သင်က Pilates လေ့ကျင့်ခန်းကို နာမည်ပဲ ကြားဖူးပြီး လုပ်ကြည့်ဖို့ စိတ်ဝင်စားနေတယ်ဆိုရင် ဒီအကြောင်းအရာကို ဆက်ဖတ်လိုက်ပါနော်။ Pilates လေ့ကျင့်ခန်းတွေက Low Impact လေ့ကျင့်ခန်းဖြစ်ပြီး ခန္ဓာကိုယ် လှုပ်ရှားမှုကို ပိုနားလည်စေနိုင်ကာ တည်တည်ငြိမ်ငြိမ် မခုန်ဘဲ လေ့ကျင့်ခန်း လုပ်ချင်သူတွေနဲ့ သင့်တော်ပါတယ်။ သင်က ဖော်ပြပါ လေ့ကျင့်ခန်းတွေကို ပုံမှန်လုပ်မယ်ဆိုရင် ခန္ဓာကိုယ် အရင်ထက် ပိုကြည့်ကောင်းလာပါလိမ့်မယ်။
၁။ Leg Raise
Photo Source: Gfycat
လက်နဲ့ ကြမ်းပြင်ပေါ် ထောက်ထားကာ တစ်ဘက် ခြေထောက်ကို ဒူးထောက်ထားပြီး ကျန်တစ်ဘက်ကိုတော့ ဆန့်ကာ အပေါ်အောက် လွှဲပေးရပါမယ်။ ကျန်ဆန့်ကျင်ဘက်ကိုလည်း ဒီပုံစံအတိုင်း လုပ်ပေးရပါမယ်။ တစ်ဘက်စီ စက္ကန့် ၃၀ စာ ၃ ကြိမ်လုပ်ပေးရပါမယ်။
၂။ Pulse
Photo Source: NEOU
Leg Raise ကနေ ပြီးတာနဲ့ ခြေထောက်ကို ဆန့်ကာ အပေါ်အောက် ခပ်စိပ်စိပ်လေး အပေါ်အောက် လွှဲရပါမယ်။ ဘယ်ညာ တစ်လှည့်စီကို စက္ကန့် ၃၀ စီ သုံးကြိမ်လုပ်ရပါမယ်။
၃။ Side Leg Raise
Photo Source: Diet.com
ခန္ဓာကိုယ်ကို ဘေးတစ်စောင်း ထိုင်ထားကာ အပေါ် ခြေထောက်ကို မြှောက်ပေးရပါမယ်။ အောက်ပြန်ချပြီး မှ တစ်ကြိမ်လို့ ရေရပါမယ်။ ကျန်တစ်ဘက်ကိုလည်း ဒီလိုပဲ လုပ်ရပါမယ်။ ဘယ်ညာ တစ်လှည့်စီ စက္ကန့် ၃၀ စာ သုံးကြိမ် လုပ်ရပါမယ်။
၄။ Side Leg Circles
Photo Source: Rrayyme
Side Leg Raise ပြီးတာနဲ့ မနားဘဲ Side Leg Circles လုပ်ရပါမယ်။ ဘယ်ညာတစ်လှည့်စီ စက္ကန့် ၃၀ စာ သုံးကြိမ်လုပ်ပေးရပါမယ်။
၅။ Fire Hydrants
Photo Source: GifImage.Net
ဒူးထောက်ပြီး ခန္ဓာကိုယ်ကို ကုန်းထားကာ ခြေတစ်ဘက်ကို အပေါ်ဘက် မြှောက်ရပါမယ်။ ဘယ်ညာတစ်လှည့်စီ စက္ကန့် ၃၀ စာ သုံးကြိမ်လုပ်ပေးရပါမယ်။
၆။ Extended Fire Hydrant
Photo Source: Popsugar
Fire Hydrant ကိုမှ အပေါ်မြှောက်တဲ့အခါ ဒူးကို မကွေးဘဲ ဆန့်ပေးရပါမယ်။ ဘယ်ညာတစ်လှည့်စီပဲ စက္ကန့် ၃၀ စာ သုံးကြိမ်လုပ်ပေးရပါမယ်။
၇။ Bridge
Photo Source: Gfycat
အိပ်လျက်အနေအထားနဲ့ တင်ပါးနဲ့ မြေကြီးမထိအောင် ပင့်ပေးထားရပါမယ်။ ပြီးနောက် အောက်ဘက် မြေပြင်နဲ့ တင်ပါးထိအောင် လုပ်ရပါမယ်။ စက္ကန့် ၃၀ စာ သုံးကြိမ်လုပ်ပေးရပါမယ်။
၈။ Bridge Open/Drop
Photo Source: TikTok
Bridge ကိုမှ တင်ပါးကို အပေါ် ပင့်တင်ပြီးနောက် အောက်ဘက်ကို ကပ်တဲ့အချိန် ဒူးနှစ်ဘက်ကို ကားပေးရပါမယ်။ ပြန်ပင့်တင်တဲ့အချိန် ဒူးနှစ်ဘက်ကို ပြန်စုရပါမယ်။ စက္ကန့် ၃၀ စာ သုံးကြိမ်လုပ်ရပါမယ်။
၉။ Bridge Open/Pulse
Photo Source: TikTok
Bridge အပေါ်ပင့်တင်တဲ့အချိန်မှာပဲ ဒူးနှစ်ဘက်ကို ကားပေးရပါမယ်။ ပြီးနောက် ဒီအနေအထားနဲ့ပဲ ဒူးကို ပြန်စုရပါမယ်။ ဒီလေ့ကျင့်ခန်းမှာ တင်ပါးနဲ့ မြေကြီးကို ကပ်စရာ မလိုပါဘူး။
By MyStyle Myanmar
