင်ပြီး Mood ကောင်းစေပါတယ်။ အရက်နာကျတာလည်း အမြန်သက်သာစေပါတယ်။
အသုံးပြုရမယ့်ပုံစံကတော့ ဇလုံထဲကို ရေနွေး ၂ ခွက်ထည့်ပြီး Tea Tree Essential Oil ၅ စက်ထည့်ကာ ခြေထောက်စိမ်ပေးရပါမယ်။ ရေက ခြေဖဝါးမြုပ်နေရင်ရပါတယ်။ ၅ မိနစ် (သို့) ၁၀ မိနစ်စိမ်ပြီး အသက်ကိုပြင်းပြင်းရှိုက်ရှူပေးပါ။
Source:www.byrdie.com
