မင်းသမီး Yoon Eun Hye ပျောက်နေတာကြာပြီနော်။ ဇာတ်ကား နောက်ဆုံးထွက်ခဲ့တာ ၂၀၁၃ ခုနှစ်ကဆိုတော့ ပရိသတ်တချို့လည်း လွမ်းနေကြမှာပါ။ အခုတော့ tvN ရုပ်သံလိုင်းကနေပြသနေတဲ့ “Hunting for Converstion” ဆိုတဲ့ Variety Show မှာ သူမကို အလွမ်းပြေ ကြည့်လို့ရပါပြီနော်။
လွန်ခဲ့တဲ့ ၁၀ နှစ်ခန့်က Variety Show တစ်ခုမှာပါဝင်ပြီးနောက် အခုပထမဆုံးအကြိမ်အနေနဲ့ Variety Show မှာ ပြန်ပြီး ပါဝင်သွားမှာပါ။
ရိုက်ကူးလို့ပြီးသွားပြီဖြစ်ပြီး နိုဝင်ဘာလ ၁၅ ရက်နေ့မှာ tvN က ထုတ်လွှင့်ပေးသွားမှာပါ။
အဲဒီ ရှိုးမှာ မင်းသမီး Yoon Eunhye ရဲ့ အိမ်ပုံစံ ပထမဆုံး ပရိသတ်တွေရှေ့ကို ချပြသွားမှာလည်းဖြစ်ပါတယ်။
Hunting for Conversation ရှိုးက အကျော်အမော်တွေနဲ့ သူတို့ရဲ့ အချစ်တော ခွေးလေးတွေကြား ချစ်ခင်ရင်းနှီးမှု အပေးအယူမျှမှုတွေကို ရိုက်ကူးတင်ဆက်ထားတဲ့ အစီအစဉ်ပါ။
ပထမဆုံး အပိုင်းကို ပြီးခဲ့တဲ့ စက်တင်ဘာလက ထုတ်လွှင့်ခဲ့တာဖြစ်ပြီး Kim Gura, Dokki, Lee Sookyun, Dindin, Seon Wooyong, Lee Heejoo, Lee Hyejeong နဲ့ တခြားအနုအပညာရှင်တွေ အများအပြားကိုလည်း ရိုက်ကူးပြသပြီးသွားပြီသွားပါပြီ။
Yoon Eunhye ဟာ ၂၀၁၃ ခုနှစ်က ထွက်ခဲ့တဲ့ Mirae’s Choice လို့ခေါ်တဲ့ ဒရမ်မာဇာတ်လမ်းတွဲကို နောက်ဆုံး၇ိုက်ကူးခဲ့တာဖြစ်ပြီး သူ့ရဲ့ နောက်ဆုံး Variety Show ကတော့ လွန်ခဲ့တဲ့ ၁၀ နှစ်ခန့်က ထုတ်လွှင့်ခဲ့တဲ့ X-Men ရှိုးဖြစ်ပါတယ်။
