ဒူးညိုတာကို ဖြူလာအောင် လုပ်နိုင်တဲ့ နည်းလမ်းတွေက များစွာ ရှိနေပါပြီ။ တချို့ မိန်းကလေးတွေကတော့ အသားညိုရာကနေ ဖြူဆွတ်တဲ့ အထိ အသားပိုဖြူချင်ကြပါတယ်။ ဒီလို ဖြူချင်ရင်တော့ သဘာဝကို ဆန့်ကျင်ပြီး လုပ်မှ ဖြူနိုင်မှာပါ။ အခုဖော်ပြပါ နည်းလမ်းတွေကတော့ ဓာတုပစ္စည်းတွေကို မသုံးဘဲ သဘာဝအတိုင်း ခြေထောက် ဖြူလာစေမယ့် နည်းလမ်းတွေ ဖြစ်ပါတယ်။ ဒီတော့ ကြည့်လိုက်ရအောင်-

ပထမ နည်းလမ်း

ဒီနည်းလမ်းအတွက် လိုအပ်တဲ့ ပစ္စည်းတွေကတော့- နနွင်းမှုန့် ၁ ဇွန်း၊ ပျားရည် ၁ ဇွန်း၊ သံပယိုရည် တစ်ဇွန်း တို့ပဲ ဖြစ်ပါတယ်။ နနွင်းမှုန့်ကို အနှစ်ဖြစ်အောင် ပျားရည်၊ သံပရာရည်တို့နဲ့ ရောပေးရပါမယ်။ ဒီအနှစ်ကို မည်းတဲ့ နေရာတွေပေါ် လိမ်းကာ မိနစ် ၂၀ ထားပေးရပါမယ်။ မိနစ် ၂၀ ပြည့်ရင်တော့ လက်ကိုရေဆွတ်ကာ ၂ မိနစ် ခန့် ပွတ်ပေးရပါမယ်။ ပြီးရင်တော့ ရေဆေးနိုင်ပါပြီ။

ဒုတိယ နည်းလမ်း

မုန့်ဖုတ်ဆိုဒါ ၁ ဇွန်းကို ရှားစောင်းလတ်ပတ်ဂျယ် တစ်ဇွန်း၊ သံပယိုရည်နဲ့ ရောပေးရပါမယ်။ ရလာတဲ့ အရောကို မည်းတဲ့ နေရာပေါ် တင်ကာ ၅ မိနစ်ခန့် ပွတ်ပေးရပါမယ်။ ပြီးနောက် ရေဆေးချပေးရပါမယ်။

တတိယ နည်းလမ်း

နောက်ထပ် နည်းလမ်းမှာတော့ သံပယိုရည် ၁ ဇွန်းနဲ့ ပျားရည် ၁ ဇွန်းကို သေချာ ရောမွှေပေးရပါမယ်။ ပြီးရင်တော့ ဒီအနှစ်ကို ဒူးနဲ့ ခြေထောက်ပေါ် တင်နိုင်ပါတယ်။ တင်ပြီးနောက် မိနစ် ၃၀ ခန့် ခြောက်သွားတဲ့ အထိထားရပါမယ်။ နောက်ဆုံး အဆင့် အနေနဲ့ ရေဆေးပေးရပါမယ်။

စတုတ္ထ နည်းလမ်း

ကြက်သွန်နီနဲ့ ကြက်သွန်ဖြူ တစ်မွှာတို့ကို လှီးပေးရပါမယ်။ ဒီလှီးထားတဲ့ ဟာကို ဒူးပေါ် ပွတ်ပေးရပါမယ်။ ၁၅ မိနစ်ထားပြီးနောက် ရေဆေးချရပါမယ်။ ပြီးရင်တော့ Glycerin, Rosewood နဲ့ သံပယိုရည်တို့ကို ရောကာ လိမ်းပေးရပါမယ်။ ထိရောက်အောင် ဒီနည်းလမ်းကို ပုံမှန်လေး လုပ်သင့်ပါတယ်။

ခြေခုံ ဖြူလာဖို့

ခြေခုံမည်းနေတဲ့ ကောင်မလေးတွေ အနေနဲ့ ဒီနည်းလမ်းကို သုံးနိုင်ပါတယ်။ နနွင်းမှုန့် နဲ့ သံပယိုရည် အရောကို ခြေခုံပေါ် လိမ်းပေးရပါမယ်။ မိနစ် ၂၀ ခန့်ထားကာ ရေအေးအေးလေးနဲ့ ဆေးချပေးရပါမယ်။

Photo Source: Pinterest

By MyStyle Myanmar