ဆံပင်ကောက်ထားတဲ့သူတွေက ပုံမှန်ထက်ပိုပြီးတော့ ဆံပင်ကို ဂရုစိုက်ပေးရပါတယ်။ ခေါင်းလျှော်တိုင်းမှာလည်း shampoo တစ်မျိုးထဲသုံးလို့ မဖြစ်ပါဘူး။ နောက်ကနေ conditioners ၊ ပေါင်းဆေး စတာတွေ လိုက်ပေးရပါတယ်။ ကိုယ့်ဆံသားအတွက် သဘာဝနည်းလမ်းလေးတွေနဲ့ ထိန်းသိမ်းချင်တယ်ဆိုရင်တော့ Homemade နည်းလမ်းတွေကို သုံးပါ။ ဒီလို Homemade နည်းလမ်းတွေကို သေချာသိပြီး လိုက်လုပ်လို့ရအောင်၊ သုံးလို့ရအောင် ဆံပင်ကောက်ထားတဲ့သူတွေအတွက် Homemade Conditioners ပြုလုပ်နည်းကို မျှဝေပေးလိုက်ပါတယ်။

ကြက်ဥနဲ့သံလွင်ဆီ

ပန်းကန်ထဲကို ကြက်ဥတစ်လုံးဖောက်ထည့်ပြီး သံလွင်ဆီ – စားပွဲတင်ဇွန်းတစ်ဇွန်းထည့် မွှေပါ။ သေချာမွှေပြီး ခလောက်ပြီးရင် ဆံသားမှာ နှံ့အောင် ပွတ်လိမ်းပြီး shower cap နဲ့ ၁၀ မိနစ် အုပ်ထားလိုက်ပါ။ အချိန်ပြည့်မှ ရေစင်အောင်သေချာဆေးပြီး ခေါင်းလျှော်ချလိုက်ပါ။ ဒီနည်းလမ်းကတော့ ဆံသားကို ပျော့ပျောင်းစေပါတယ်။

ငှက်ပျောသီးနဲ့နွားနို့

ပန်းကန်ထဲကို ငှက်ပျောသီးတစ်လုံး အခွံခွာထည့်ပြီး နွားနို့ – စားပွဲတင်ဇွန်း ၃ ဇွန်းထည့်ကာ သေချာချေပြီး ပျစ်ပျစ်လေးဖြစ်သွားတဲ့အထိ ခလောက်ပေးပါ။ ပြီးရင်တော့ ဆံပင်အရင်းကနေ အဖျားအထိ သေချာနှံ့အောင် လိမ်းထားပြီး shower cap နဲ့ မိနစ် ၃၀ အုပ်ထားပါ။ အချိန်ပြည့်ရင် ရေကြက်သီးနွေးနဲ့ ဆေးချပြီး shampoo နဲ့ ခေါင်းလျှော်ပါ။ ဒီနည်းလမ်းကတော့ ဆံသားကျိုးတာ၊ နှစ်ခွဖြစ်တာတွေကို သက်သာစေပါတယ်။

Source: www.stylecraze.com