သရုပ်ဆောင်အလုပ်ဆိုတာ တစ်ခါတလေ လုံးဝမထင်ထားတဲ့ အရာတွေကိုပါ လုပ်ရလေ့ရှိပါတယ်။ အမှန်တကယ် စိတ်နှစ်ပြီး ပရော်ဖက်ရှင်နယ်ကျကျ သရုပ်ဆောင်လေ့ရှိတဲ့ နာမည်ကျော်တွေဟာ လူအများစု နှစ်သက်တဲ့ ဇာတ်ဝင်ခန်းတွေကို ရဖို့ အများကြီး ကြိုးစားရပါတယ်။ ဖော်ပြပါ နာမည်ကျော်တွေကတော့ အန္တရာယ်များတဲ့ အရာတွေကို လူစားမထိုးဘဲ ကိုယ်တိုင် လုပ်ခဲ့သူတွေ ဖြစ်ပါတယ်။

Britney Spears

Britney Spears ရဲ့ အမိုက်ဆုံး Moment တွေထဲက တစ်ခုကတော့ သူမဟာ “Banana” လို့ အမည်ရတဲ့ Albino Burmese စပါးကြီးမြွေနဲ့ ဖျော်ဖြေခဲ့တာပါ။ သူမဟာ ဖျော်ဖြေနေစဉ်အတွင်း မြွေကို ကြောက်တဲ့ အရိပ်အယောင် လုံးဝမပြခဲ့ပါဘူး။

Tom Cruise

Tom Cruise ကတော့ “Mission Impossible” တို့လို နာမည်ကြီး Action ကားတွေမှာ ကိုယ်တိုင် သရုပ်ဆောင်ခဲ့ပါတယ်။ နာမည်ကြီးတဲ့ ဇာတ်ဝင်ခန်းတစ်ခုကတော့ တကယ် ပေ ၅၀၀၀ အမြင့်ပျံသန်းနေတဲ့ လေယာဉ်ပျံကို ဘေးက လိုက်စီးတဲ့ အခန်းပါ။

Cameron Diaz

Cameron Diaz ဟာ “Charlie’s Angel” လို နာမည်ကြီး Action ဇာတ်လမ်းတွေမှာ ကိုယ်တိုင် စတန့် ပြကွက်တွေကို လုပ်ခဲ့သူပါ။ သူမက ကိုယ်တိုင် တိုက်ခိုက် သရုပ်ဆောင်ခဲ့တာကြောင့် ရိုက်ကူးစဉ်အတွင်း ဒဏ်ရာ၊ အညိုအမည်းတွေ ရခဲ့ပါတယ်။

Angelina Jolie

နာမည်ကြီး မင်းသမီး Angelina Jolie ဟာ Lara Croft: Tomb Raider ဇာတ်လမ်းတွေမှာ အန္တရာယ်များတဲ့ အခန်းတွေကို လူစားမထိုးဘဲ ကိုယ်တိုင် သရုပ်ဆောင်ခဲ့ပါတယ်။

Kate Winslet

Kate Winslet က ကမ္ဘာကျော် တိုက်တန်းနစ် ဇာတ်လမ်းမှာ သင်္ဘောမြုပ်တဲ့အခန်း သရုပ်ဆောင်တော့ ရေတိုင်ကီအကြီးကြီး ထဲမှာ တစ်နေ့လုံး နီးပါးနေခဲ့ရပါတယ်။ ဒီထဲကရေတွေဟာ တကယ်ရေခဲရေတွေဖြစ်ပြီး သူမက ဒီပုံစံအတိုင်းပဲ သရုပ်ဆောင်နိုင်ခဲ့ပါတယ်။

Kevin Hart

နာမည်ကြီး ဟာသသရုပ်ဆောင် Kevin Hart ဟာ Dubai ခရီးစဉ်မှာ သူ့ထက် အရွယ်အစားပိုကြီးတဲ့ ကျားကို ကိုယ်တိုင် အစာကျွေးခဲ့ဖူးပါတယ်။ သူဒါကို တကယ်လုပ်ခဲ့တာ မယုံနိုင်ကြောင်းလည်း Kevin က ရင်ဖွင့်ခဲ့ပါသေးတယ်။

Kristen Stewart

သူမက မြင်းစီးပြီး တိုက်ခိုက်ရတဲ့ ဇာတ်ဝင်ခန်းများစွာပါတဲ့ “Snow White and the Huntsman” ဇာတ်လမ်းမှာ မြင်းကို ကြောက်ပေမယ့် ကိုယ်တိုင် စီးပြီး သရုပ်ဆောင်ခဲ့ပါတယ်။ မြင်းနဲ့ အမြင့်ခုန်ရတဲ့ ဇာတ်ဝင်ခန်းတွေမှာလည်း သူမက ရဲဝင့်စွာ လုပ်နိုင်ခဲ့တယ်လို့ ဒါရိုက်တာက ပြောပြထားပါသေးတယ်။

Robert Pattison

Robert Pattison က အသက် ၄၂ နှစ်အရွယ် ဆင်ကြီး Tai ကို “Water for Elephants” ဇာတ်လမ်းမှာ တွေ့ခဲ့တာပါ။ Robert က ဆင်ကို မကြောက်တဲ့အပြင် နောက်ဆုံးရိုက်မယ့်နေ့မှာ Tai နဲ့ ခွဲရတော့မှာကြောင့် ငိုခဲ့သေးကြောင်း ပြောပြထားပါတယ်။

Lele Pons

နာမည်ကြီး Celebrity Lele Pons ဟာ မိကျောင်းတွေကို နှစ်သက်စိတ်ဝင်စား သူဖြစ်ပြီး မိကျောင်းနဲ့ တစ်ကန်ထဲမှာ ရေတူတူကူးခဲ့တာကို ဓာတ်ပုံတင်ခဲ့ပါတယ်။

Scarlett Johansson

Scarlett Johansson က နာမည်ကြီး Action ဇာတ်လမ်းတွေမှာ လူစားထိုး သရုပ်ဆောင်ပေမယ့် တချို့ ဇာတ်ဝင်ခန်းတွေမှာတော့ ကိုယ်တိုင် သရုပ်ဆောင်လေ့ရှိပါတယ်။ ဒီလိုသရုပ်ဆောင်နိုင်ဖို့ လေ့ကျင့်ခန်း အပြင်းအထန်လုပ်ခဲ့ရကြောင်း Scarlett က ပြောပြခဲ့ဖူးပါတယ်။

Source: Brightside.me

By MyStyle Myanmar