ဆံပင်အရမ်းကျွတ်ရင် ဆံသားက တစ်ဖြေးဖြေးပါးလာတဲ့အတွက် စိတ်ညစ်ရပါတယ်။ ဒီလိုပြဿနာကို ခံစားနေရတဲ့ ပျိုမေတို့အတွက် ဆံပင်သန်ပြီး အုံထူလာစေဖို့ ဒိန်ချဉ်နဲ့ပေါင်းတင်ပေးရမယ့် နည်းလမ်း ၂ မျိုးကို ပြောပြပေးလိုက်ပါတယ်။ နည်းလမ်း ၂ မျိုးဆိုတော့ ကိုယ်အဆင်ပြေတဲ့နည်းလမ်း ၁ မျိုးကို ရွေးပြီး လုပ်လို့ရတာပေါ့။

ဒိန်ချဉ်နဲ့ကြက်ဥ

ပန်းကန်လုံးထဲကို ကြက်ဥတစ်လုံး ဖောက်ထည့်ပြီးမွှေပါ။ ပြီးမှ ဒိန်ချဉ် – စားပွဲတင်ဇွန်း ၂ ဇွန်းထည့်ပြီး သမအောင်ထပ်မွှေပါ။ ပြီးရင်တော့ ဦးရေပြားကနေ ဆံဖျားအထိ သေချာသမအောင် သုတ်လိမ်းပြီး မိနစ် ၃၀ ပေါင်းထားလိုက်ပါ။

အချိန်ပြည့်မှ ခေါင်းလျှော်လိုက်ရုံပါပဲ။ ဒီနည်းလမ်းကို တစ်ပတ် ၂ ကြိမ် ပုံမှန်လုပ်ပေးရင်တော့ တစ်ဖြေးဖြေးစီ ဆံပင်သန်ပြီး အုံထူလာပါလိမ့်မယ်။

ဒိန်ချဉ်နဲ့ငှက်ပျောသီး

ငှက်ပျောသီးအမှည့် တစ်ခြမ်းကို အခွံခွာပြီး ရေခဲသေတ္တာထဲမှာ အအေးခံထားပါ။ ခဲသွားတဲ့အထိ အအေးခံထားပါ။ အေးခဲသွားပြီဆိုမှ Blender ထဲထည့်ပြီး ဒိန်ချဉ် – စားပွဲတင်ဇွန်း ၁ ဇွန်း၊ ပျားရည် – လက်ဖက်ရည်ဇွန်း ၃ ဇွန်း၊ သံပယိုရည် – လက်ဖက်ရည်ဇွန်း ၁ ဇွန်းထည့်ပြီး ရောကြိတ်ပါ။

ကြိတ်ပြီးရလာတာကိုမှ ဦးရေပြားကနေ ဆံဖျားထိ နှံ့နေအောင် သုတ်လိမ်းပါ။ ပြီးရင်တော့ မိနစ် ၃၀ ပေါင်းထားပြီး အချိန်ပြည့်မှ ခေါင်းလျှော်ပါ။

ဒီနည်းလမ်းကိုလည်း တစ်ပတ်မှာ ၂ ကြိမ် ပုံမှန်လုပ်ပေးရင် ဆံပင်သန်ပြီး အုံထူလာမယ့်အပြင် ဗောက်ထတာလည်း သက်သာစေမယ်။ ဆံသားလည်းတောက်ပြောင်ပြီး ဆံပင်အဖျားနှစ်ခွဖြစ်တာတွေလည်း သက်သာလာပါလိမ့်မယ်။

Source: www.stylecraze.com