မျက်နှာမှာ အရေးအကြောင်းတွေ ပေါ်နေရင် ပုံမှန်ထက်ပိုပြီးတော့ အိုမင်းရင့်ရော်သလို၊ အသက်ကြီးသလို ဖြစ်စေပါတယ်။ များသောအားဖြင့် အရေးအကြောင်းဖြစ်လွယ်တာက Smile Lines တွေပါပဲ။ ဒါကြောင့် ပါးစပ်နားတစ်ဝိုက်ကအရေးအကြောင်းနဲ့ Smile Lines တွေကို သက်သာသွားစေမယ့် နည်းလမ်းတွေကို မျှဝေပေးလိုက်ပါတယ်။

သံလွင်ဆီ

သံလွင်ဆီမှာက Vitamin E ကြွယ်ဝစွာပါဝင်လို့ အသားအရေအတွက် အရမ်းကောင်းပါတယ်။ အရေးအကြောင်းတွေကိုလည်း လျော့ကျစေပါတယ်။ လုပ်ရမယ့်နည်းလမ်းကတော့ ညအိပ်ယာဝင်ခါနီးတိုင်း ပါးစပ်နားတစ်ဝိုက်နဲ့ Smile Lines နေရာကို သံလွင်ဆီ လိမ်းပေးပြီး မနက်ရောက်မှ မျက်နှာသစ်ပါ။

သင်္ဘောသီးအမှည့်

သင်္ဘောသီးအမှည့်က အသားအရေတင်းရင်းစေပြီး အရေးအကြောင်းတွေ သက်သာစေပါတယ်။ လုပ်ရမယ့်နည်းလမ်းကတော့ သင်္ဘောသီးအမှည့်ခြစ်ယူပြီး စားပွဲတင်ဇွန်း ၁ ဇွန်းစာလောက်ရအောင် ချေပေးပါ။ ပြီးရင် ပါးစပ်နားတစ်ဝိုက်နဲ့ Smile Lines နေရာတွေကို လိမ်းပေးပြီး ၁၅ မိနစ်ထားပါ။ အချိြန်ပည့်မှ မျက်နှာသစ်ပါ။

ပျားရည်နဲ့သံပယိုရည်

ပျားရည်နဲ့သံပယိုရည်ကို သင့်တော်သလောက်ရောပြီး ပါးစပ်နားတစ်ဝိုက်နဲ့ Smile Lines နေရာတွေကို လိမ်းပေးပါ။ ၁၅ မိနစ်လောက်ထားပြီးမှ မျက်နှာသစ်ပါ။ အရေးအကြောင်းတွေ သက်သာစေပါတယ်။

ခရမ်းချဉ်သီး

ခရမ်းချဉ်သီးကို Blender ထဲ ထည့်ကြိတ်တာပဲဖြစ်ဖြစ်၊ လက်နဲ့ကြိတ်ချေတာပဲဖြစ်ဖြစ် လုပ်ပေးပြီး ပါးစပ်နားတစ်ဝိုက်နဲ့ Smile Lines နေရာတွေကို လိမ်းပေးပါ။ ၁၅ မိနစ်ထားပြီးမှ မျက်နှာသစ်ပါ။ ဒီနည်းလမ်းကတော့ အရေးအကြောင်းတွေ သက်သာစေရုံတင်မဟုတ်ပဲ သွေးလည်ပတ်မှုလည်း ကောင်းမွန်စေပါတယ်။

အုန်းဆီနဲ့ကြက်ဥ

အုန်းဆီ – လက်ဖက်ရည်ဇွန်း ၁ ဇွန်းနဲ့ ကြက်ဥတစ်လုံးကိုဖောက်ပြီး အနှစ်ကိုဖယ်ထုတ်ကာ အကာအရည်နဲ့ပဲ ရောမွှေပေးပါ။ ပြီးရင်တော့ ပါးစပ်နားတစ်ဝိုက်နဲ့ Smile Lines နေရာတွေကို လိမ်းပေးပြီး မိနစ် ၂၀ ထားပါ။ အချိန်ပြည့်မှ မျက်နှာသစ်ပေးပါ။ ဒီနည်းလမ်းက အရေးအကြောင်းတွေ သက်သာစေပြီး အသားအရေလည်း တင်းရင်းစေပါတယ်။