ကိုးရီးယား ဇာတ်လမ်းအများစုက အခုနောက်ပိုင်း ပိုပြီးတော့ စိတ်ကူးယဉ်ဆန်ဆန်နဲ့ ချစ်သူနှစ်ဦးကြားက အချစ်ကို စောင်ကိုက်ပြီး ကြည့်ရတဲ့ အခြေအနေတွေ ဖြစ်လာပါတယ်။ ဒါပြီးရင် ဘာဖြစ်မလဲ စိတ်ဝင်စားဖို့ကောင်းလှတဲ့ ဇာတ်ကားတွေလည်း အများကြီးရှိပါတယ်။ ဒီလိုဇာတ်ကားတွေထဲကမှ Second Lead သရုပ်ဆောင်တွေက မင်းသားမင်းသမီးကို လိုက်လုတာမျိုး မဟုတ်ဘဲ ကိုယ်ပိုင် အတွဲကိုယ်စီနဲ့ ပရိတ်သတ် ရင်ထဲမှာ နေရာယူသွားတဲ့ ကိုးရီးယားဇာတ်လမ်းတွေ ရှိပါတယ်။
အခုဖော်ပြထားတဲ့ Second Lead Couple တွေက Main Lead တွေထက်တောင် ပရိတ်သတ်တွေ စောင့်ကြည့်ခြင်းခံရတဲ့စုံတွဲတွေပဲ ဖြစ်ပါတယ်။
၁၀။ Dan-Ah နဲ့ Young-Hwa (Run On)
Run On က ၂၀၂၀ Netflix မှာပြသခဲ့စဉ်က ရေပန်းစားခဲ့တဲ့ ဇာတ်လမ်းကောင်း တစ်ပုဒ်ဖြစ်ပါတယ်။ ပရိတ်သတ်တွေက Main Lead တွေကို အားပေးသလို ဒုတိယစုံတွဲဖြစ်တဲ့ Dan-Ah နဲ့ Young-Hwa နှစ်ယောက်ကြား ဘာတွေဖြစ်မလဲဆိုတာ ကိုလည်း စိတ်ဝင်တစား ကြည့်ရှုခဲ့ကြပါတယ်။
၉။ Hee-Kyung နဲ့ Joon-Woo (True Beauty)
အဓိက ဇာတ်ဆောင်မင်းသမီးရဲ့ အမဖြစ်သူ Hee-Kyung နဲ့ ဆရာဖြစ်သူ Joon-Woo တို့ကြားက ကြည်နူးဖွယ် ချစ်ခြင်းမေတ္တာကိုလည်း မေ့ထားလို့ မရပါဘူး။
၈။ Joo-Man နဲ့ Seol-Hee (Fight My Way)
ပေါ့ပေါ့ပါးပါး နဲ့ ဘာဖြစ်မလဲ စိတ်ဝင်တစား ကြည့်ရမယ့် နောက်ထပ် စုံတွဲတစ်တွဲကတော့ Fight My Way ထဲက သူငယ်ချင်းချစ်သူတွေဖြစ်တဲ့ Joo-Man နဲ့ Seol-Hee ပါ။
၇။ Ban-Ryu နဲ့ Soo-Yeon (Hwarang: The Poet Warrior Youth)
မင်းသားချောချောလေးတွေနဲ့ တင်ဆက်ထားတဲ့ Hwarang ဇာတ်ကားကိုတော့ ရုပ်ရှင်ကြိုက်ပရိတ်သတ်တွေ သိကြမှာပါ။ Hwarang တွေထဲက တစ်ယောက်ဖြစ်တဲ့ Ban-Ryu နဲ့ Soo-Yeon ရဲ့ ချစ်ခြင်းမေတ္တာကို စိတ်ဝင်တစား ကြည့်ရမှာပါ။
၆။ Mu-Ra နဲ့ Bi-Ryeom (The Bride Of Water God)
စိတ်ဝင်စားမှု အများအပြားရရှိခဲ့တဲ့ Main Lead Couple တွေလိုပဲ ပရိတ်သတ်တွေ ထပ်ကြည့်ချင်တာကတော့ နောက်ထပ် စုံတွဲတစ်တွဲဖြစ်တဲ့ Mu-Ra နဲ့ Bi-Ryeom ပါ။ ကမ္ဘာမှာ နှစ်ပေါင်းများစွာ နေထိုင်ခဲ့ကြတဲ့ နှစ်ဘုရားနှစ်ပါးဖြစ်တဲ့ Mu-Ra နဲ့ Bi-Ryeom ကြားက သံယောဇဉ်တွေကို စိတ်ဝင်တစား ကြည့်ရမှာပါ။
၅။ Sa-Ra နဲ့ Eun-Ho (The Beauty Inside)
ဒုတိယစုံတွဲ ဖြစ်တဲ့ မနဲ့မောင် ကို The Beauty Inside ထဲ ကြည့်ရမှာပါ။ အေးစက်စက်နေတတ်တဲ့ Sa-Ra နဲ့ ခရစ်ယာန် ဘုန်းကြီး Eun-Ho တို့ကို ပရိတ်သတ်တွေက ပထမ Main Lead Couple တွေထက် ပိုစိတ်ဝင်စားကြပါတယ်။
၄။ Jason နဲ့ Pil-Sook (Dream High)
Dream High ဇာတ်လမ်းက Kpop Idol ဖြစ်ဖို့ ရည်ရွယ်ချက်ရှိတဲ့ လူငယ်ကျောင်းသား ခြောက်ယောက်အကြောင်းကို ရိုက်ထားတာပါ။ ဒီထဲ ason (Jang Woo-Young) နဲ့ Pil-Sook (IU) တို့ကြားက ချစ်ဖို့ကောင်းတဲ့ အပြုအမူလေးတွေကို ကြည့်ဖူးသူတိုင်း မေ့နိုင်မှာ မဟုတ်ပါဘူး။
၃။ Dae-Young နဲ့ Myung-Joo (Descendants Of The Sun)
အဓိကဇာတ်လိုက်စုံတွဲထက် ဒီစုံတွဲလာမယ့်အချိန်ကို ပိုရင်ခုန်စောင့်စားတတ်ကြသူတွေ ရှိလား။ Descendants Of The Sun က ဒုတိယစုံတွဲဖြစ်တဲ့ Myung-Joo (Kim Ji-Won) နဲ့ Dae-Young (Jin Goo) ကြောင့်လည်း စိတ်ဝင်စားမှု များစွာ ရရှိခဲ့တာလို့ ဆိုနိုင်ပါတယ်။
၂။ Grim Reaper & Sunny (Goblin)
ဇာတ်သိမ်းမလှတဲ့ အချစ်ရေးတွေက ပိုမေ့မရတဲ့ အခြေအနေဆီ ဦးတည်သွားတတ်ပါတယ်။ ဇာတ်လမ်းမပြီးခင်အထိ သူတို့နှစ်ယောက်ကြားထဲက ချစ်စရာ Moment လေးတွေက တန်ဖိုးဖြတ်မရပါဘူး။ Grim Reaper (Lee Dong-Wook) နဲ့ Sunny’s (Yoo In-na) ပရိတ်သတ်တွေ ကံကောင်းတာက သူတို့ နှစ်ယောက်ရဲ့ ဇာတ်လမ်းနောက်တစ်ကားဖြစ်တဲ့ “Touch Your Heart” ဆိုတဲ့ ဇာတ်ကားထွက်ရှိထားတာပါ။
၁။ Seung-Jun နဲ့ Seo-Dan (Crash Landing On You)
ပါးနပ်လွန်းတဲ့ Seung-Jun နဲ့ ကျက်သရေရှိလှတဲ့ Seo-Dan ကိုလည်း ပရိတ်သတ်တွေက Crash Landing On You မှာ အဓိက စုံတွဲလိုပဲ စိတ်ဝင်တစား ကြည့်ရှုခဲဲ့ကြပါတယ်။ သူတို့ နှစ်ယောက် အခန်းပါရင် ရင်ခုန်ရတဲ့ အထိပါပဲ။ ကံဆိုးစွာနဲ့ Seung-Jun နဲ့ Seo-Dan က Happily Ever After မဖြစ်ခဲ့ပါဘူး။ Kim Jung-Hyun နဲ့ Seo Ji-Hye ရဲ့ ဇာတ်ကား နောက်တစ်ကား ထွက်ဖို့လည်း ဒရာမာပရိတ်သတ်တွေက မျှော်လင့်နေကြပါတယ်။
ဒီဇာတ်လမ်းတွေထဲ သင့်ရင်ထဲ ရောက်တဲ့ ဒုတိယ Couple ပါတဲ့ ဇာတ်လမ်းက ဘယ်ဇာတ်လမ်းဖြစ်မလဲ။
Source: screenrant.co
By MyStyle Myanmar
