စမတ်ကျနေစေဖို့ အဝတ်အစားကို Heavy ဖြစ်တာမျိုးတွေ ဝတ်နေစရာမလိုပါဘူး။ အခုနောက်ပိုင်းမှာခေတ်စားလာတဲ့ Pants လေးတွေဆိုရင် ဝတ်ရတာစမတ်ကျပြီး ပေါ့ပါးမှုရှိစေပါတယ်။ ဒါကြောင့် လတ်တလောခေတ်စားနေတဲ့ Pants လေးတွေနဲ့ စမတ်ကျပြီး ပေါ့ပေါ့ပါးပါးဖြစ်အောင် ဝတ်ဆင်နိုင်မယ့် ဖက်ရှင်လေးတွေကို ဖော်ပြပေးလိုက်ပါတယ်။

လတ်တလောမှာတော့ Pants လေးတွေကို ဒီဇိုင်းအမျိုးမျိုးနဲ့ ထွက်လာတာတွေ့ရပါတယ်။ အသားဆောင်ပြီး ကိုယ်နဲ့လိုက်ဖက်မယ့်အရောင်လေးတွေကို ရွေးချယ်ကာ ကိုယ်ကျပ်လက်ရှည်လေးတွေနဲ့ တွဲဖက်ဝတ်ဆင်နိုင်ပါတယ်။ ဒေါက်ဖိနပ်လေးတွေစီးလိုက်မယ်ဆိုရင်တော့ စမတ်ကျပြီး ဆွဲဆောင်မှုရှိစေမှာပါ။

အရှေ့မှာဖဲပြားပုံလေးနဲ့ Pants လေးတွေဆိုလည်း အရမ်းခေတ်စားလာတာကို တွေ့ရပါတယ်။ ဒီ Pants လေးတွေကိုဝတ်တဲ့အခါမှာလည်း ကိုယ်ကျပ်လက်ရှည်လေးတွေ၊ ကိုယ်ကျပ် Crop Top လေးတွေနဲ့ တွဲဖက်ဝတ်ဆင်တာက ပိုပြီးလိုက်ဖက်မှုရှိစေပါတယ်။

အနက်ရောင် Pants လေးကိုရွေးချယ်မိပြီဆိုရင်တော့ ကြိုက်နှစ်သက်ရာအင်္ကျီတွေနဲ့ တွဲဖက်ဝတ်ဆင်နိုင်ပါပြီ။ သတိထားရမှာက ဒီလို Pants လေးတွေဝတ်ပြီဆိုရင် အင်္ကျီလေးတွေကို အမြဲအထဲထည့်ဝတ်ပါ။

ရိုးရိုး Pants လေးတွေကိုဝတ်မယ်ဆိုရင်တော့ အနက်ရောင်နဲ့ အသားရောင်လေးကိုပဲ ရွေးချယ်ပါလို့ အကြံပြုပါတယ်။ ဒီနှစ်ရောင်က ဘယ်တော့မှရိုးမသွားပဲ မိုက်နေစေတဲ့အရောင်လေးတွေပါ။ ကိုယ်နှစ်သက်ရာအင်္ကျီဒီဇိုင်းတွေနဲ့လည်း တွဲဖက်ဝတ်ဆင်နိုင်ပါသေးတယ်။

Pants လေးတွေကို ကြိုးတစ်လုံးအင်္ကျီအမျိုးမျိုးနဲ့လည်း တွဲဖက်ဝတ်ဆင်နိုင်ပါသေးတယ်။ ဒီလိုဖက်ရှင်လေးဝတ်မယ်ဆိုရင်တော့ ဒေါက်ဖိနပ်လေးစီးပေးမှ စမတ်ကျပြီးမိုက်နေစေမှာပါ။

ချစ်စရာကောင်းတဲ့ Pants လေးတွေကို သင်နှစ်သက်ရာ မိန်းကလေးဆန်ဆန်အင်္ကျီလေးတွေနဲ့လည်း တွဲဖက်ဝတ်ဆင်နိုင်ပါတယ်။ အတိုမဝတ်ရဲတဲ့သူတွေနဲ့ အတိုမဝတ်ချင်တဲ့သူတွေအတွက်တော့ ဒီ Pants တွေနဲ့ ဖက်ရှင်လေးတွေက အဆင်ပြေစေပါတယ်။

Photo Source: www.pinterest.com