လက်သွယ်သွယ်လေးတွေ ပိုင်ဆိုင်စေမယ့် လေ့ကျင်ခန်း (၂) ခု

လက်သွယ်သွယ်လေးတွေက မိန်းကလေးတစ်ယောက်ရဲ့ အလှကို ပံ့ပိုးပေးနိုင်တဲ့ အစိတ်အပိုင်းတွေပါ။ Selfie ဆွဲရင်လည်း လက်သွယ်သွယ် လေးက ပါသလို၊ ပါးစပ်ပိတ်ပြီး ရယ်လိုက်ရင်လည်း ဒီလက်သွယ်သွယ်လေးတွေကို မြင်ရမှာပါ။ လက်ချောင်း တုတ်တုတ်လေးတွေကလည်း ချစ်ဖို့ကောင်းတဲ့အထဲ ပါဝင်ပါတယ်။ ဒါပေမဲ့ သင်က လက်သွယ်သွယ်လေးကိုမှ သဘောကျတယ်ဆိုရင်တော့ အောက်ဖော်ပြပါ လေ့ကျင့်ခန်းတွေကို ပြုလုပ်နိုင်ပါတယ်။

၁။ Tennis Ball

Tennis Ball ဒါမှမဟုတ် တောင့်တင်းတဲ့ လက်တစ်ဆုပ်စာ ဘောလုံးတစ်လုံးကို ရှာရပါမယ်။ ဒီဘောလုံးကို အားရင်အားသလို ညှစ်ပေးရပါမယ်။

Photo Source: Adobe Stock

၂။ ခေါင်းစည်းကြိုး

တကယ်လို့သာ ဘောလုံးက သင့်အတွက် ခက်ခဲတယ်ဆိုရင် ခေါင်းစည်းကြိုးကို သုံးပြီး ဆွဲလိုက်ဆန့်လိုက်လုပ်ပေးရပါမယ်။ ဘောလုံးကို ညှစ်တာ၊ ခေါင်းစည်းကြိုးကို ဆွဲဆန့်ပေးတာက သင့်လက်ချောင်းတွေကို လေ့ကျင့်ခန်း လုပ်ပေးရာ ရောက်ပြီး လက်ချောင်း ပိုသွယ်လာစေပါတယ်။

Photo source: Verywell Health

ဒီလေ့ကျင့်ခန်း နှစ်ခုကို လက်တစ်ဘက်စီမှာ ၁၅ ခါကနေ အခါ ၂၀ လုပ်ပေးရပါမယ်။ ဒီ ၁၅ ခါ အခါ ၂၀ စာကို တစ်နေ့မှာ နှစ်ကြိမ်ကနေ သုံးကြိမ် Repeat လုပ်ပေးရပါမယ်။

ဒီညှစ်တာနဲ့ ဆွဲဆန့်တဲ့ လေ့ကျင့်ခန်းတွေကို တစ်ပတ်မှာ နှစ်ကြိမ်ကနေ သုံးကြိမ်အထိ ပြုလုပ်ပေးနိုင်ပါတယ်။ ဒါပေမဲ့ လေ့ကျင့်ခန်း တစ်ခါ လုပ်ပြီးတိုင်း ၄၈ နာရီ နားပေးရပါမယ်။ မနားဘူးဆိုရင် သင့်လက်တွေ အလုပ်မလုပ်နိုင်ဘဲ နာသွားပါလိမ့်မယ်။