တချို့တွေက လေ့ကျင့်ခန်းလုပ်ပြသူနဲ့ အတူတူ လေ့ကျင့်ခန်း လုပ်ရတာကို သဘောကျသလို တချို့ကျတော့ ဘယ်သူ့ကိုမှ မကြည့်ဘဲ ကိုယ့်ခန္ဓာကိုယ်ပဲ အာရုံစိုက်ကာ လေ့ကျင့်ခန်း လုပ်တတ်သူတွေလည်း ရှိပါတယ်။ သင်က လုပ်ရမယ့် လေ့ကျင့်ခန်းတွေကို သိထားမယ်ဆိုရင် ဘယ်သူပြောတာကိုမှ နားထောင်စရာမလိုဘဲ သီချင်းမြူးမြူးလေး နားထောင်ကာ ကိုယ့် အာရုံနဲ့ ကိုယ် လေ့ကျင့်ခန်းလုပ်နိုင်ပါတယ်။
ဒီတစ်ခေါက်မှာတော့ တစ်ယောက်တည်း လေ့ကျင့်ခန်းတွေကို လက်တန်းလုပ်ချင်သူ ပျိုမေတို့အတွက် ၁၀ မိနစ်စာ ထိရောက်တဲ့ ဗိုက်အဆီကျ လေ့ကျင့်ခန်းကို ဖော်ပြပါရစေ။ ဒီလေ့ကျင့်ခန်းတွေကို သင်က မှတ်ထားပြီး ပုံမှန် လုပ်ပေးမယ်ဆိုရင် ဗိုက်အဆီကျဖို့ အထောက်အကူ ဖြစ်ပါလိမ့်မယ်။
၁။ အိပ်ထမတင် အခါ ၃၀
Photo source: Verywell Fit
အိပ်ထ မတင် လေ့ကျင့်ခန်းက သင့်အပေါ် ဗိုက်ကြွက်သားကို ထိရောက်စွာ အဆီကျစေပါတယ်။ ဒီလေ့ကျင့်ခန်းကို အခါ ၃၀ လုပ်ပေးရပါမယ်။
၂။ Bicycles
Photo source: We Heart It
အောက်ပိုင်း ဗိုက်အဆီရှိတဲ့ ပျိုမေတို့ ထိန်ချန်ထားလို့ မရတဲ့ လေ့ကျင့်ခန်းက Bicycles လေ့ကျင့်ခန်းပါ။ ဒီလေ့ကျင့်ခန်းကို အခါ ၃၀ လုပ်ပေးရပါမယ်။
၃။ Leg Lifts
Photo Source: Spotebi
ခြေထောက်ကို စုပြီး ဆန့်တန်းထားကာ ကြမ်းပြင်နဲ့ ၂ လက်မဝန်းကျင်ခွာထားပြီး မထိအောင် ထားပေးရပါမယ်။ ပြီးနောက် ဒီအနေအထားအတိုင်း ခြေထောက်ကို အပေါ် မ တင်ပေးရပါမယ်။ ဒါကို အပေါ်အောက် ၁၅ ကြိမ် လုပ်ပေးရပါမယ်။
၄။ Tuck Crunches
Photo Source: Cheerfit
ဗိုက်ကြွက်သားတွေ နာပေမယ့် ထိရောက်တဲ့ Tuck Crunch လေ့ကျင့်ခန်းကိုတော့ ၁၅ ခါ လုပ်ပေးရပါမယ်။ သင့်ဒူးကို ထောင်ပြီး စုထားရပါမယ်။ ပြီးနောက် သင့်ခန္ဓာကိုယ်ကို အပေါ် ပင့်မကာ ဒူးနဲ့ ထိလောက်တဲ့အထိ ထပေးရပါမယ်။
၅။ Plank ထောက်တာ
Photo Source: Spotebi
Plank ကတော့ သင့်ဗိုက်အဆီကို အရေဖျော်ချသလို ကျစေမယ့် လေ့ကျင့်ခန်းပါ။ Plank ထောက်တာကို စက္ကန့် ၃၀ လုပ်ပေးရပါမယ်။
ဖော်ပြပါ လေ့ကျင့်ခန်းတွေကို ၁၀ မိနစ် မပြည့်မချင်း ထပ်ခါ ထပ်ခါ လုပ်ပေးရမှာပါ။ လေ့ကျင့်ခန်း အမျိုးအစား ၅ မျိုးတည်း ရှိတာမို့ သင့်အတွက် မှတ်ရလွယ်မှာပါနော်။
By MyStyle Myanmar
