ဟယ်လို MyStyle Myanmar ရဲ့ ပရိတ်သတ်တို့ရေ အနုပညာရှင်တို့ရဲ့ ဖက်ရှင်ကဏ္ဍကို ပြန်လည်ရောက်ရှိလာပါပြီနော်။ ဒီတစ်ခေါက် ဖော်ပြပေးဖို့အတွက် ရွေးချယ်ထားတဲ့ အနုပညာရှင်ကတော့ မင်းသားကြီး Jonny Depp ရဲ့ သမီးဖြစ်သူ Lily Rose depp ပဲဖြစ်ပါတယ်။
သူမကိုတော့ မြန်မာပရိတ်သတ် အများစု ပိုပြီးသိသွားကြတာက ဟော့ဖြစ်ခဲ့တဲ့ The Idol စီးရီးကြောင့်လို့လည်း ပြောလို့ရပါတယ်။ ကဲ…သူမရဲ့ ဖက်ရှင်တွေကို မလေ့လာခင်မှာ သူမအကြောင်းလေးတွေကို နည်းနည်းစပ်စုလိုက်ကြမယ်လေနော်။
သူမရဲ့ နာမည်အပြည့်အစုံကတော့ Lily-Rose Melody Depp ဖြစ်ပြီး ပြင်သစ်-အမေရိကန်လူမျိုး မင်းသမီးဖြစ်ပါတယ်။ ဖခင် Johnny Depp နဲ့ မိခင် Vanessa Paradis တို့ရဲ့ သမီးဖြစ်ပြီးတော့ Tusk ဆိုတဲ့ ဇာတ်ကားမှတဆင့် သရုပ်ဆောင်အလုပ်ကို စတင်လုပ်ကိုင်ခဲ့တာဖြစ်ပါတယ်။
နောက်ဆက်တွဲအနေနဲ့ The Dancer, Planetarium and The King, နဲ့ A Faithful Man ဆိုတဲ့ ဇာတ်ကားတွေမှာလည်း ထပ်မံပါဝင်သရုပ်ဆောင်ခဲ့ပါသေးတယ်။ ထိုမှတဆင့် ဖက်ရှင်မော်ဒယ်လ်အဖြစ်လည်း လုပ်ကိုင်ခဲ့ပါတယ်။
Lily Rose depp ရဲ့ မွေးနေ့ကတော့ ၁၉၉၉ ခုနှစ် မေလ (၂၇) ရက်နေ့ဖြစ်ပြီး ပြင်သစ်နိုင်ငံ Neuilly-sur-Seine မြို့မှာ မွေးဖွားခဲ့တာဖြစ်ပါတယ်။
ဖက်ရှင်ကျလွန်းတဲ့ မင်းသား ဖခင် နဲ့ မော်ဒယ်လ် မိခင်တို့ရဲ့ သမီးဖြစ်သူပီပီ ဖက်ရှင်ရွေးချယ်မှုပိုင်းမှာတော့ လုံးဝကို ပြောစရာမရှိပါဘူးနော်။ ကဲ သူမရဲ့ ဖက်ရှင်တွေကို အခုပဲ ဆက်ကြည့်လိုက်ရအောင်ပါ။
Image Source: Pinterest
