ဆံပင်အတိုနဲ့ ကောင်မလေးတွေအတွက် ချစ်စရာကောင်းပြီး လုပ်ရတာလည်းလွယ်ကူတဲ့ ဆံပင်စည်းနည်း (၃) မျိုးကို မျှဝေပေးလိုက်ပါတယ်။
ဆံပင်ကို ဘေးဘက်ကမယူပဲ အပေါ်ကနေယူကာ တစ်ဝက်စည်းပါ။ တစ်ဝက်စည်းထားတာကိုမှ အလယ်ကိုခွဲပြီး အလိမ်လေးလုပ်ပေးပါ။ ဆံပင်အလိမ်လေးဖြစ်သွားရင် ပွပွလေးဖြစ်အောင် လက်နဲ့နည်းနည်းချင်းစီ ဆွဲထုတ်ပေးပါ။ ပြီးရင် အပေါ်ကို ခဏလှန်တင်ထားလိုက်ပါ။
အောက်ကကျန်တဲ့ဆံပင်တွေကိုစုစည်းပါမယ်။ အပေါ်ကဆံပင်တွေပြန်ချပြီး စည်းထားတဲ့အောက်က နှစ်ဖက်ကို ပုံမှာပြထားတဲ့အတိုင်း ခွဲပြီး စည်းလိုက်ပါ။ ပြီးရင် ကလစ်လေးတပ်ပေးလိုက်ပါ။
ဆံပင်ကို အပေါ်ကနေယူပြီး တစ်ဝက်စည်းပြီး ခဏလှန်တင်ထားပါ။ အောက်ကကျန်တဲ့ဆံပင်တွေကို ထပ်ပြီးစုစည်းလိုက်ပါ။ အပေါ်ကဆံပင်တွေကို ပြန်ချပြီး အလယ်နှစ်ခြမ်းကွဲကာ လက်နဲ့လိမ်လိုက်ပါ။ ပြီးမှ အောက်ဆံပင်မှာပတ်ပြီး ကလစ်လေးတပ်လိုက်ပါ။
ဘေးနှစ်ဖက်ကဆံပင်ကို နည်းနည်းစီချန်ထားပြီး ဆံပင်စုစည်းလိုက်ပါ။ ချန်ထားတဲ့ ဘေးဆံပင်တွေကို လက်နဲ့ နှစ်ခြမ်းခွဲပြီး အလိမ်လေးဖြစ်အောင် လိမ်ပါ။ ပြီးရင် စည်းထားတဲ့ဆံပင်နဲ့ကပ်ပြီး စုချည်ပါ။ နောက်တစ်ဖက်ကိုလည်း ဒီတိုင်းပဲ ဆက်လုပ်ပါ။
အားလုံးပြီးရင်တော့ ခိုင်သွားအောင် ဘေးတိုက်လေး ကလစ်အမဲထိုးလိုက်ပါ။ ပြီးမှ အလှကလစ်လေးတပ်လိုက်ပါ။
