နှစ်တိုင်း K-Pop အဖွဲ့အသစ်တွေ အမြဲပွဲဦးထွက်ခဲ့တာမလို့ အခု 2024 မှာလည်း ပွဲဦးထွက်လာမယ့် K-Pop မျိုးဆက်သစ်တွေမှာ ဘယ်လိုစူပါစတားတွေ ပါလာမလဲဆိုတာကို ပရိသတ်များက စိတ်လှုပ်ရှားပြီး စောင့်နေကြပါပြီ။ ဒါကတော့ ဒီနှစ်ထဲ ပွဲဦးထွက်လာဖို့ ပရိတ်သတ်တွေ အမျှော်လင့်ဆုံး K-pop အဖွဲ့တွေပါ။ ဘယ်သူက ထိပ်ဆုံးကို ရောက်မယ်ဆိုတာကို ပရိသတ်တွေနဲ့အတူ ရင်ခုန်စွာနဲ့စောင့်ကြည့်ရအောင်-
1. NCT New Team
SM Entertainment ကနေ ပွဲဦီးထွက်မယ့် ဒီအဖွဲ့ကတော့ Sion၊ Riku၊ Yushi၊ Daeyoung၊ Ryo နဲ့ Sakuya တို့ပါဝင်တဲ့ ယောက်ျားလေး ( ၆ )ယောက်အဖွဲ့ပါ။
2. KATSEYE
HYBE America လက်အောက်က ကမ္ဘာကျော် မိန်းကလေးအဖွဲ့ The Debut: Dream Academy ရဲ့ Survival Show ကနေ ရွေးချယ်ထားတဲ့ ဒီအဖွဲ့ကတော့ Manon၊ Sophia၊ Daniela၊ Lara၊ Megan နဲ့ Yoonchae တို့ပါတဲ့ မိန်းကလေး ( ၆ ) ယောက်အဖွဲ့ပါ။ ဆွစ်ဇာလန်၊ ဖိလစ်ပိုင်၊ အမေရိကန်နှင့် တောင်ကိုရီးယား စတဲ့ နိုင်ငံမတူတဲ့အဖွဲ့ဝင်တွေမလို့ မတူတဲ့အရည်အချင်းတွေ ယဉ်ကျေးမှုနောက်ခံတွေကို စုစည်းထားတဲ့အဖွဲ့ပါ။
3. I’LL-IT
JTBC နှင့် HYBE ရဲ့ R U Next ကနေမှ ရွေးချယ်ပြီးဖွဲ့ခဲ့တဲ့ ဒီအဖွဲ့ကတော့ Yunah၊ Minju၊ Moka၊ Youngseo၊ Wonhee နဲ့ Iroha တို့ပါတဲ့ မိန်းကလေး ( ၆ ) ယောက်အဖွဲ့ပါ။
4. JYP Loud
JYP Entertainment ကနေ ပွဲဦီးထွက်မယ့် ဒီအဖွဲ့ကတော့ ယောက်ျားလေး ( ၄ )ယောက် ပါဝင်ပြီး Survival ရှိုး LOUD ကနေ ရွေးချယ်ပြီး ဖွဲ့စည်းခဲ့တာပါ။ ဒီအလားအလာရှိတဲ့အဖွဲ့ရဲ့ အဖွဲ့ဝင်တွေကတော့ Lee Gye Hun၊ Amaru၊ Keiju နဲ့ Lee Dong Hyeon တို့ဖြစ်ပါတယ်။
5. VCHA
VCHA အဖွဲ့ကတော့ JYP Entertainment လက်အောက်က Reality Survival ရှိုး A2K က မွေးဖွားလာတဲ့ ဒီမိန်းကလေးအဖွဲ့ပါ။
6. ARTMS
ဒီအဖွဲ့ကတော့ လူကြိုက်များတဲ့ LOONA အဖွဲ့က Choerry၊ Heejin၊ Jinsoul နဲ့ Kim Lip တို့မှ အဖွဲ့ဝင်များပါဝင်ပါတယ်။ 2024 ခုနှစ် ပထမသုံးလပတ်မှာ ပွဲဦးထွက်မယ်လို့လည်း သိထားရပါတယ်။
7. TIOT
အဖွဲ့ဝင် 4 ဦးပါတဲ့ ယောက်ျားလေးအဖွဲ့က TIOT အဖွဲ့ဝင် Kim Minseoung၊ Kim Junhyeon၊ Hong Keonhee နဲ့ Choi Woojin တို့ဖြစ်ပြီး အရင်က Idol Survival အစီအစဉ် Boys Planet မှာ ပါခဲ့ဖူးပါတယ်။ K-pop ဝါသနာအိုးများအတွက် စောင့်ကြည့်စာရင်းမှာ အလားအလာရှိတဲ့အဖွဲ့တစ်ဖွဲ့အဖြစ်လည်း လူသိများပါတယ်။
8. NXD
RBW လက်အောက်က အဖွဲ့ဝင်ငါးဦးပါ ယောက်ျားလေးအဖွဲ့တစ်ခုဖြစ်တဲ့ NXD က Boys Planet နဲ့ Fantasy Boys တို့လို အဓိက idol Survival ပရိုဂရမ်များမှာ အရင်ကပါဖူးတဲ့ အဖွဲ့ဝင်တွေ ပါဝင်ပါတယ်။ Jaemin၊ Hiroto၊ Hyeonggeun၊ Daehyun နဲ့ Yongjoon တို့ပါဝင်ပြီး ပွဲဦးထွက်ရက်အတိအကျကိုတော့ မကြေညာရသေးပါဘူး။
9. ATTRAKT’s New Girl Group
FIFTY FIFTY ရဲ့ ကုမ္ပဏီ နဲ့ JTBC တို့ကြား မိန်းကလေးအဖွဲ့အသစ်ဖွဲ့ဖို့ သဘောတူထားပေမယ့် ပွဲဦးထွက်ရက်နဲ့ အဖွဲ့ဝင်အရေအတွက် စတာတွေနဲ့ပက်သတ်တဲ့ အသေးစိတ်အချက်အလက်တွေကိုတော့ ထုတ်ပြန်ကြေညာခြင်းမရှိသေးပါဘူး။
10. Geenius
ဒီအဖွဲ့ကတော့ URE PLACE အောက်ကနေ ပွဲဦးထွက်ဖို့စီဉ်ထားပြီး နာမည်ကြီး Survival ရှိုး Girls Planet 999 မှာ ပါခဲ့တဲ့ အဖွဲ့ဝင် သုံးဦးပါ။ ဒီသုံးယောက်က Blockberry Creative မှာ Bebez လို့လည်း လူသိများခဲ့ပါသေးတယ်။
