လူတစ်ယောက်အတွက် ဝတ်စားဆင်ယင်မှုက အရေးကြီးသလို သပ်ရပ်သန့်ရှင်းမှုကလည်း အရေးပါပါတယ်။ သပ်ရပ်သန့်ရှင်းမှုအနေနဲ့ တစ်ကိုယ်ရည် သန့်ရှင်းပြီး ကောင်းမွန်တဲ့ ကိုယ်သင်းရနံ့ရှိဖို့လည်း လိုအပ်ပါတယ်။
ကောင်းမွန်သော ကိုယ်သင်းရနံ့ရှိခြင်းက ကိုယ့်ကိုယ်ကို ယုံကြည်မှုကို တိုးစေတဲ့အပြင် ဆွဲဆောင်မှုလည်းရှိစေပါတယ်။ ဒီနေ့မှာတော့ ဆွဲဆောင်မှုရှိစေဖို့အတွက် အကောင်းဆုံးသော ရေမွှေးများကို ဖော်ပြပေးချင်ပါတယ်။
(၁) Versace Bright Crystal Eau De Toilette
အကောင်းဆုံးသော ရေမွှေးများထဲမှ ပထမဆုံး ဖော်ပြပေးချင်တာကတော့ လူကြိုက်အရမ်းများတဲ့ Versace Bright Crystal Eau De Toilette ပဲဖြစ်ပါတယ်။
သူ့ရဲ့အနံ့က Peony ပန်းခင်းကြီးထဲ ရောက်သွားသလို မွှေးပြီး Citrus နံ့လေးပါလို့ ချဉ်တဲ့အနံ့ပါးပါးလေးကြောင့် Fresh ဖြစ်သလို Unique လည်း ဖြစ်ပါတယ်။
(၂) YSL Libre Eau De Parfum
Libre Eau De Parfum ကိုတော့ တော်တော်များများ ကြိုက်ကြမှာပါ။ ၂၀၁၉ ခုနှစ်တွင် စတင်ရောင်းချခဲ့ပြီးကတည်းက YSL ရဲ့ အကောင်းဆုံးထဲက တစ်ခုဖြစ်လာခဲ့ပြီး လူကြိုက်များခဲ့ပါတယ်။
တကယ်ကို Luxury ဆန်တဲ့ ပုလင်းပုံစံနဲ့ တမူထူးခြားတဲ့ အနံ့နဲ့ ပန်းအနံ့သင်းသင်းလေးကို ခပ်မိုက်မိုက်တဲ့အနံ့လေးမို့ တစ်မျိုးတစ်ဖုံ ဆွဲဆောင်မှုရှိစေမှာပါ။
(၃) Miss Dior Eau de Parfum
အမျိုးသမီးတို့အတွက် ရွေးချယ်သင့်တဲ့ ရေမွှေးများကို ဖော်ပြရမယ်ဆိုရင် Miss Dior Eau de Parfum က မပါမဖြစ်ပါပဲ။ ချစ်စရာကောင်းပြီး မိန်းကလေးဆန်တဲ့ ပုလင်းပုံစံနဲ့ Miss Dior ရေမွှေးတွေထဲ အနံ့အစွဲဆုံးနဲ့ ကိုယ်သုံးထားရင် ဘေးကသူပါအနံ့ရစေလောက်တဲ့ အထိပါ။ အရမ်း Elegant ဖြစ်ပြီး ဘိုဆန်လို့ အနံ့ပြင်းပြင်းမကြိုက်သူတို့အတွက် သင့်တော်ပါတယ်။
(၄) Dior J’adore Eau De Parfum
ရွှေရောင်နဲ့ ဆန်းပြားတဲ့ပုလင်းပုံစံက သင့်ရဲ့အာရုံကို ဖမ်းစားမယ့် ဒီရေမွှေးလေးကလည်း ဒီနှစ်အတွက် လူကြိုက်အများဆုံး ရေမွှေးထဲမှာ ပါဝင်ပါတယ်။
Luxury ဆန်လွန်းတဲ့ အနံ့ကြောင့်ဘေးနားက ဖြတ်သွားတဲ့သူတွေက လည်ပြန်လှည့်ကြည့်ရလောက်တဲ့ အနံ့ဖြစ်ပါတယ်။ သူ့ရဲ့အနံ့က Floral ကိုမှ Warm Floral အနံ့ဘက်ကို သွားတာဆိုတော့ အရမ်းထူးခြားတဲ့အနံ့လေးပါ။
(၅) Carolina Herrera Good Girl Blush Eau De Parfum
ဒီရေမွှေးလေးက Good Girl Eau de Parfum ကို ပြန်လည်တီထွင်ထားလို့ အနံ့လေးက ပိုဆန်းသစ်ပြီး ပို Romantic ဆန်လို့ ဆွဲဆောင်မှုကောင်းတဲ့ အနံ့လေးတစ်ခုဖြစ်ပါတယ်။
ခေတ်မီအမျိုးသမီးတစ်ယောက်ရဲ့ ဆွဲဆောင်မှုရှိပြီး သိမ်မွေ့တဲ့အသွင်ကို ဖော်ဆောင်ပေးနိုင်တဲ့ ရေမွှေးလေးပါ။ စဆွတ်ဆွတ်ချင်းမှာ Almond နဲ့ Bergamot နံ့ပြေပြေလေးရပြီး Peony ပန်းနံ့ရှတတလေးကနေ Vanilla နံ့အီအီလေး တစ်နေကုန်စွဲကျန်နေမှာဖြစ်ပါတယ်။
(၆) Lancôme Idôle Eau de Parfum
နှင်းဆီပန်းနံ့ကြိုက်တဲ့သူတွေအတွက် ရှိကိုရှိထားသင့်တဲ့ ရေမွှေးလေးဖြစ်ပါတယ်။ နှင်းဆီကို Musky ဖြစ်ပြီး တော်တော်လှတဲ့ အနံ့လေးပါ။ သူ့ရဲ့အနံ့လေးက မဆိုစလောက်လေး ချိုတယ် လန်းဆန်းတယ် သင်းတယ် ယဉ်တယ် ချစ်ဖို့ကောင်းတယ် တစ်ချိန်တည်းမှာပဲ တည်ငြိမ်တဲ့အသွင်ရရှိစေပါတယ်။
(၇) Ariana Grande Cloud Eau de Parfum
Cloud ဆိုတဲ့ နာမည်လေးအတိုင်း တကယ့်တိမ်တွေပေါ်ရောက်သွားသလို အိစက်ငြိမ့်ညောင်းနေစေတဲ့ အနံ့ချိုချိုလေး သုံးချင်ရင် ဒါလေးက သင့်တော်ပါတယ်။
စိတ်ပျော်စေတဲ့ အနံ့ချိုချိုလေးနဲ့ ပုလင်းလှလှလေးကြောင့် မစွတ်ရသေးခင်ကို မနူးမနပ်ဆယ်ကျော်သက်ကလေးလေးလို ခံစားရစေမှာဖြစ်ပါတယ်။
(၈) Chanel Chance Eau de Parfum Spray
Chanel chance ပန်းရောင်ရဲ့ အနံ့လေးကတော့ လူကို လုံးဝ မှတ်မိစေတဲ့ unique scent လေးဖြစ်ပါတယ်။ အနီးနားမှာ သူ့ကိုစွတ်ထားတဲ့သူ ဖြတ်သွားတာနဲ့ Chanel chance ပန်းရောင်လေးမှန်း တန်းသိအောင်ကို စွဲဆောင်မှုရှိလောက်တဲ့ အထိပါပဲ။ Floral_fruity ရနံ့လေးကိုမှ Sweet & Fresh type သွားတာမို့ လုံးဝဆွဲဆောင်မှုအပြည့်ပါ။
