လူတော်တော်များများကတော့ ကိုယ်အလေးချိန်ကျအောင် ဝိတ်ဘယ်လိုချရမယ်ဆိုတာကို သိကြပြီးသားပါ။ ကျန်းမာရေးနဲ့ညီညွတ်အောင် စားသောက်တာ၊ လေ့ကျင့်ခန်းလုပ်တာတွေနဲ့ အချိန်တိုင်းတက်ကြွဖျတ်လတ်စွာ နေထိုင်တာတွေက ပုံမှန်ထက်ပိုပြီး Calories တွေကို လောင်ကျွမ်းစေနိုင်တယ်ဆိုတာတွေကိုပေါ့။ လက်တွေ့မှာတော့ ဒါတွေကိုကိုက်ညီအောင်နေထိုင်နိုင်တဲ့လူက ရှားပါတယ်။

သင့်အနေနဲ့ဝိတ်ချနေတဲ့အချိန်မှာမှ မဟုတ်ဘဲ အမြဲတမ်းအတွက် အစားအသောက်ကိုကျန်းမာရေးနဲ့ညီညွတ်ပြီး လိုအပ်တဲ့ Vitamin တွေကို အလေးထားပြီးစားသုံးပေးမယ်ဆိုရင် ခန္ဓာကိုယ်အတွက်မလိုလားအပ်တဲ့ ပြသာနာအတော်များများကိုပါ ဖြေရှင်းပြီးသားဖြစ်သွားမှာပါ။

Weight အမှန်တကယ်ချမယ် လို့ ဆုံးဖြတ်ထားပြီးသွားပြီ ဆိုရင်တော့ ပထမဆုံးအနေနဲ့ မဖြစ်မနေ ပြုလုပ်ရမှာကတော့ Plan တခု အရင်ချရမှာပါ။ ပြီးရင်တော့ သင့်ရဲ့ Weight Loss Plan အတိုင်း ကိုက်ညီဖို့ကို ဆက်ကြိုးစားရမှာပါ။

အခု သင်အရင်က တခါမှ မကြိုးစားကြည့်ခဲ့ဖူးတဲ့ ဝိတ်ချတဲ့အခါမှာအထောက်အကူဖြစ်စေမယ့်နည်းလမ်းအချို့ ကို မျှဝေပေးမှာဖြစ်ပါတယ်။

­­­­၁။ ရေသောက်ပါ – လူတိုင်းသိထားပြီးသား အချက်တခုပါပဲ။ ရေသောက်ခြင်းဟာ သင့်ရဲ့ ကိုယ်အလေးချိန်လျှော့ချတဲ့နေရာမှာ အထောက်အကူအပြုဆုံးပါပဲ။ ဒါပေမယ့် ဒီတိုင်း ရေကို ရိုးရိုးသောက်တာထက်စာရင် ရာသီပေါ်အသီးအနှံတွေဖြစ်တဲ့ စတော်ဘယ်ရီ၊ လိမ္မော်သီး ဒါမှမဟုတ် သင်နှစ်သက်တဲ့အသီးတမျိုးမျိုးကို ထက်ခြမ်းခြမ်းပြီး ရေထဲထည့်သောက်ခြင်းက သင့်ကို ရေသောက်ချင်စိတ်ပိုပြီးဖြစ်စေမှာပါ။

၂။ သင့်ရဲ့ရေကူးဝတ်စုံကို သင်နေ့တိုင်းမြင်လွယ်တဲ့နေရာမှာထားပါ – ဒီနည်းလမ်းက တကယ်အသုံးဝင်ပါတယ်။ Swim Suit မဟုတ်ရင်လည်း အခုလောလောဆယ် သင်ဝတ်လို့မရသေးတဲ့၊ ဒီထက်ပိုပြီးပိန်သွားမှ ဝတ်လို့အဆင်ပြေမယ့် အဝတ်အစားမျိုးကို သင်နေ့စဉ်မြင်လွယ်တဲ့နေရာမှာထားပါ။ ဒါမှ သင်တကယ် ဝိတ်ကျချင်စိတ်ဖြစ်လာပြီး သင့်ရဲ့ Weight Loss Plan အတိုင်းကြိုးစားဖြစ်မှာပါ။

၃။ TV ကြည့်ရင်းနဲ့လည်း အကြောလျှော့ပါ – တကိုယ်လုံးက အကြောတွေပြေလျော့အောင် လျှော့ဖို့က တကူးတကအချိန်ပေးနေစရာမလိုပါဘူး။ TV ကြည့်ရင်းဖြစ်ဖြစ်၊ Laptop သုံးရင်းဖြစ်ဖြစ်လုပ်နိုင်ပါတယ်။ ဒီတိုင်းမလှုပ်မရှားဘဲ TV ထိုင်ကြည့်နေမယ့်အစား အကြောလျှော့ပေးခြင်းက သင့်ရဲ့ဘော်ဒီဝိတ်ကို ကျစေဖို့ အထောက်အကူဖြစ်မှာပါ။

၄။ ဖန်ပုလင်းတခုထဲမှာ သင့်ရဲ့ကျသွားတဲ့ဝိတ်ကို ကျောက်ခဲလှလှလေးတွေထည့်ခြင်းဖြင့် အမှတ်အသား လုပ်ထားပါ – ပုံမှာ ပြထားတဲ့အတိုင်း အရင်ဆုံးဖန်ပုလင်းလေးပေါ်မှာ Pounds to lose (or) Pounds destroyed စသဖြင့် ကိုယ်နှစ်သက်သလိုစာလေးရေးထားပြီး သင် ၁ပေါင်ကျသွားရင် ဖန်စီကျောက်ခဲလေး တခုထည့်တာမျိုး လုပ်ပြီး ကျသွားတဲ့ ဝိတ်တွေကို မှတ်သားထားတာကလည်း သင့်ကို ဝိတ်ကျအောင် ဆက်ကြိုးစားဖို့ တိုက်တွန်းနေသလို ဖြစ်စေမှာပါ။

၅။ စိတ်ပိုင်းဆိုင်ရာကျန်းမာရေးကို အလေးပေးပါ – ဝိတ် ချတယ်ဆိုတာက Physical Challenge လို့ပဲ လူတိုင်းကသိထားတာပါ။ အမှန်တကယ်တော့ ဒါက Mental Challenge ပါ။ ဘယ်သူက ဘယ်လို ဘော်ဒီလှတာ၊ ငါ့ကျတော့ သူ့ဘော်ဒီလောက်မလှဘူးဆိုတာမျိုး အတွေးတွေကို ရပ်လိုက်ပါ။ မိမိရဲ့ ခန္ဓာကိုယ်ကို အမြဲတမ်းအကောင်းဆုံးဖြစ်အောင်လုပ်နိုင်ရမယ်။ အခုလက်ရှိအနေအထားက အဆင်ပြေတာပါပဲ။ ဒီထက် ဝိတ်ချလိုက်ရင်တော့ ပိုပြီးလှသွားဦးမှာ ဆိုတဲ့ Positive Thinking မျိုးကိုပဲ အမြဲတွေးပါ။ အမြဲတမ်း မိမိဖြစ်ချင်တဲ့ (ဖြစ်ရမယ်ဆိုတဲ့) Body ကို Focus ထားပါ။

ဒါဆိုရင်တော့ သင်ဖြစ်ချင်တဲ့ ခန္ဓာကိုယ်မျိုးကို ရရှိဖို့ ဆိုတာ သိပ်ခက်ခဲတဲ့ကိစ္စမဟုတ်တော့ပါဘူး။