ကြက်ဆူဆီကိုသုံးပြီး ဦးရေပြားပြဿနာတွေကို ဖြေရှင်းနိုင်မယ့် နည်းလမ်းကောင်းတွေကို ပြောပြပေးလိုက်ပါတယ်။ မိန်းကလေးတိုင်းအတွက် အသုံးဝင်စေမယ့် အရာတွေဖြစ်သလိုပဲ တချို့ယောင်္ကျားလေးတွေအတွက်လည်း အသုံးဝင်စေမှာပါ။
ဗောက်ပြဿနာ
ဗောက်ထရတဲ့ အဓိကအကြောင်းအရင်းကတော့ ဦးရေပြားခြောက်သွေ့လို့ပါ။ ကြက်ဆူဆီကတော့ ဗောက်ပြဿနာကို ဖြေရှင်းပေးနိုင်ပါတယ်။ လုပ်ရမှာလည်း လွယ်ပါတယ်။ ကြက်ဆူဆီကိုယူပြီး ဦးရေပြားမှာလိမ်းပေးရုံပါပဲ။
ဆံပင်ကျွတ်ခြင်း
ကြက်ဆူဆီကို ဦးရေပြားမှာလိမ်းပေးခြင်းက သွေးလည်ပတ်မှုကောင်းစေပါတယ်။ လိမ်းရင်းနဲ့ ဦးရေပြားကိုပါ massage လုပ်ပြီး နှိပ်နယ်ပေးမယ်ဆိုရင်တော့ ဆံပင်ကျွတ်တာတွေ သက်သာလာစေပြီး ဆံသားသန်စွမ်းလာစေပါတယ်။
ဦးရေပြားမှိုစွဲခြင်း
ကြက်ဆူဆီက ဦးရေပြားမှိုစွဲတာကိုလည်း သက်သာပျောက်ကင်းစေပါတယ်။ အသုံးပြုရမယ့်နည်းလမ်းကတော့ သံလွင်ဆီ (သို့) အုန်းဆီထဲကို ကြက်ဆူဆီ ဆတူထည့်ပြီး ရောမွှေလိုက်ပါ။ ပြီးရင်တော့ အဲ့တာကို ဦးရေပြားမှာ သေချာနှိပ်နယ်ပြီး လိမ်းပေးရပါမယ်။
