K-Entertainment ဖန်တွေ အသည်းကွဲရတဲ့ သတင်း နှစ်ပုဒ်ရှိပါတယ်။ ဒါကတော့ သူတို့အချစ်ဆုံး Idol လေးတွေ ချစ်သူရသွားတဲ့သတင်းနဲ့ စစ်မှုထမ်းရတော့မယ့်သတင်းပါပဲ။
ကိုယ်ကြိုက်လွန်းလို့ အားပေးလာရခဲ့ရတဲ့မင်းသားလေးကို ၂ နှစ်လောက် မတွေ့ရတော့မှာမို့လွမ်းကြတာလည်းပါသလို၊ တဖက်ကလည်း ကိုယ်သဘောတူတဲ့သူနဲ့ ချစ်သူဖြစ်ရင် ကိစ္စမရှိပေမယ့် ကိုယ်သဘောမတူတဲ့သူနဲ့ ချစ်သွားရင် နမျောတတ်ကြတာပါ။ ဒါကတော့ Fan စစ်စစ်တွေရဲ့ အဖြူစင်ဆုံး အချစ်လို့ဆိုရမှာပါပဲ။
မင်းသား Kim Soo Hyun က အောက်တိုဘာလ ၂၃ ရက်နေ့က စစ်မှုထမ်းဖို့ စာရင်းပေးသွင်းခဲ့ပါတယ်။ ပရိသတ်တွေကို ကြိုပြီးအသိမပေးဘဲ စာရင်းမသွင်းခင် တစ်ရက်အလိုမှာ ပရိသတ်အားလုံးကို နှုတ်ဆက်တဲ့ အကြောင်းရေးသားခဲ့ပါတယ်။ ကျန်းကျန်းမာမာနဲ့ ပြန်လာမှာဖြစ်ပြီး သူ့ပရိသတ်တွေအားလုံးလည်း ကျန်းမာနေမယ့်လို့ မျှော်လင့်တဲ့အကြောင်း ရေးသားခဲ့တာပါ။
တရားဝင်စစ်မှု ၂၁ လ မထမ်းဆောင်ခင်မှာ ထရိန်နင် ၅ ပတ်အရင်ဝင်ရမှာဖြစ်ပြီး ၂၀၁၉ ခုနှစ် ဇူလိုင်လမှာ စစ်မှုထမ်းကာလ ပြီးဆုံးမှာဖြစ်ပါတယ်။ လွမ်းနေကြမယ့် Fan တွေအတွက် Kim Soo Hyun ရဲ့ ပုံရိပ်တွေကို မျှဝေပေးလိုက်ပါတယ်နော်။
