တစ်ခါတစ်လေမှာ ကိုယ်လုပ်လိုက်မိတဲ့ ဆံပင်ပြင်ဆင်ပုံတွေက ကိုယ့်ရုပ်ကိုပိုရင့်သွားစေပါတယ်။ ဒါကြောင့် ရုပ်ပိုရင့်သွားတာမျိုးမဖြစ်ပဲ ပိုပြီးလှပ နေအောင် နေ့စဉ်ပြင်ဆင်နေကျ သင့်ရဲ့ဆံပင်ပြင်ဆင်ပုံအမှားတွေကို ဘယ်လိုပုံစံပြောင်းပြီး ပြင်ဆင်ရမလဲဆိုတာလေးကို ပြောပြပေးလိုက်ပါတယ်။
ဆံပင်အရှည်ကိုဘာမှမပြင်မဆင်နဲ့ထားတာက ပိုလူကြီးဆန်ပြီး ကြည့်ရဆိုးစေပါတယ်။ ကိုယ်က အသက် ၂၅ ကျော်လောက်ဖြစ်နေပြီဆိုရင် ဆံပင်အောင်နားလေးကို လိပ်တာမျိုး၊ ကောက်တာမျိုးက ပိုပြီးလည်းလှသလို ရုပ်လည်း ရင့်မသွားစေပါဘူး။
ဆံပင်ကိုထုံးရင်လည်း ရိုးရိုးထုံးတာမျိုးက လူကြီးအရမ်းဆန်ပြီး ရုပ်ရင့်သွားစေပါတယ်။ ပုံမှပြထားတဲ့အတိုင်း ထိပ်မှာ ဆံထုံးလိုမြင့်မြင့်လေးထုံးတာမျိုးက လူငယ်လည်းဆန်သလို လှလည်းလှတယ်။ ဖက်ရှင်လည်းကျစေပါတယ်။
ဆံပင်ကိုအပြောင်စည်းမယ်ဆိုရင်လည်း နိမ့်နိမ့်လေးစီးတာမျိုး၊ ဆံပင်ခွဲကြောင်းကြီးအတိုင်းစည်းတာမျိုးက အရမ်းလူကြီးဆန်ပါတယ်။ ဆံပင်ကို အပြောင်သိမ်းပြီး မြင့်မြင့်လေးစည်းတာမျိုးကမှ စတိုင်လ်ကျပြီး လှပစေတာပါ။ ဒါကြောင့် ပုံမှန်ပြင်ဆင်နေတဲ့ အပြင်အဆင်တွေကို သတိထား လိုက်မယ်ဆိုရင် ပိုပြီတော့ လှပသွားမှာပါ။
Photo Source: www.popxobeauty.com
