လက်ဆစ်လေးတွေမဲနေတာကိုပြန်ဖြူလာအောင်လုပ်ပေးနိုင်တဲ့သဘာဝနည်းလမ်းများ

လက်ကဖြူပြီး လက်ဆစ်တွေပဲ မဲနေတာမျိုးတွေ ရှိပါတယ်။ ဒီလို လက်ဆစ်လေးတွေမဲနေတာကို အသားအရောင်ညီပြီး ပြန်ဖြူလာအောင်လုပ်ပေးနိုင်တဲ့ သဘာဝနည်းလမ်းတွေလည်းရှိတာကြောင့် လွယ်လွယ်ကူကူလုပ်လို့ရတာတွေကို ရွေးပြီးမျှဝေပေးလိုက်ပါတယ်။

သံပယိုရည်

လက်ဆစ်တွေမဲနေတာကို အသားအရောင်ညီပြီး ပြန်ဖြူလာအောင်လုပ်ပေးနိုင်တဲ့ အကောင်းဆုံးနည်းလမ်းကတော့ သံပယိုရည်ပါပဲ။

လုပ်ရမယ့်ပုံစံကတော့ သံပယိုရည် – လက်ဖက်ရည်ဇွန်း ၃ ဇွန်းကို ရေခွက်ထဲထည့်ပြီး မွှေပါ။ ပြီးရင်တော့ လက်ကိုထည့်စိမ်ထားပြီး ၅ မိနစ် (သို့) ၁၀ မိနစ်ထားပါ။ အချိန်ပြည့်ရင် ရေကြက်သီးနွေးနဲ့ လက်ဆေးပေးပါ။

ဗီတာမင် အီး

ဗီတာမင် အီးမှာက အသားအရေကို nourishing နဲ့ whitening ဖြစ်စေတဲ့ effect တွေ ပါဝင်လို့ လက်ဆစ်မဲတာကို ပြန်ဖြူလာစေဖို့ ကူညီပေးနိုင်ပါတယ်။

လုပ်ရမယ့်ပုံစံကလည်း အလွယ်ကူဆုံးပါပဲ။ ဗီတာမင် အီးကို လက်ဆစ်မှာ သေချာပွတ်လမ်းပြီး ၁၀ မိနစ်ထားပါ။ အချိန်ပြည့်ရင် ရေကြက်သီးနွေးလေးနဲ့ လက်ဆေးပေးပါ။

ဒီနည်းလမ်းကိုလုပ်မယ်ဆိုရင်တော့ တစ်ပတ်တစ်ကြိမ် ပုံမှန်လုပ်ပေးရပါမယ်။ သူကတော့ ချက်ချင်းကြီးဖြူလာမှာမဟုတ်ပါဘူး။ မဲနေတာတွေသက်သာပြီး ဖြေးဖြေးချင်းစီ အသားအရောင်ညီပြီး ဖြူလာမှာပါ။

မုန့်ဖုတ်ဆိုဒါ

မုန့်ဖုတ်ဆိုဒါကလည်း လက်ဆစ်မဲတာတွေသက်သာပြီး ပြန်ဖြူလာစေဖို့ ကူညီပေးပါတယ်။

လုပ်ရမယ့်ပုံစံကတော့ မုန့်ဖုတ်ဆိုဒါကို လက်ချောင်းလေး ၂ ချောင်းနဲ့ နည်းနည်းပဲယူပြီး ရေနွေးခွက်ထဲထည့်မွှေလိုက်ပါ။ လက်ထည့်စိမ်လို့ရတဲ့ အပူလောက်ပဲလုပ်ပေးပါ။ ပြီးရင်တော့ အဲ့ဒီခွက်ထဲ ၁၅ မိနစ် လက်ထည့်စိမ်ထားပါ။ အချိန်ပြည့်ရင်တော့ ရေအေးနဲ့ပဲ လက်ဆေးပေးပါ။

ဒီနည်းလမ်းကိုလုပ်မယ်ဆိုရင် တစ်ပတ်မှာ ၂ ကြိမ် ပုံမှန်လုပ်ပေးပါ။

source:www.blushin.com