Gallup Korea ရဲ့ နှစ် 50 ပြည့် အထိမ်းအမှတ်အဖြစ်နဲ့ မကြာသေးခင်က “50 Things Koreans Like” စစ်တမ်းရလဒ်တွေကို ထုတ်ပြန်ခဲ့ပါတယ်။ အမျိုးအစားများစွာရှိတဲ့အထဲကမှ ဒီတစ်ခါမှာတော့ တောင်ကိုရီးယားပြည်သူတွေရဲ့ အသည်းနှလုံးကို သိမ်းပိုက်ထားနိုင်တဲ့ အချစ်ရဆုံးသော သရုပ်ဆောင်တွေကို Vote ပေးခဲ့ကြပါတယ်။

Vote ပေးမှုက 2024, March 22 ရက်နေ့ကစပြီး April 5 ရက်နေ့အတွင်း ပြုလုပ်ခဲ့တာဖြစ်ပြီး Jeju ကျွန်းကလွဲပြီး တောင်ကိုရီးယားတစ်ဝှမ်းရှိတဲ့ အသက် 13 နှစ်နဲ့အထက် လူပေါင်း 1,777 ဦးက Vote ပေးခဲ့ကြတာ ဖြစ်ပါတယ်။ အဲ့ထဲကမှ Top 10 စာရင်းဝင်တဲ့ သရုပ်ဆောင်တွေကို ဖော်ပြပေးလိုက်ပါတယ်။

1. Kim Soo Hyun

Vote 6.4% နဲ့ Top1 နေရာကို ရရှိသွားတာကတော့ Kim Soo Hyun ဖြစ်ပါတယ်။

Kim Soo Hyun က ဟိုးအရင်ထဲက Acting Skill နဲ့ Visual ကြောင့် အရမ်းလူကြိုက်များတဲ့ မင်းသားပါ။ Queen Of Tears မှာတော့ ပိုပြီးလူကြိုက်များလာခဲ့သလို အရင်ထက်လည်း အရမ်းကို Popular ဖြစ်လာခဲ့ပါတယ်။

2. Namkoong Min

Vote 2.9% နဲ့ Top2 နေရာကို ရရှိခဲ့တာကတော့ Namkoong Min ဖြစ်ပါတယ်။ Namkoong Min ကတော့ Villain အနေနဲ့ပဲဖြစ်ဖြစ် Hero အနေနဲ့ပဲဖြစ်ဖြစ် ဘယ်လို Role နဲ့မဆို လိုက်ဖက်ပြီး ပရိသတ်အခိုင်အမာ ရရှိထားတဲ့ မင်းသားပါ။

3. Kim Ji Won

Kim Ji Won ကလည်း ဘယ်လို ဇာတ်ဆောင်မျိုးနဲ့မဆို အရမ်းလိုက်ဖက်ပြီး Acting Skill ကလည်း ပြောစရာကိုမလိုတာကြောင့် ချစ်တဲ့သူများပြားပြီး အခုလက်ရှိစစ်တမ်းအရလည်း Top3 နေရာမှာ ရှိနေပါတယ်။

Queen Of Tears မှာတော့ Visual လည်း ပိုပေါ်လွင်လာတဲ့အပြင် ချစ်တဲ့ Fan တွေကလည်း အရင်ထက်ပိုမိုပြီး များပြားလာခဲ့ပါတယ်။

4. Cha Eunwoo

Vote 2.7% နဲ့ Top4 နေရာရရှိသွားတဲ့သူကတော့ Cha Eunwoo ဖြစ်ပါတယ်။ Cha Eunwoo ကတော့ Visual ကြောင့် ကြိုက်တဲ့သူ ချစ်ကြတဲ့သူတွေ အရမ်းများတဲ့သူပါ။

Wonderful World မှာဆိုရင် Acting Skill တွေကလည်း အရင်ထက်ပိုပိုပြီးတော့ ကောင်းလာတာကို မြင်တွေ့ရမှာပါ။

5. Kim Nam Joo

မင်းသမီးကြီးဖြစ်တဲ့ Kim Nam Joo ကတော့ ဒီစစ်တမ်းမှာ Vote 2.7% နဲ့ Top4 နေရာကို Cha Eunwoo နဲ့တူတူရရှိထားပါတယ်။ Wonderful World ကြောင့် Kim Nam Joo ကိုသဘောကျတဲ့ Fan တွေလည်း ပိုတိုးလာခဲ့ပါတယ်။

6. Choi Soo Jong

မင်းသားကြီး Choi Soo Jong ကတော့ Vote 2.5% ရရှိခဲ့ပါတယ်။ တောင်ကိုရီးယားမှာတော့ ဟိုးအရင်ထဲက လူကြိုက်များပြီး ချစ်တဲ့သူတွေလည်းများခဲ့တဲ့ Choi Soo Jong က အခုအသက် 61 နှစ်ရောက်တဲ့အထိကို စန်းကတော့ ကျမသွားခဲ့ပါဘူး။

7. Song Joong Ki

Vote 2.3% ရရှိခဲ့သူကတော့ Song Joong Ki ဖြစ်ပါတယ်။ တောင်ကိုရီးယားပြည်သူတွေက စွယ်စုံရတဲ့ Song Joong Ki ရဲ့ Acting Skill တွေကို ချီးကျူးကြပြီး ချစ်တဲ့သူတွေကလည်း အရမ်းများပါတယ်။

8. Choi Bool Am

K-Drama ကြည့်တဲ့သူတိုင်းသိတဲ့ မင်းသားကြီး Choi Bool Am က အခုဆိုရင် အသက် 84 နှစ်ရှိနေပါပြီ။

ဒီစစ်တမ်းမှာဆိုလည်း Vote 2.2% ရရှိခဲ့တာကြောင့် ချစ်တဲ့ပြည်သူတွေ Fan တွေ အရမ်းကိုများပြားကြောင်း သက်သေပြလိုက်တာပဲ ဖြစ်ပါတယ်။ Drama တော်တော်များများမှာ ပါဝင်ပြီး လူသိများတဲ့ လေးစားဖွယ်ကောင်းတဲ့ မင်းသားတစ်ဦးအဖြစ်နဲ့ အခုအချိန်အထိ ဆက်လက်ရှိနေဆဲပါပဲ။

9. Go Doo Shim

K-Drama ကြည့်တဲ့သူတိုင်းသိတဲ့ နောက်ထပ်တစ်ယောက်ကတော့ မင်းသမီးကြီး Go Doo Shim ပဲဖြစ်ပါတယ်။ Go Doo Shim က အခုဆိုရင် အသက် 73 နှစ်ရှိပါပြီ။

အခုအချိန်အထိ သူမရဲ့ Acting Skill တွေ ဘယ်လို Role နဲ့မဆို ပီပြင်စွာ သရုပ်ဆောင်နိုင်မှုတွေကတော့ ကြည့်ရှုသူတွေကြားမှာ ရေပန်းစားပြီး ချစ်တဲ့ Fan တွေလည်း များပြားနေဆဲဖြစ်ပါတယ်။ အခုစစ်တမ်းအရလည်း Vote 2.0% ကို ရရှိခဲ့ပါတယ်။

10. Kim Go Eun

Vote 1.8% ရရှိပြီး Top 10 စာရင်းဝင်ခဲ့တဲ့ နောက်ဆုံးတစ်ယောက်ကတော့ မင်းသမီး Kim Go Eun ဖြစ်ပါတယ်။

Kim Go Eun ရဲ့ လှပမှုနဲ့ သိမ်မွေ့တဲ့ပုံစံ၊ Acting Skill တွေကြောင့် အမြဲချီးကျူးခံရပြီး ချစ်တဲ့သူလည်း အရမ်းများပါတယ်။ အထူးသဖြင့် Exhuma ဇာတ်ကားမှာ သူမရဲ့ သရုပ်ဆောင်မှုတွေကြောင့် ပရိသတ်တွေ ပိုတိုးလာခဲ့သလို ပိုပြီးတော့လည်း ချီးကျူးမှုတွေကို ရရှိခဲ့ပါတယ်။