တွဲနေတာ (၃) နှစ်လောက်ရှိပြီဆိုတဲ့ သတင်းကို ငြင်းပယ်လိုက်တဲ့ Park Seo Joon နဲ့ Park Min Young

ဒီနေ့ အစောပိုင်းမှာပဲ Sports Donga ဆိုတဲ့ သတင်းစာက What’s Wrong with Secretary Kim ဇာတ်လမ်းတွဲမှာ အတူပါဝင်သရုပ်ဆောင်ခဲ့တဲ့ ခေါင်းဆောင် သရုပ်ဆောင်တွေဖြစ်ကြတဲ့ Park Seo Joon နဲ့ Park Min Young တို့ တွဲနေတာ (၃) နှစ်လောက်ရှိပြီဆိုတဲ့ သတင်းကို ဖော်ပြခဲ့ပါတယ်။

အဲဒီသတင်းကို ဖော်ပြခဲ့ပြီးတဲ့နောက် မီဒီယာအသီးသီးကလည်းဖော်ပြခဲ့ကြပြီး သဘောတူကြတဲ့ ပရိသတ်တွေက ဝမ်းသာခဲ့ကြပါတယ်။ ဒါပေမယ့် သူတို့နှစ်ဦးလုံးရဲ့ အေဂျင်စီကတော့ အဲဒီသတင်းနဲ့ ပတ်သက်လို့ မဟုတ်တဲ့အကြောင်း ငြင်းပယ်လိုက်ပါတယ်။

သူတို့တွဲနေတာမဟုတ်ပါဘူး။ အလုပ်အတူတူလုပ်တာကြောင့် ရင်းနှီးကြပါတယ်။ What’s Wrong with Secretary Kim ဇာတ်လမ်းတွဲမှာ အတူတူ သရုပ်ဆောင်ကြလို့ စိတ်ဝင်စားမှု အများကြီးရခဲ့တာပါ။ ဒါပေမယ့် သူတို့ ဒိတ်နေတာမဟုတ်ပါဘူးလို့ Park Seo Joon ရဲ့ အေဂျင်စီဖြစ်တဲ့ Awesome Entertainment ကပြောပါတယ်။