ကိုယ်ချစ်ရတဲ့သူက ကိုယ်လက်မခံနိုင်လောက်တဲ့ အမှားမျိုးလုပ်ခဲ့တာ သိလိုက်ရတဲ့အချိန်လောက် ဝမ်းနည်းဖို့ကောင်းတာ မရှိပါဘူး။ ဒီလိုအချိန်မှာ အများစုကတော့ လမ်းခွဲခြင်းကို ရွေးတတ်ကြသလို တချို့ကတော့ တဖက်လူက တောင်းပန်ပြီး Second Chance ပေးဖို့တောင်းဆိုတဲ့အခါ ခွင့်လွှတ်ခြင်းနဲ့ ဖြေရှင်းတတ်ကြပါတယ်။

တကယ်လို့ သင်ချစ်ရတဲ့သူက သင်မကြိုက်တဲ့အမှားမျိုးလုပ်မိတဲ့အခါ ဘယ်လိုဆုံးဖြတ်မလဲ? Second Chance ပေးဖို့ သင့်မသင့် သင်ရွေးချယ်ရခက်နေရင် ဒီအချက်တွေကို ထည့်စဥ်းစားကြည့်ပါ။

သူမှားခဲ့တဲ့ အမှားတွေအတွက်လည်း တာဝန်ယူတယ်။ တောင်းပန်ပြီး ပြင်ဖို့ တကယ်လည်း ဆန္ဒရှိနေတယ် ၊ သင်ကလည်း ဒီ Relationship ကို ဆက်ထိန်းထားချင်သေးတယ်ဆိုရင်တော့ Second Chance အနေနဲ့ပေးလိုက်ပါ။

သင့်နှလုံးသားက တခြားသူထက် ရည်းစားဟောင်းကို ဆုံးရှုံးလိုက်ရလို့ ဝမ်းနည်းနေတယ် ၊ အထီးကျန်လွန်တာကြောင့် သူကို နောက်ထပ်အခွင့်အရေးပေးဖို့ တွေးမိနေသေးရင်တော့ အဓိပ္ပါယ်မရှိပေမယ့် Second Chance ပေးပြီး စမ်းကြည့်ပါ။

သင်နဲ့အပေးအယူလုပ်ဖို့ သူကလည်း ဆန္ဒရှိမယ် ၊ သူ့ရဲ့ အပြောင်းအလဲတွေ ကတိတွေကို ဟုတ်မဟုတ် ဆိုတာသေချာဖို့ စောင့်ကြည့်ချင်သေးတယ်ဆိုရင်တော့ Second Chance ပေးပြီး စောင့်ကြည့်ပါ။

တခါတလေ တချို့အမှားတွေက မရည်ရွယ်ဘဲလုပ်မိတာမျိုး ဖြစ်တတ်ပါတယ်။ သူကလည်း သင့်ကိုချစ်တယ်ဆိုတာ သိတယ် ၊ သင်ကလည်း သူ့ကို ချစ်နေတုန်းဘဲ အခွင့်အလမ်းရှိရင် သူနဲ့ အတူရှိနေချင် သေးတယ်ဆိုရင်တော့ သူက Second Chance နဲ့ ထိုက်တန်ပါတယ်။