အခုတစ်ခေါက် My Style ပရိတ်သတ်ကြီးကို မိတ်ဆက်ပေးချင်တာကတော့ မြန်မာပရိတ်သတ်တိုင်းနဲ့ ရင်းနှီးပြီးသားဖြစ်မယ်ထင်တဲ့ မင်းသားချောကတော့ Ahn Bo Hyun ပါ။
1988 ခုနှစ် မေလ 16 ရက်နေ့မှာ ဘူဆန်မှာ မွေးဖွားခဲ့ပေမယ့် 2007 ခုနှစ်မှာတော့ မော်ဒယ်တစ်ယောက်ဖြစ်လာဖို့ ဆိုးလ်ကို ပြောင်းရွှေ့ခဲ့ပါတယ်။
မော်ဒယ်တစ်ယောက်အနေနဲ့ သူ့ရဲ့အသက်မွေးဝမ်းကြောင်းလုပ်ငန်းကို စခဲ့ပေမယ့် တကယ်တော့ Ahn Bo Hyun ဟာ မော်ဒယ်တစ်ယောက် မဖြစ်ချင်ခဲ့ပါဘူး။ တကယ်တမ်းကျတော့ မော်ဒယ်ထက်ပိုပြီး သရုပ်ဆောင်ချင်ခဲ့တာပါ။ မော်ဒယ်တစ်ယောက်ဖြစ်လာပြီး တဖြည်းဖြည်းနဲ့ အနုပညာအလုပ်တွေကို သရုပ်ဆောင်အဖြစ် ပြောင်းလဲခဲ့ပါတယ်။
Bo Hyun ဟာ 2016 နာမည်ကြီးစီးရီး “Descendants of the Sun” မှာ ပါဝင်သရုပ်ဆောင်ခဲ့ပေမယ့် လူသိနည်းခဲ့ပါသေးတယ်။
လူတိုင်းက သူ့ကို သတိမထားမိကြပေမယ့် ‘Itaewon Class’ မှာ ဗီလိန်အနေနဲ့ ပရိတ်သတ်တော်တော်များများသတိထားမိလာပြီးနောက်ပိုင်း “My Name” နဲ့ “Yumi’s Cells” စတဲ့ ဇာတ်လမ်းတွဲတွေနဲ့ အောင်မြင်မှုတွေရပြီးနောက်မှာတော့ သူ့ကို လူကြိုက်များတဲ့ သရုပ်ဆောင်တွေထဲက တစ်ယောက်အဖြစ် လူသိများလာပါတယ်။
သူ့ရဲ့အချစ်ရေးကတော့ Blackpink အဖွဲ့ဝင် Jisoo နဲ့ တရားဝင်တွဲခဲ့ပေမယ့်လည်း တစ်ယောက်နဲ့တစ်ယောက် အချိန်မပေးနိုင်တာမလို့ အချစ်ခရီးက မကြာဘဲ လမ်းခွဲခဲ့ပါတယ်။
အခုဆိုရင်တော့ လက်ရှိထုတ်လွှင့်နေဆဲဖြစ်တဲ့ Flex x Copi ဇာတ်ကားကလည်း တစ်ပတ်ထက်တစ်ပတ် Rating တွေပိုပိုမြင့်လာတာမလို့ Ahn Bo Hyun အတွက် အောင်မြင်မှုကိုတိုးစေတဲ့ ဇာတ်လမ်းတွဲတစ်ခုပါပဲ။
