Vintage စတိုင်လ် စေ့စပ်လက်စွပ်တွေကို ဝတ်ဆင်ခဲ့ကြတဲ့ အနုပညာရှင်များ

လက်ထပ်တယ်ဆိုတာ မိန်းကလေးတိုင်းရဲ့ ဘဝမှာ အင်မတန်အရေးပါအရာရောက်တဲ့ အချိန်အခိုက်အတန့်တစ်ခုဖြစ်တာမို့ အသေးစိတ်ကို စိတ်ကူးယဥ်ကြပြီး ဖန်တီးချင်ကြပါတယ်။ ဒီထဲမှာတော့ ကိုယ်ချစ်ရသူဆီက လက်ခံရရှိမယ့် စေ့စပ်လက်စွပ်လည်း ပါပါတယ်နော်။ လက်ဝတ်ရတနာဆိုတာကတော့ ဒီဇိုင်းအစုံအလင် အများအပြားရှိပေမယ့်လည်း အခုခေတ်မှာတော့ ခေတ်နဲ့အညီ အသစ်ပေါ်လာတဲ့ ဒီဇိုင်းလေးတွေက ပိုပြီးခေတ်စားလာတာ ဝတ်ဆင်လာကြတာကို မြင်တွေ့ရမှာပါ။ ဒါပေမယ့် အချိန်တွေကြာသွားလည်း အရင်တုန်းက Vintage ပစ္စည်းတွေကို ကြိုက်ကြသူတွေလည်း အခုချိန်ထိ ရှိနေဆဲပါပဲ။

အခုတစ်ခေါက် MyStyle Myanmar ကနေပြီး တင်ဆက်ပေးချင်တာကလည်း Vintage စတိုင်လ် စေ့စပ်လက်စွပ်တွေကို ဝတ်ဆင်ခဲ့ကြတဲ့ ဟောလိဝုဒ်အနုပညာရှင် (၉) ဦးအကြောင်းပဲဖြစ်ပါတယ်။

1. Katy Perry

ကမ္ဘာကျော်အဆိုတော် Katy Perry ကတော့ ၂၀၁၉ ခုနှစ်မှာ သူမရဲ့ခင်ပွန်း Orlando Bloom ဆီကနေ ချစ်သူများနေ့မှာ လက်ထပ်ခွင့်တောင်းခံခဲ့ရပါတယ်။ သူမရဲ့ စေ့စပ်လက်စွပ်စတိုင်လ်ကတော့ ၁၉ ရာစုခေတ်တုန်းလောက်က ခေတ်စားခဲ့တဲ့ ပန်းပွင့်ပုံသဏ္ဍန်ကိုမှ ပန်းရောင်ကျောက်ကို စိန်တွေကွပ်ထားတာပါ။

2. Catherine Zeta-Jones

Catherine Zeta-Jones ရဲ့ စေ့စပ်လက်စွပ်ကတော့ ၁၉၂၀ ဝန်းကျင်တုန်းက စတိုင်လ်လိုမျိုး ရိုးရှင်းလှပတဲ့ သဏ္ဍန်ကို ဖော်ဆောင်ထားတာဖြစ်ပြီးတော့ ၁၀ ကားရတ်စိန်ကိုမှ အနားမှာ စိန်သေးသေးလေးတွေ လိုက်စီထားတာပါ။

3. Penelope Cruz

ခင်ပွန်းသည် Javier Bardem ဆီကနေ လက်ခံရရှိထားတဲ့ Penelope Cruz ရဲ့ Vintage စတိုင်လ် နီလာ စေ့စပ်လက်စွပ်မှာတော့ စိန်လေးတွေ အနားကွပ်ကိုမှ Edwardian ခေတ်ကို ပြန်လည်အသက်သွင်းထားသလိုပါပဲ။

4. Milla Jovovich