လူသိများကြတဲ့ ကျန်းမာပျော်ရွှင်စေတဲ့နေထိုင်မှု ပုံစံဆယ်မျိုးဟာ တကယ်တမ်းလက်တွေ့မှာတော့ အသုံးမဝင်ပါဘူး။ မနက်စောစောထပြီး အပြေးလေ့ကျင့်ရုံ၊ အစားအစာကိုပုံမှန်စားသောက်မယ်၊ အချိုကဲသောအစားအစာတွေ ရှောင်ကြဉ်မယ်၊ ရေများများသောက်မယ်ဆိုရင် ကျန်းမာသန်စွမ်းပြီး လှပတဲ့ခန္ဓာကိုယ်ပိုင်ဆိုင်လိမ့်မယ်လို့ လူတော်တော်များများယူဆကြပါတယ်။ တကယ်တမ်းတော့မဟုတ်ပါဘူး။ လူတစ်ယောက်နဲ့တစ်ယောက်အပေါ်မှာ မူတည်ပြီးတော့ နေထိုင်မှုပုံစံတွေက ပြောင်းလဲသွားတာပါ။

အခုဖော်ပြမယ့် နည်းလမ်း (၁၀) ချက်ဟာဆိုရင် လူတွေအသိမှားနေကြတဲ့အချက်တွေကို ပြန်လည်ပြောင်းလဲနိုင်အောင်လို့ ဖော်ပြပေးလိုက်တယ်နော်။

၁။ လူတစ်ယောက်အိပ်စက်ချိန် (၈) နာရီရှိရမယ်

အမေရိကန်သုတေသနပညာရှင်တွေရဲ့ လေ့လာတွေ့ရှိချက်အရ လူတစ်ယောက်အိပ်စက်ချိန်က (၇) နာရီရှိမယ်ဆိုရင် သူဟာတစ်နေ့တာလုံး တက်ကြွစွာနဲ့ အလုပ်လုပ်နိုင်မှာဖြစ်တယ်။ တစ်နေ့တာလုံးကုန်ဆုံးသွားတဲ့ အားအင်တွေကို ပြန်လည်ဖြည့်တင်းပေးနိုင်ဖို့ ကောင်းမွန်နှစ်ခြိုက်စွာ အနားယူဖို့လိုပါတယ်။

၂။ မနက်စာများများစားရမယ်

မနက်စာကို ရှင်ဘုရင်ကြီးလိုစားရမယ်လို့ ကြားဖူးနားဝရှိကြတယ်ဟုတ်၊ တကယ်တော့ အစားအစာဆိုတာ သင်တကယ် စားချင်စိတ်ရှိမှ စားသင့်တာပါ။ မနက်စာစားသုံးတဲ့ ပမာဏဟာ ခန္ဓာကိုယ်ဖွဲ့စည်းတည်ဆောက်ပုံနဲ့ ခန္ဓာကိုယ်အတွက်လိုအပ်တဲ့ ပမာဏဖြည့်ဆည်းနိုင်ရုံပဲစားရမှာပါ။ အကယ်၍သင်ဟာ မနက်စာ စားမဝင်ဘူးဆိုရင် ရေတစ်ခွက်သောက်ပေးရုံနဲ့လည်း လုံလောက်ပါတယ်။

၃။ မနက်စောစော လမ်းလျှောက်ပေးရမယ်

လမ်းလျှောက်ခြင်းလေ့ကျင့်ခန်းက မနက်ခင်းရော ညနေခင်းပိုင်းပါ ပြုလုပ်ပေးရမှာပါ။ ဒါ့ကြောင့်မို့ သင်အချိန်မပေးနိုင်တာမျိုး၊ ဒါမှမဟုတ် စိတ်မပါဘူးဆိုရင်တော့ မနက်စောစောလမ်းမလျှောက်ပါနဲ့။ ဒါ့အပြင် သင်အပြေးလေ့ကျင့်ခန်းမလုပ်ခင် ကောင်းစွာနိုးထနေမှရမှာပါ။ အိပ်ချင်မူးတူးနဲ့ ထပြေးနေရင် ခေါင်းကိုက်မယ်၊ နှလုံးခုန်မမှန်ဖြစ်နိုင်တဲ့အပြင် မူးပါလဲနိုင်သေးတယ်။ ဒါကြောင့် မနက်စာစားပြီး မိနစ်လေးဆယ်ကြာမှ ကာယလေ့ကျင့်ခန်းလုပ်သင့်တာပါ။

၄။ အချိုရှောင်ရမယ်

အမှန်တကယ်တော့ အချိုစားခြင်းက ခန္ဓာကိုယ်အတွက်ကောင်းပါတယ်။ ဘာဖြစ်လို့လဲဆိုတော့ သကြားဓာတ်က ဦးနှောက်ရဲ့လုပ်ငန်းဆောင်တာကို ကူညီပေးတယ်။ ဒါကြောင့် ဝိတ်ချနေတယ်ဆိုပြီး အချိုစာတွေလုံးဝမစားဘဲမနေရဘူးနော်။ ဒါပေမဲ့ သကြားပမာဏကိုတော့ လျော့ပြီးစားပေါ့။ ဥပမာ ဒိန်ချဉ်ကို သကြားမထည့်ဘဲသောက်မယ်၊ သကြားလုံးစားမဲ့အစား သစ်သီးဝလံလေးတွေစားပေးကြရအောင်နော်။

၅။ ချွေးရွှဲနှစ်နေတဲ့ အထိ လေ့ကျင့်ခန်းလုပ်ရမယ်

လေ့ကျင့်ခန်းလုပ်ပြီး နောက်တစ်နေ့ ခန္ဓာကိုယ်မကိုက်ခဲဘူးဆိုရင် သင်ကောင်းကောင်းလေ့ကျင့်ခန်းမလုပ်ထားဘူးလို့ ပြောကြပါတယ်။ တကယ်တမ်းတော့ သင်လေ့ကျင့်ခန်းလုပ်နေစဉ် အရမ်းအားစိုက်ထုတ်လိုက်လို့ ကြွက်သားနာကျင်ကိုက်ခဲရတာပါ။ ကြွက်သားနာကျင်ကိုက်ခဲတယ်ဆိုတာ ကြွက်သားဒဏ်ရာရခြင်းတစ်မျိုးပါပဲ။ အဲ့လိုဖြစ်ပြီဆိုရင် လေ့ကျင့်ခန်းလုပ်တာရပ်ထားပြီးတော့ ကောင်းကောင်းအနားယူသင့်နေပါပြီ။

၆။ ထမင်းစားနေရင် ရေမသောက်ရဘူး

သင့်ရဲ့အစာချေစနစ်ကောင်းစွာအလုပ်လုပ်ဖို့အတွက် ရေက မရှိမဖြစ်လိုအပ်ပါတယ်။ အကယ်၍သင့်ခန္ဓာကိုယ်က လုံလောက်တဲ့ ရေပမာဏမရဘူးဆိုရင် သင့်အစာအိမ်က တံတွေးမှတစ်ဆင့်ရယူရပါတယ်။ ဒါ့ကြောင့်အစာစုပ်ယူပြီး ချေဖျက်ပေးဖို့ဆိုရင် ရေသောက်ပေးခြင်းက အစာအိမ်အတွက် မရှိမဖြစ်လိုအပ်ပါတယ်။

၇။ ထမင်းစားချိန်မှန်နေရမယ်

စောစောကပြောခဲ့သလိုပဲ သင်ဗိုက်မဆာရင် ကိုယ့်ကိုယ်ကို နှိပ်စက်ပြီးအတင်းမစားပါနဲ့။ ဗိုက်ဆာမှပဲ စားပေးပါ။ သင်ဗိုက်ဆာလာပြီဆိုရင် သင့်ခန္ဓာကိုယ်ကအချက်ပြပါလိမ့်မယ်။

၈။ အစားစားပြီးတိုင်း သွားကိုစင်ကြယ်အောင်တိုက်ရမယ်

သံပုရာရည်၊ သနပ်ချဉ်စတဲ့ အချဉ်ဓာတ်ပါတဲ့ အစားအစာတွေ စားပြီးရင် စားကြွင်းစားကျန်တွေက သွားကြားထဲမှာ ကပ်ကျန်နေတတ်ပါတယ်။ အဲ့ဒီ့အစားအစာထဲမှာပါတဲ့ အက်စစ်ဓာတ်ဟာဆိုရင် သွားကြွေလွှာကို ပျက်စီးစေတယ်။ ဒါ့အပြင် အစာစားပြီး ချက်ချင်းသွားလိုက်လိုက်ရင် ပိုတောင်ဆိုးသွားနိုင်ပါသေးတယ်။ ခဏခဏသွားတိုက်ရင် သွားဖုံးကိုက်တာ၊ သွားဖုံးသွေးထွက်နိုင်တာတွေဖြစ်တတ်ပါတယ်။ ဒါ့ကြောင့်မို့ မနက်တစ်ကြိမ်၊ ညတစ်ကြိမ်သွားတိုက်ပေးရုံနဲ့ လုံလောက်ပါတယ်။

၉။ ပေါင်မုန့်၊ ကိတ်မုန့်တွေကို မစားရဘူး

ပေါင်မုန့်စားခြင်းက အစာခြေစနစ်ကောင်းစွာအလုပ်လုပ်နိုင်ဖို့အတွက် ကူညီပေးပါတယ်။ အစာခြေစနစ်အတွက်ကောင်းတယ်ဆိုပြီး ပေါင်မုန့်တွေပဲ နင်းကန်စားရမှာမဟုတ်ဘူးနော်။ တစ်နေ့ကို ပေါင်မုန့် (၂၀၀) ဂရမ်စားပေးမယ်ဆိုရင်ပဲ လုံလောက်ပါတယ်။

၁၀။ တစ်နေ့ကို ရေ (၂) လီတာသောက်ရမယ်

သင်တစ်နေ့သောက်သုံးတဲ့ ရေပမာဏက သင့်ရဲ့ကိုယ်အလေးချိန်နဲ့ မျှတနေရပါမယ်။ ခန္ဓာကိုယ် ၁ ကီလိုဂရမ်က ရေ (၃၀) မီလီလီတာ လိုအပ်ပါတယ်။ ရေသောက်သုံးမယ်ဆိုရင် ရာသီဥတုအခြေအနေ၊ ပူပြင်းခြောက်သွေ့မှု၊ လေ့ကျင့်ခန်းလုပ်ချိန်မှာ ဆုံးရှုံးသွားတဲ့ ရေပမာဏပေါ်မူတည်ပြီး သောက်သုံးပေးသင့်ပါတယ်။ ခန္ဓာကိုယ်မှာလိုအပ်တဲ့ ရေဓာတ်ပြန်လည်ဖြည့်တင်းဖို့ အတွက် ရေအစား လက်ဖက်ရည်၊ ကော်ဖီ၊ သစ်သီးဖျော်ရည်နဲ့ အခြားဖြည့်စွက်ရည်တွေကိုလည်း သောက်သုံးနိုင်ပါတယ်။

Source: Brightside.me