ဟယ်လို ပရိတ်သတ်တို့ရေ အခုတစ်ခေါက် အနုပညာရှင်တို့ရဲ့ ဖက်ရှင်ကဏ္ဍအတွက် ဖော်ပြပေးသွားမှာကတော့ ငယ်ငယ်ရွယ်ရွယ်နဲ့ တော်တော်လေး ပရိတ်သတ်တွေ သတိထားမိလာစေခဲ့တဲ့ မင်းသမီးလေး Liu Haocun အကြောင်းပါပဲနော်။
၁၉၉၈ ခုနှစ်ဖွား မေလ ၂၀ ရက်နေ့ မွေးနေ့ရှင်လေးဖြစ်ပြီးတော့ ၂၀၂၀ ခုနှစ်တုန်းက ထွက်ရှိခဲ့တဲ့ One Second ဆိုတဲ့ ရုပ်ရှင်ကားနဲ့ သရုပ်ဆောင် အလုပ်ကို စတင်လုပ်ကိုင်ခဲ့တာဖြစ်ပါတယ်။
Debut လုပ်ချိန်ကတည်းက ချီးမွမ်းခံခဲ့ရတဲ့ သူမဟာ ၂၀၂၁ ခုနှစ်က Impasse ဇာတ်ကားမှာလည်း ပါဝင်ခဲ့ပြီး တချိန်က မင်းသမီးကြီးတွေဖြစ်တဲ့ Zhang Ziyi နဲ့ Gong Li တို့ ရရှိခဲ့တဲ့ ‘Yimou Girl’ ဆိုတဲ့ နာမည်ပြောင်ကိုတောင် ရရှိထားသူလေးပါ။
ဒါရိုက်တာ Zhang Yimou ရွေးချယ်ထားတဲ့ မင်းသမီးတွေဟာ အောင်မြင်သွားကြသူတွေချည်းပါပဲ။ သူမရဲ့ တခြားဇာတ်လမ်းတွဲတွေနဲ့ ဇာတ်ကားတွေကတော့ Just For Meeting You, Only Fools Rush In, A Little Red Flower, Ride On 2023 တို့ဖြစ်ပါတယ်။
အခုလိုမျိုး ငယ်ငယ်လေးနဲ့ သရုပ်ဆောင်ကောင်းလို့ ချီးမွမ်းခံနေရတဲ့ အချောလေး Liu Haocun ရဲ့ စွဲမက်စရာ ဖက်ရှင်တချို့ကို သူမရဲ့ ပရိတ်သတ်တွေအတွက် ဝေမျှပေးလိုက်ပါတယ်နော်။
Image Source: Pinterest
