မျက်နှာဖြူချင်တဲ့သူတွေ Brightenign Skin ရချင်တဲ့သူတွေအတွက် မျက်နှာအသားအရေ ပုံမှန်ထက်ပိုပြီးဖြူလာစေဖို့ ကြက်ဥနဲ့ပေါင်းတင်နိုင်မယ့် နည်းလမ်း ၂ မျိုးကို မျှဝေပေးလိုက်ပါတယ်။ အိမ်မှာပဲ အလွယ်တကူလုပ်လို့ရတာကြောင့် ပိုက်ဆံအကုန်အကျလည်းသက်သာပြီး လုပ်ရတာလည်း အဆင်ပြေမှာပါ။

ကြက်ဥနဲ့ပျားရည်

ပထမနည်းလမ်းကတော့ ကြက်ဥနဲ့ပျားရည်ကို သုံးမှာပါ။ ပျားရည်က moisturizing အပြည့်အဝရစေပြီး မျက်နှာအသားအရေ နူးညံ့ချောမွေ့လာစေပါတယ်။ ကြက်ဥနဲ့ရောပြီး ပေါင်းတင်လိုက်တော့ အသားအရေက ရေဓာတ်ပြည့်ပြီး bright ဖြစ်လာစေတယ်။ ပုံမှန်လုပ်ပေးသွားရင်တော့ Glow skin ပါရလာစေပါတယ်။

လုပ်ရမယ့်ပုံစံကတော့ ကြက်ဥ တစ်လုံးနဲ့ ပျားရည် လက်ဖက်ရည်ဇွန်းတစ်ဇွန်းတို့ကို ရောမွှေပြီး မျက်နှာ၊ လည်ပင်းတို့ကို သေချာပွတ်လိမ်းပေးပါ။ နာရီဝက်ထားပြီးရင်တော့ မျက်နှာသေချာသစ်ပြီး ကိုယ်လိမ်းနေကျ skincare တွေ လိမ်းပေးလိုက်ရုံပါပဲ။ ဒီနည်းလမ်းကိုတော့ တစ်ပတ်မှာ ၂ ကြိမ်လုပ်ပေးရပါမယ်။

ကြက်ဥနဲ့သံပယိုသီး

သံပယိုသီးမှာက vitamin C ကြွယ်ဝစွာပါဝင်လို့ အသားအရေကြည်စေပါတယ်။ ကြက်ဥနဲ့ရောပြီး ပေါင်းတင်လိုက်ရင်တော့ ချွေးပေါက်ပိတ်နေတာတွေ ပွင့်လာစေပြီး အသားအရေကြည်ပြီး bright ဖြစ်လာစေတယ်။ ပုံမှန်ထက် ပိုဖြူလာစေပါတယ်။

လုပ်ရမယ့်ပုံစံကတော့ ကြက်ဥ တစ်လုံးနဲ့ သံပယိုရည် လက်ဖက်ရည်ဇွန်းတစ်ဇွန်းတို့ကို ရောမွှေပြီး မျက်နှာ၊ လည်ပင်းတို့ကို သေချာပွတ်လိမ်းပေးပါ။ နာရီဝက် (သို့) တစ်နာရီထားပြီးရင်တော့ မျက်နှာသေချာသစ်ပြီး ကိုယ်လိမ်းနေကျ skincare လိမ်းပေးရုံပါပဲ။ ဒီနည်းလမ်းကို လုပ်မယ်ဆိုရင်တော့ တစ်ပတ်မှာတစ်ကြိမ် လုပ်ပေးရပါမယ်။

source:www.stylesatlife.com