သရုပ်ဆောင်တွေဟာ ဇာတ်ကားမှာပါတဲ့ ဇာတ်ကောင်နဲ့ ထပ်တူကျအောင် ကိုယ်အလေးချိန် ပြောင်းလဲရတာတွေ ရှိပါတယ်။ ဇာတ်ကောင်ထဲ အံဝင်ခွင်ကျ ဖြစ်ဖို့ နဂိုထက် ပိန်သွားအောင် လုပ်ရတာ၊ ဝလာအောင် လုပ်ရတာတွေ ရှိပါတယ်။
ကျွန်မတို့ သာမန်လူတွေတောင် ဝိတ်တက်အောင်၊ ဝိတ်ကျအောင် အစားအသောက် ကို ဂရုစိုက်ရတာ သူတို့လည်း ဒီလိုပါပဲ။ အခုဖော်ပြထားတဲ့ နာမည်ကျော် သရုပ်ဆောင်တွေကတော့ တကယ် ဝလာအောင် ကြိုးစားကာ ဇာတ်ကားထဲ သရုပ်ဆောင်ခဲ့သူတွေ ဖြစ်ပါတယ်။
Austin Butler
Austin Butler က Elvis Presley အနေနဲ့ သရုပ်ဆောင်ရမှာကြောင့် ဝိတ်တက်အောင် လုပ်ခဲ့တာပါ။ မင်းသား Ryan Gosling ရဲ့ နည်းလမ်းအတိုင်း ရေခဲမုန့်ကို အရည်ဖျော် သောက်ပြီး ဒိုးနပ် မုန့် ၂ ဒါဇင်လောက် စားခဲ့ပါတယ်တဲ့။
ပထမ အပတ်မှာ ဒီလိုစားရတာက ပျော်စရာ ကောင်းပေမယ့် ကြာလာတော့ မအီမသာ ဖြစ်လာကြောင်း Austin က ဖွင့်ဟထားပါတယ်။ သူက Elvis Presley နဲ့ အသံတူအောင်ပါ ကြိုးစားခဲ့တာပါ။
၂။ Christian Bale
မင်းသား Christian Bale ကတော့ ခန္ဓာကိုယ် Transformation အမျိုးမျိုး လုပ်နိုင်ခြင်းကြောင့် နာမည်ကြီးပါတယ်။ “Vice” ဆိုတဲ့ ဇာတ်လမ်းအတွက် မင်းသားက ပေါင် ၄၀ လောက် တက်လာအောင် လုပ်ခဲ့ရပါတယ်။ Christian ကတော့ ဝိတ်ချတာထက် ဝိတ်တက်အောင် လုပ်တာက ပိုခက်ခဲကြောင်း ဆိုထားပါတယ်။
၃။ Mark Wahlberg
အမြဲ ကိုယ်ရည်စစ်ကာ တောင့်တင်းတဲ့ Body နဲ့ မင်းသား Mark Wahlberg က “Father Stu” ဆိုတဲ့ ဇာတ်လမ်းအတွက် ပေါင် ၃၀ လောက် တက်အောင် လုပ်ခဲ့ရတာပါ။ သူက ဝိတ်တက်လာအောင် တစ်နေ့မှာ ကယ်လိုရီ 11,000 လောက်ထိ စားခဲ့ရပါတယ်။
၄။ Jared Leto
Leto က အဆိုတော် John Lennon ကို သတ်ခဲ့တဲ့ Mark David နေရာမှာ သရုပ်ဆောင်ဖို့ 65 ပေါင်လောက် တက်လာအောင် ကြိုးစားခဲ့ရပါတယ်။ Jared Leto ဟာ ဒီဇာတ်ကောင်ကြောင့် လမ်းလျှောက်ရတာ လေးလံလာတဲ့အပြင် ဂေါက်ရောဂါပါ ရခဲ့ပါတယ်တဲ့။
၅။ Colin Farrell
“The Lobster” ဇာတ်ကားအတွက် Colin Farrell က ၂ လအတွင်း ၄၅ ပေါင်လောက် တက်အောင် ကြိုးပမ်းခဲ့ရပါတယ်။
၆။ Charlize Theron
အကယ်ဒမီဆုရခဲ့တဲ့ ဇာတ်လမ်းအတွက် Charlize က ဆုအပြင် ကိုယ်အလေးချိန် ပေါင် ၃၀ ပါ လက်ဆောင် ရခဲ့တာပါ။ သူမက ဇာတ်လမ်းထဲ ဝနေဖို့ Krispy Kreme ဒိုးနပ်ကို နေ့တိုင်းစားပြီး လေ့ကျင့်ခန်းလည်း မလုပ်တော့ပါဘူးတဲ့။
၇။ Renée Zellweger
“Bridget Jones” ဆိုတဲ့ ဇာတ်လမ်းမှာ ဝိတ်တက်အောင် လုပ်ပေးဖို့ Renée Zellweger က တောင်းဆိုခံခဲ့ရပါတယ်။ သူမက ဇာတ်လမ်းရိုက်
ရင်း ပေါင် ၃၀ လောက် တက်ခဲ့ပါတယ်။
၈။ Tom Hardy
“The Dark Knight Rises” ဇာတ်လမ်းထဲ Bane အနေနဲ့ သရုပ်ဆောင်ခဲ့တဲ့ Tom Hardy က လူကောင်ကြီးအောင် ထွားလာအောင် လေ့ကျင့်ခန်း ပုံစံ အတိအကျနဲ့ ၃ လအတွင်း ပေါင် ၃၀ လောက် တက်အောင် လုပ်ခဲ့ရပါတယ်။
၉။ Vincent D’Onofrio
“Full Metal Jacket” ဇာတ်ကားအတွက် မင်းသားက ၇၅ ပေါင်လောက် တက်အောင် ရုန်းခဲ့ရပါတယ်။ “လူတွေက မင်းဝလာတာနဲ့ မင်းကို ဆက်ဆံပုံခြင်း မတူတော့ဘူး” လို့ Vincent က ပြောပြထားပါတယ်။ နဂိုဝိတ်ကို ပြန်ရဖို့ မင်းသားက ၅ လ လောက် အချိန်ပြန်ယူခဲ့ရပါတယ်။
၁၀။ Ryan Gosling
Ryan Gosling က “The Lovely Bones” ရဲ့ ဒါရိုက်တာကို ပညာပြတဲ့ အနေနဲ့ ဝိတ်တက်အောင် လုပ်ခဲ့ပြီး မုတ်ဆိတ်မွှေးတွေပါ ထားခဲ့တာပါ။
Source: Brightside
By MyStyle Myanmar
