အသားခြောက်တဲ့သူတွေအတွက် နွေရာသီမှာအသားအရေမပျက်စီးအောင် မျက်နှာပေါင်းတင်နည်း ၃ မျိုး

နွေရာသီရောက်ရင် နေအရမ်းပြင်းတော့ UV sun rays တွေ၊ ဖုန်မှုန့်အညစ်အကြေးတွေကြောင့် အသားအရေက ပုံမှန်ထက်ပိုပြီး ထိခိုက်ပျက်စီးစေပါတယ်။ အသားခြောက်တဲ့သူတွေဆို ပိုဆိုးပါတယ်။ ဒါကြောင့် အသားခြောက်တဲ့သူတွေအတွက် နွေရာသီမှာ အသားအရေမပျက်စီးအောင် ထိန်းသိမ်းနိုင်မယ့် မျက်နှာပေါင်းတင်နည်း ၃ မျိုးကို မျှဝေပေးလိုက်ပါတယ်။

သင်္ဘောသီးနဲ့ပေါင်းတင်နည်း

သင်္ဘောသီးက မျက်နှာပေါ်က ဆဲလ်သေတွေကိုဖယ်ရှားပေးပြီး anti-aging အတွက် အရမ်းကောင်းတဲ့ natural exfoliator တစ်မျိုးပါပဲ။ အသားအရေကိုလည်း moisture အပြည့်အဝပေးနိုင်ပါတယ်။ ဒါကြောင့် အသားခြောက်တဲ့သူတွေအတွက် အကောင်းဆုံးပါပဲ။

သင်္ဘောသီးနဲ့ပေါင်းတင်ဖို့အတွက် သင်္ဘောသီးအမှည့်ကို သင့်တော်တဲ့ပမာဏလောက်ယူပြီး ကျေညက်သွားအောင် ချေပေးပါ။ ပြီးရင် မျက်နှာမှာလိမ်းပြီး ၁၅ မိနစ်ထားပါ။ အချိန်ပြည့်ရင် မျက်နှာသစ်လိုက်ရုံပါပဲ။ အရမ်းလွယ်ပါတယ်။ တစ်ပတ်တစ်ကြိမ် ပုံမှန်ပေါင်းတင်ပေးနိုင်ရင် အကောင်းဆုံးပါ။

ဒိန်ချဉ်နဲ့ပေါင်းတင်နည်း

ဒိန်ချဉ်က အသားအရေ ခြောက်သွေ့ပြီးညစ်နေတာတွေကို သက်သာစေပြီး အသားအရေနူးညံ့လာစေတယ်။ Moisture ပေးတာကြောင့် အသားအရေလည်းစိုပြည်လာစေပါတယ်။ ဒါကြောင့်လည်း အသားခြောက်တဲ့သူတွေအတွက် အထူးသင့်တော်ပါတယ်။

ပေါင်းတင်ရမယ့်နည်းလမ်းကတော့ ဒိန်ချဉ် – လက်ဖက်ရည်ဇွန်း ၂ ဇွန်းနဲ့ ပျားရည် – လက်ဖက်ရည်ဇွန်း ၁ ဇွန်းကို ရောမွှေပြီး မျက်နှာမှာလိမ်းပေးပါ။ ခြောက်သွားတဲ့အထိထားပြီး ခြောက်ပြီဆိုမှ မျက်နှာသစ်ပေးပါ။ ဒီနည်းလမ်းကို လုပ်မယ်ဆိုရင်လည်း တစ်ပတ်တစ်ကြိမ် ပုံမှန်လုပ်ပေးပါ။

Oats နဲ့ သခွားသီး

Oats ကတော့ အသားခြောက်တာကို သက်သာစေပြီး အသားအရေချောမွေ့လာစေတယ်။ သခွားသီးကတော့ cooling effect ရစေပြီး အသားအရေစိုပြည်စေပါတယ်။ ဒါကြောင့် ဒီနှစ်မျိုးကိုရောပြီး ပေါင်းတင်ပေးတာက dry skin တွေအတွက် အရမ်းကောင်းပါတယ်။

ပေါင်းတင်ဖို့အတွက် oats – လက်ဖက်ရည်ဇွန်း ၃ ဇွန်း၊ သခွားသီးအရည် – လက်ဖက်ရည်ဇွန်း ၁ ဇွန်းနဲ့ ဒိန်ချဉ်ပါ နည်းနည်းထည့်ပြီး ရောမွှေလိုက်ပါ။ ပြီးရင်တော့ မျက်နှာမှာလိမ်းပြီး မိနစ် ၂၀ ထားပါ။ အချိန်ပြည့်ရင် မျက်နှာသစ်လိုက်ရုံပါပဲ။ ဒီနည်းလမ်းကိုလုပ်မယ်ဆိုရင်လည်း တစ်ပတ်တစ်ကြိမ် ပုံမှန်လုပ်ရပါမယ်။