နှုတ်ခမ်းဖူးဖူးလေးနဲ့ ချစ်စရာကောင်းတဲ့ တရုတ်မင်းသမီးလေး Zhang Jingyi ရဲ့ ဖက်ရှင်များ

ဟယ်လို ပရိတ်သတ်တို့ရေ အခုတစ်ခေါက် အနုပညာရှင်ကဏ္ဍမှာတော့ လတ်တလော ဟော့ဖြစ်နေတဲ့ တရုတ်မင်းသမီးချောလေး Zhang Jingyi အကြောင်းကို တင်ဆက်ပေးသွားဖို့ စီစဥ်ထားပါတယ်။

Zhang Jingyi ကတော့ ၁၉၉၉ ခုနှစ် ဇူလိုင်လ ၁၀ ရက်နေ့မှာ တရုတ်နိုင်ငံ ဟူနန်မှာ မွေးဖွားခဲ့တာဖြစ်ပါတယ်။ အသက် 24 နှစ်သာရှိသေးတဲ့ မင်းသမီး Zhang Jingyi ရဲ့ အရပ်အမြင့်ကတော့ ၅ ပေ ၆ လက်မရှိပြီး ကိုယ်အလေးချိန်အနေနဲ့ကတော့ ၉၉ ပေါင်ပဲရှိပါတယ်။

Beijing Film Academy ကနေပြီး ၂၀၁၈ ခုနှစ်မှာ ကျောင်းပြီးခဲ့သူလေးဖြစ်ကာ အနုပညာလောကထဲကိုတော့ ၂၀၂၀ ခုနှစ်တုန်းက ထွက်ရှိခဲ့တဲ့ Run For Young ဆိုတဲ့ တီဗီစီးရီးတွဲကနေ စတင်ဝင်ရောက်လာခဲ့တာဖြစ်ပါတယ်။

ထိုမှတဆင့် ၂၀၂၁ ခုနှစ်မှာ Love Will Tear Us Apart ဆိုတဲ့ ဇာတ်ကားမှာ ပါဝင်သရုပ်ခဲ့သလို Fall In Love ဆိုတဲ့ နာမည်ကြီး ဇာတ်လမ်းတွဲထဲမှာလည်း ပါဝင်ခဲ့ပါသေးတယ်။ သူမကို ပိုပြီးလူသိများလာစေခဲ့တာကတော့ ၂၀၂၂ ခုနှစ်တုန်းက ထွက်ရှိခဲ့တဲ့ Lighter and Princess ဇာတ်လမ်းတွဲလေးပါပဲ။

ကဲ သူမအကြောင်းလေးကို တော်သင့်သလောက် သိပြီးပြီဆိုရင်တော့ သူမရဲ့ဖက်ရှင်လေးတွေကို ဆက်ပြီးကြည့်လိုက်ရအောင်ပါ။