တစ်ကိုယ်ရည် သန့်ရှင်းဖို့အတွက် နေ့စဉ်နေ့တိုင်း ရေချိုးဖို့ လိုအပ်သလို ထိုကဲ့သို့ ရေချိုးခြင်းက ခန္ဓာကိုယ်ကို လန်းဆန်းစေပြီး ဘက်တီးရီးယားအန္တရာယ်မှလည်း ကာကွယ်ပေးပါတယ်။ ဒါပေမဲ့ နေမကောင်းလို့ပဲဖြစ်ဖြစ် အချိန်မရှိလို့ပဲဖြစ်ဖြစ် အကြောင်းအမျိုးမျိုးကြောင့် ရေမချိုးဖြစ်တဲ့အခါ သင့်ရဲ့ခန္ဓာကိုယ်ရနံ့ကို သင်းပျံ့နေအောင် ထိန်းသိမ်းထားဖို့ လိုအပ်ပါတယ်။
ရေချိုးဖို့ အချိန်မရတဲ့သူတွေအတွက်ရော ရေချိုးပျင်းသူတွေအတွက်ပါ တနေကုန်လုံး ခန္ဓာကိုယ်ရနံ့ သင်းပျံ့စေမယ့် နည်းလမ်းကောင်းအချို့ကို ဝေမျှပေးလိုက်ပါတယ်။
ရေမွှေးအဆီ အသုံးပြုပါ
ခန္ဓာကိုယ်အနှံ့ ပက်ဖြန်းရတဲ့ရေမွှေးထက် လိမ်းကျံရတဲ့ ရေမွှေးအဆီက အရေပြားပေါ်မှာ အနံ့ပိုစွဲအောင် ကူညီပေးပါတယ်။
တစ်သျှူးအစို အသုံးပြုပါ
ကလေးငယ်များအတွက် ထုတ်လုပ်ထားတဲ့ Wet Tissues က သင့်ရဲ့ခန္ဓာကိုယ်အနံ့ဆိုးကို ဖယ်ရှားပေးနိုင်ပါတယ်။
ချွေးနံ့ပျောက်ဆေး အသုံးပြုပါ
ချွေးနံ့ပျောက်ဆေးကို အထပ်ထပ် လိမ်းကျံပေးခြင်းအားဖြင့် ချွေးထွက်စေတဲ့ ဘက်တီးရီးယားများကို ဖယ်ရှားပေးပြီး ချွေးနံ့ဆိုးမထွက်အောင် ကူညီပေးပါတယ်။
အတွင်းခံအဝတ်အစားများကို လဲလှယ်ဝတ်ဆင်ပါ
အတွင်းခံဝတ်တဲ့နေရာတဝိုက်က ချွေးပိုထွက်ပြီး ခန္ဓာကိုယ်အနံ့ ပိုဆိုးစေပါတယ်။ ဒါ့ကြောင့် ရေမချိုးဖြစ်ရင်တောင်မှ အတွင်းခံအဝတ်အစားများကို ပုံမှန်လဲလှယ်ပေးသင့်ပါတယ်။
ခြေအိတ် လဲပါ
အနံ့အသက်ဆိုး ထွက်စေတဲ့နေရာမှာလည်း ခြေထောက်အနံ့ဆိုးက တစ်ခုအပါအဝင်ပါပဲ။ ဒါ့ကြောင့် ခြေအိတ်များကို နေ့စဉ်အလဲအလှယ်လုပ်ကာ ဝတ်ဆင်ပေးပါ။
ကြက်သွန်ဖြူ၊ ကြက်သွန်နီနှင့် အမွှေးရနံ့လွန်ကဲသောအစားအစာများကို ရှောင်ကြဉ်ပါ
ထိုအစားအစာများကို စားသုံးမယ့်အစား ဟင်းသီးဟင်းရွက်နှင့် သစ်သီးဝလံများကို များများ စားသုံးပေးလိုက်ပါ။
ကြပ်ထုပ်လွန်းသော အဝတ်အစားများ ဝတ်ဆင်ခြင်းမှ ရှောင်ကြဉ်ပါ
တင်းကြပ်လွန်းသော အဝတ်အစားများက ခန္ဓာကိုယ်ကို ပူနွေးစေပြီး ချွေးထွက်များစေပါတယ်။ နောက်ဆက်တွဲအနေနဲ့ ခန္ဓာကိုယ်အနံ့အသက်ဆိုးစေပါတယ်။ ဒါ့ကြောင့် လေဝင်လေထွက်ကောင်းသော အဝတ်အစားများသာ ဝတ်ဆင်သင့်ပါတယ်။
Dry Shampoo အသုံးပြုပါ
Dry Shampoo အသုံးပြုခြင်းကြောင့် ဆံကေသာ ကပ်စေးစေးဖြစ်ခြင်းမှ ကာကွယ်ပေးပြီး သင့်ဆံကေသာကို အုံထူသယောင် ဖန်တီးပေးပါတယ်။
ဘီးကုတ် (သို့) ခေါင်းစည်းအသုံးပြုပါ
Dry Shampoo ကုန်သွားခဲ့သည်ရှိသော် ဘီးကုတ်၊ ခေါင်းစည်း စသည့် Hair Accessories များအသုံးပြုကာ ဆံပင်ကို စတိုင်လ်ကျအောင် ဖန်တီးထားနိုင်ပါတယ်။
ခန္ဓာကိုယ်ကို ရေဓာတ်ဖြည့်တင်းပါ
ခန္ဓာကိုယ်ကို ရေဓာတ်ဖြည့်တင်းခြင်းက သင့်ရဲ့ကိုယ်သင်းရနံ့ကို သင်းပျံ့အောင် ကူညီပေးပါတယ်။ ဒါ့ကြောင့် ရေများများ သောက်သုံးပေးဖို့ လိုအပ်သလို အသားအရေ ရေဓာတ်ဖြည့်တင်းဖို့ရန်အတွက် Moisturizer များ လိမ်းကျံနိုင်ပါတယ်။
Source: Brightside.me
