အလွယ်တကူဝိတ်ကျချင်တာကတော့ လူတိုင်းရဲ့အိပ်မက်ပါပဲ။ ဒါပေမဲ့ ဝိတ်ကျလာတဲ့ရလဒ်တွေက လွယ်လွယ်နဲ့တော့ မရနိုင်ပါဘူး။ အောက်မှာပြောထားတဲ့ လွယ်ကူတဲ့အချက်တွေကို နေ့တိုင်းလိုက်နာပေးရင်တော့ သင်လိုချင်တဲ့ ခန္ဓာကိုယ်ပုံစံကို အချိန်တစ်ခုအတွင်းမှာ ရလာမှာပါ။
၁။ နေ့လည်စာကို သယ်သွားပါ
သင်က နေ့လည်စာကို ကြိုမစီစဉ်တတ်ရင်တော့ ဗိုက်ဆာတဲ့အချိန် အဆီများတဲ့အစားအစာတွေပိုစားမိမှာပါ။ ဒီတော့ နေ့လည်စာကို ကြိုပြင်ဆင်ထားပါ။ သင်က ရုံးတက်ရသူဆိုရင် ပိုပြီးတော့အရေးကြီးပါတယ်။ အပြင်စာတွေက ဝိတ်တက်စေပါတယ်။ နေ့လည်စာကို ကြိုပြင်ဆင်ပြီး သယ်သွားပါ။
၂။ ရေသောက်ပါ
ရေသောက်တာက အစာစားချင်စိတ်ကို လျော့ကျစေပါတယ်။ ဗိုက်ပြည့်နေစေပြီး အသားအရေအတွက်လည်း ကောင်းပါတယ်။ ရေသောက်နည်းတဲ့အကျင့်ရှိရင် ရေများများသောက်ဖြစ်အောင်အကျင့်လုပ်ပါ။
၃။ အိပ်ရေးဝအောင်အိပ်ပါ
အိပ်တာနောက်ကျတာက သရေစာတွေ၊ အသင့်စား အစားအသောက်တွေကို ပိုစားမိစေပါတယ်။ ညဘက်စောစောအိပ်ပြီး မနက်စောစောထတာက ကျန်းမာရေးနဲ့ ညီညွတ်တဲ့အစားအစာတွေစားဖြစ်ဖို့ တွန်းအားဖြစ်စေပါတယ်။
၄။ စားချိန်ကျော်ခြင်း
ဝိတ်ကျဖို့ မနက်စာ မစားတာ ညစာ မစားတာတွေ လုပ်စရာမလိုပါဘူး။ ဒီလိုလုပ်လိုက်တာက ဇီဝဖြစ်စဉ်ကို နှေးကွေးသွားစေပါတယ်။ သင်က နောင်တစ်ချိန် တစ်ခုခုစားတဲ့အခါ ဇီဝဖြစ်စဉ်က ဒီအစားအစာကို လွယ်လွယ်နဲ့ မဖြိုခွင်းနိုင်တော့ပါဘူး။ ဒီလိုဆိုရင် စားမိတဲ့အစားအသောက်က အဆီနဲ့ပြောင်းလဲသွားပါတော့တယ်။
၅။ ထမင်းစားခန်းမှာ မှန်ထားပါ
ဒီလိုလုပ်လိုက်တာက တစ်ခုခုစားတဲ့အချိန် သင့်ပုံစံကို မြင်လာရစေပါတယ်။ သင့်ရဲ့ ပုံစံကို ပြန်ကြည့်ပြီး အစာလျှော့စားဖို့ သတိပေးနေသလို ဖြစ်ပါလိမ့်မယ်။
၆။ မနက်ပိုင်းမှာ ချိုတာလေးတွေစားပါ
သင်က အချိုကြိုက်သူဆိုရင် မနက်ပိုင်းမှာစားနိုင်ပါတယ်။ မနက်စာစားတဲ့အချိန်ကိုပဲ ကျန်းမာရေးနဲ့မညီညွတ်တာတွေ စားဖို့ သတ်မှတ်ထားလိုက်ပါ။ ကျန်တဲ့အချိန်တွေကိုတော့ အသီးအရွက်နဲ့ ကျန်းမာရေးနဲ့ညီညွတ်တာတွေပဲ စားပါ။
၇။ ကြိုးစည်းတဲ့နည်းလမ်း
ဒီနည်းလမ်းကတော့ အထူးအဆန်းပါပဲ။ သင်က ဗိုက်အရမ်းဆာတယ် ညစာမစားဘဲမနေနိုင်ဘူးဆိုရင် သင့်ခါးမှာ ကြိုးတစ်ချောင်းနဲ့စည်းထားလိုက်ပါ။ အရမ်းကျပ်တဲ့အထိတော့မစည်းပါနဲ့။ ဒါပေမဲ့ စည်းထားတယ်ဆိုတာ သိတဲ့အနေအထားတော့ နေပေးပါ။ သင်စားနေတဲ့အချိန် ခါးပေါ်က ကြိုးကို သတိရပြီး အစားလျှော့လာပါလိမ့်မယ်။
၈။ အဆီများတဲ့အစားအသောက်တွေကို စားတဲ့အချိန် သေးသေးလေးတွေလုပ်လိုက်ပါ
လူတိုင်းတော့ ကိုယ်ကြိုက်တာကို မစားဘဲ မနေနိုင်ကြပါဘူး။ နည်းနည်းတော့စားချင်ကြမှာပါ။ အဲ့လိုစားတဲ့အချိန် သင်စားတဲ့ ကျန်းမာရေးနဲ့ မညီညွတ်တဲ့ အစားအစာကို သေးသေးလေးတွေဖြစ်အောင် ဖန်တီးပါ။ ဒီလိုဆို ကိုယ့်ကိုကိုယ် အများကြီးစားတယ်လို့ ထင်လာရစေပါတယ်။ ပမာဏနည်းရင်တောင်မှပေါ့။
၉။ စားပြီး အကျန်ချန်ထားပါ
တစ်ခုခုစားတိုင်း ပြောင်အောင်မစားပါနဲ့။ နည်းနည်းလေးအမြဲချန်ထားပါ။ ဒီလိုလုပ်တာက ဗိုက်တင်းသွားပြီလို့ ထင်ရစေသလို အစာစားတာလည်း ပိုနည်းသွားစေပါတယ်။
၁၀။ အစာစားပြီးနောက်သွားတိုက်ပါ
သွားတိုက်လိုက်တဲ့အချိန် နောက်ထပ်မစားမိအောင် ကာကွယ်လိုက်သလိုဖြစ်ပါတယ်။
၁၁။ စားနေတဲ့အချိန် တခြားအလုပ်တွေမလုပ်ပါနဲ့
အစာစားရင်း တီဗီမကြည့်ပါနဲ့။ ဖုန်းမသုံးပါနဲ့။ သင်မသိလိုက်ဘဲ ပိုစားမိနေပါလိမ့်မယ်။
၁၂။ ကိုယ်စားမယ့်အရာတွေကို ကြိုစီစဉ်ပါ
ကိုယ်စားမယ့်အစားအသောက်တွေကို ကြိုစဉ်းစားထားပါ။ ဘယ်ဟာက ကယ်လိုရီပိုနည်းမလဲ ဘာစားရင် အဆင်ပြေမလဲ ကြိုစဉ်းစားထားပါ။
သင်ကောဝိတ်ကျဖို့အတွက် ဘယ်လိုနည်းလမ်းတွေ ပြုလုပ်သေးလဲ။ အားလုံးသိအောင် ဝေမျှခဲ့ပါဦးနော်။
Source: All women’s Talk
By MyStyle Myanmar
