ချစ်စရာကောင်းတဲ့ အပြုံးပိုင်ရှင်လေး Zhang Ruo Nan ရဲ့ ဖက်ရှင်များ

ဟယ်လို ဒီနေ့ MyStyle Myanmar ကနေပြီးတော့ အနုပညာရှင်တို့ရဲ့ ဖက်ရှင်ကဏ္ဍအတွက် ရွေးချယ်ထားတာကတော့ တရုတ်မင်းသမီးချောလေး Zhang Ruo Nan ပဲ ဖြစ်ပါတယ်။ တရုတ်ကားတွေ လက်မလွတ်တမ်း ကြည့်လေ့ရှိသူတွေဆိုရင်တော့ သူလေးကို သေချာပေါက် ရင်းနှီးကြမှာပါနော်။

Zhang Ruo Nan ရဲ့ မွေးနေ့က ၁၉၉၆ ခုနှစ် နိုဝင်ဘာလ ၁၄ ရက်နေ့ဖြစ်ပြီးတော့ အခုမှ အသက် ၂၆ နှစ်ပဲ ရှိပါသေးတယ်။ သူမကိုတော့ တရုတ်နိုင်ငံ Wenzhou မြို့မှာ မွေးဖွားခဲ့တာပါ။

ပညာရေးအနေနဲ့ကတော့ Hangzhou Dianzi တက္ကသိုလ်မှာ တက်ခဲ့ဖူးပါတယ်။ သရုပ်ဆောင်အနေနဲ့ ၂၀၁၇ ခုနှစ်မှာ “Cry Me a Sad River” ဆိုတဲ့ ဇာတ်လမ်းတွဲမှာ ပါဝင်သရုပ်ဆောင်ရင်းနဲ့ စတင်လုပ်ကိုင်ခဲ့တာဖြစ်ပါတယ်။

၂၀၂၈ ခုနှစ်မှာ Everyone Wants to Meet You ဆိုတဲ့ အချစ်ဇာတ်လမ်းတွဲ ရိုက်ကူးခဲ့ပြီးတော့ ၂၀၁၉ ခုနှစ်မှာ Love is All ဆိုတဲ့ Historical ဇာတ်လမ်းတွဲကို ပထမဆုံး ရိုက်ကူးခဲ့ပါတယ်။

သူမရဲ့ တခြား လူသိများသေးတဲ့ ဇာတ်လမ်းတွဲတွေကတော့ A Date with the Future, Love is Panacea, My Love, Be Yourself, Everyone Wants to Meet You, The End of Endless Love တို့ဖြစ်ပြီးတော့ My Boss ကတော့ နောက်ဆုံးရိုက်ကူးထားတာပါ။

လူကောင်သေးသေးလေးနဲ့ ချစ်စရာကောင်းတဲ့ မင်းသမီးလေး Zhang Ruo Nan ရဲ့ ပရိတ်သတ်ကြီးအတွက်ရော ဖက်ရှင်ကို စိတ်ပါဝင်စားကြတဲ့ ပျိုမေတွေအတွက်ပါ သူမရဲ့ဖက်ရှင်လေးတွေကို ဖော်ပြပေးလိုက်ရပါတယ်နော်။