လူတိုင်းအတွက် သွားကျန်းမာရေးက အလွန်အရေးကြီးပါတယ်။ သွားတွေဟာ တစ်ကိုယ်ရေသန့်ရှင်းရေးအပြင် ကျန်းမာရေးနဲ့ပါ ဆက်စပ်နေပါတယ်။
ဒါပေမယ့် သင်သတိမပြုမိတဲ့အချက်က ဈေးကွက်ထဲက သွားတိုက်ဆေးအများစုက သဘာဝပစ္စည်းတွေနဲ့ ပြုလုပ်ထားတာမဟုတ်ဘဲ ဓါတုပစ္စည်းတွေ ပါဝင်နေတတ်တယ်ဆိုတာကိုပါ။
အခုပြောပြပေးမှာက သင်ကိုယ်တိုင်ပြုလုပ်နိုင်တဲ့ သဘာဝသွားတိုက်ဆေး ပြုလုပ်နည်းလမ်းတွေ ပဲဖြစ်ပါတယ်။
(၁) အုန်းဆီသွားတိုက်ဆေး
ပထမဆုံးနည်းလမ်းကတော့ အုန်းဆီသွားတိုက်ဆေး ပြုလုပ်နည်းပါ။ အုန်းဆီအနည်းငယ်၊ မုန့်ဖုတ်ဆော်ဒါ လက်ဖက်ရည်ဇွန်း ၆ ဇွန်းနဲ့ essential oil နှစ်သက်ရာတမျိုးကို ရောမွှေပြီး သဘာဝအုန်းဆီသွားတိုက်ဆေးအဖြစ် အသုံးပြုလို့ရပါပြီ။
အသုံးပြုပြီးရင် ခြောက်သွေ့မသွားအောင် ဖန်ပုလင်းထဲထည့်ပြီး အဖုံးလုံအောင်ပိတ်ပေးထားဖို့တော့ လိုပါတယ်။
(၂) ရှားစောင်းလက်ပတ်သွားတိုက်ဆေး
ရှားစောင်းလက်ပတ်ဟာ နေလောင်တာ ပျောက်ကင်းစေတဲ့အပြင် တခြားကောင်းမွန်တဲ့ ဂုဏ်သတ္တိများစွာရှိပါတယ်။ ရှားစောင်းသွားတိုက်ဆေး ပြုလုပ်ဖို့အတွက် ငရုတ်ကောင်းအဆီ အနည်းငယ်လိုပါတယ်။ ခြစ်ထားတဲ့ ရှားစောင်းလက်ပတ်အနှစ်ထဲကို ငရုတ်ကောင်းအဆီ အနည်းငယ်ရောမွှေလိုက်ရင် အသုံးပြုလို့ရပါပြီ။
ရှားစောင်းလပတ်အနှစ်ကို ရယ်ဒီမိတ်ဝယ်တာမဟုတ်ဘဲ အပင်ကခြစ်ယူထားတာကိုပဲ အသုံးပြုပေးပါ။ အသုံးပြုပြီးတဲ့အခါ လေလုံတဲ့ဘူးတခုထဲ ထည့်သိမ်းပေးပါ။
(၃) ပင်လယ်ဆား သွားတိုက်ဆေးမှုန့်
တကယ်လို့ ညှစ်ပြီးသုံးရတဲ့ သွားတိုက်ဆေးမျိုးမဟုတ်ဘဲ သွားတိုက်ဆေးအမှုန့်သုံးချင်တယ်ဆိုရင် မုန့်ဖုတ်ဆော်ဒါ အမှုန့် ၃ ဇွန်းကို ပင်လယ်ဆား၁ဇွန်းနဲ့ရောပြီး ခံတွင်းနံ့ကောင်းစေတဲ့ ငရုတ်ကောင်းအဆီ အနည်းငယ်ရောမွှေပြီး သွားတိုက်ဆေးမှုန့်အနေနဲ့ အသုံးပြုလို့ရပါတယ်။
အသုံးပြုတဲ့အခါ သွားတိုက်ဆေးမှုန့်မထည့်မှီ သွားပွတ်တံကို ရေအနည်းငယ်ဆွတ်ပြီး အသုံးပြုပေးပါ။
(၄) သွားဖြူသွားတိုက်ဆေး
တကယ်လို့သင့်သွားတွေက ဖြူဖွေးတောက်ပမှု မရှိတော့ဘူးလို့ထင်ရင် အခုပြောပြမယ့် သဘာဝသွားဖြူသွားတိုက်ဆေးကို စမ်းကြည့်လို့ရပါတယ်။ ခွက်တစ်ခုထဲကို မုန့်ဖုတ်ဆော်ဒါ လက်ဖက်ရည်ဇွန်း ၄ ဇွန်းထည့်ပြီးရင် ခြစ်ယူထားတဲ့ ရှားစောင်းလပတ်အနှစ် ၂ ဇွန်းနဲ့ ဟိုက်ဒရိုဂျင်ပါအောက်ဆိုဒ် လက်ဖက်ရည်ဇွန်း ၁ ဇွန်းထည့်ပါ။
ပြီးရင် ရေအနည်းငယ်နဲ့ ငရုတ်ကောင်းအဆီ အနည်းငယ်ထည့်ပါ။ သမအောင်ရောမွှေလိုက်ပြီး လေလုံတဲ့ဘူး တခုထဲမှာ အဖုံးလုံအောင်ပိတ်ထားလိုက်ပါ။ အသုံးပြုပြီး ရေခဲသေတ္တာထဲ ထည့်သိမ်းထားလို့လဲပါတယ်။
