Triceps ဆိုတာကတော့ လက်မောင်းကြွက်သားဖြစ်ပါတယ်။ လက်မောင်းအနောက်မှာရှိပြီး လက်မောင်း အဆန့် အတင်းမှာ ကူညီပေးပါတယ်။ လက်မောင်းကြွက်သားတွေက လက်မောင်းလုပ်ငန်းတာဝန်အတွက် အရေးပါသလို အပေါ်ပိုင်းခန္ဓာကိုယ်ကို ပုံဖော်ပေးတဲ့ အဓိက အစိတ်အပိုင်းဖြစ်ပါတယ်။ Triceps က အဆီစုဖို့ လွယ်ကူတဲ့နေရာလည်းဖြစ်ပါတယ်။ လက်မောင်းအဆီကျချင်သူတွေအတွက် လက်မောင်းကို အဓိက Target ထားတဲ့ လေ့ကျင့်ခန်း သုံးခုကို ဖော်ပြပါရစေ။
၁။ Inch Worm
Photo Source: LowGif
မတ်တပ်ရပ်အနေအထားနဲ့ အရင်ရပ်ပေးပါ။ ပြီးနောက် လက်ကို အဓိကအားပြုပြီး အောက်ဘက်ဆီ ကုန်းပြီး ရှေ့ကို တွားသွားပေးရပါမယ်။ ဒါကို ၆ ကြိမ်ပြုလုပ်ပေးရပါမယ်။
၂။ Push Ups
Photo Source: Experience Life
ဒိုက်ထိုးတာက ခန္ဓာကိုယ်တစ်ခုလုံးအတွက် အကျိုးပြုတဲ့လေ့ကျင့်ခန်းပါ။ လက်မောင်းအဆီကိုလည်း ထိထိရောက်ရောက် ကျစေပါတယ်။ ၁၀ ကြိမ် ဒိုက်ထိုးပေးရပါမယ်။
၃။ Reverse Plank
Photo Source: Pinterest
လက်နှစ်ဖက်ကို အနောက်မှာ ပုံထဲကအတိုင်း ထားပေးရပါမယ်။ ပြီးရင်တော့ လက်ကို အားပြုပြီး ခန္ဓာကိုယ်ကို မ ပေးရပါမယ်။ ဒူးမကွေးထားချင်ရင် ခြေထောက်နှစ်ဘက်ကို ခုံတစ်လုံး ပေါ်တင်ထားပြီး ဆန့်ထားနိုင်ပါတယ်။ ဒါကို ၁၀ ကြိမ်ပြုလုပ်ပေးရပါမယ်။
By MyStyle Myanmar
