ဟယ်လို MyStyle Myanmar ပရိတ်သတ်တို့ရေ…ဒီတစ်ခေါက် အနုပညာရှင်တို့ရဲ့ ဖက်ရှင်ကဏ္ဍအတွက် အလှည့်ကျလာတဲ့ အနုပညာရှင်ကတော့ မြန်မာပရိတ်သတ်တွေနဲ့ မစိမ်းတဲ့ ကိုရီးယားမင်းသမီးချော Shin Hye-sun ပဲ ဖြစ်ပါတယ်။
သူမရဲ့မွေးနေ့က ၁၉၈၉ ခုနှစ် ဩဂုတ်လ ၃၁ ရက်နေ့ဖြစ်ပြီးတော့ School 2013 ဆိုတဲ့ နာမည်ကြီးဇာတ်လမ်းတွဲနဲ့ Debut လုပ်ခဲ့တာပါ။ ၂၀၁၅ ခုနှစ်မှာ Oh My Ghost နဲ့ She Was Pretty တို့လို နာမည်ကြီးဇာတ်လမ်းတွဲတွေမှာလည်း ပါဝင်ခဲ့ပါသေးတယ်။
Shin Hye-sun ကို ပိုပြီးလူသိများစေခဲ့တာကတော့ Five Enough ဆိုတဲ့ ဇာတ်လမ်းဖြစ်ပြီးတော့ မင်းသား Sung Hoon နဲ့ တော်တော်လေး Chemistry မိခဲ့ပါတယ်။ နောက်ပြီး The Legend of the Blue Sea မှာလည်း ပါခဲ့ဖူးပါတယ်။
၂၀၁၇ မှာတော့ My Golden Life ဆိုတဲ့ ဇာတ်လမ်းတွဲမှာ ခေါင်းဆောင်မင်းသမီးအဖြစ် ပထမဆုံးသရုပ်ဆောင်ခဲ့ပြီး တော်တော်လေးပေါက်ခဲ့ပါတယ်။
သူမရဲ့ သရုပ်ဆောင်ကောင်းမှုတွေ ဇာတ်ကောင်ရဲ့ လိုအပ်တဲ့ခံစားချက်တွေကို ပီပီပြင်ပြင် ဖော်ထုတ်ပြီးသရုပ်ဆောင်နိုင်လို့ အနုပညာအသိုင်းအဝိုင်းမှာ တော်တော်လေး ချီးမွမ်းခံစားပြီး “Diction Fairy” ဆိုတဲ့ နာမည်ပြောင်တောင် ရရှိခဲ့ပါတယ်။
Shin Hye-sun ရဲ့ တခြားနာမည်ကြီးဇာတ်လမ်းတွဲတွေကို ပြောရအုံးမယ်ဆိုရင်တော့ Still 17, The Hymn of Death, Angel’s Last Mission: Love, Mr. Queen, See You in My 19th Life, နဲ့ မကြာသေးခင်ကမှ ထွက်ရှိပြီးခဲ့တဲ့ Welcome to Samdal-ri တို့ပဲ ဖြစ်ပါတယ်။.
အခုလိုမျိုး ထွက်သမျှကားတိုင်း နာမည်ကြီးနေတဲ့ မင်းသမီး Shin Hye-sun ကို ချစ်ကြတဲ့သူတွေအတွက် သူမရဲ့ဖက်ရှင်လေးတွေကို စုစည်းဖော်ပြပေးလိုက်ရပါတယ်။
