တချို့ကတော့ Bella Ranee Campen ကိုသိပြီးသားပါ။ တချို့ကျတော့လည်း နာမည်ကိုမသိကြဘူး ဒါပေမယ့် Channel7 မှာ ဟိုတစ်လောကမှပြီးသွားတဲ့ အချစ်မီးလျှံဆိုတဲ့ထိုင်းကားထဲက မင်းသမီးလေး နေနန်ဆိုရင်တော့ သိကြမယ်ထင်ပါတယ်။

သူမရဲ့နာမည်ကတော့ Ranee Campen လို့ခေါ်ပါတယ်။ Bella Campen လို့လည်း ခေါ်ကြပါသေးတယ်။ သူမကို ၁၉၈၉ ခုနှစ်၊ ဒီဇင်ဘာလ ၂၄ ရက်နေ့မှာမွေးဖွားခဲ့တာဖြစ်ပြီး အခုဆိုရင်တော့ အသက် ၃၀ ရှိပါပြီ။ အရပ်အမြင့်ကတော့ ၅ပေ ၅လက်မ ရှိပါတယ်။

သူမရဲ့အဖေက ဗြိတိန်လူမျိုးဖြစ်ပြီး အမေကတော့ ထိုင်းလူမျိုးပါ။ ဒါကြောင့်လည်း သူမတူတဲ့အလှလေးကိုပိုင်ဆိုင်ထားတဲ့ ကပြားမလေးဖြစ်နေတာပေါ့။ သူမဟာ Thammasat University ကနေ Master in Journalism and Mass Communication ဘွဲ့ရရှိခဲ့ပါတယ်။

၂၀၁၁ ခုနှစ်မှာ အနုပညာအလုပ်တွေကို စတင်လုပ်ဆောင်ခဲ့ပါတယ်။ သူမကိုအားပေးကြတဲ့ ပရိသတ်တွေကတော့ ထိုင်းမှာတင်မကပဲ မြန်မာနိုင်ငံမှာလည်း အများကြီးရှိပါတယ်။ နန်းဆန်လွန်းတဲ့၊ တော်ဝင်ဆန်တဲ့ သူမရဲ့အလှကြောင့်လည်း သူမကိုချစ်ကြတဲ့ပရိသတ်က ပိုပြီးများနေတာပေါ့။

သူမပါဝင်သရုပ်ဆောင်ထားတဲ့ ဇာတ်ကားတွေ၊ ဇာတ်လမ်းတွဲတွေကလည်း အများကြီးရှိသလို၊ ဆုတွေလည်း တော်တော်များများရရှိထားတဲ့သူတစ်ယောက်ပါ။ သူမရဲ့ Instagram အကောင့်ကတော့ bellacampen ပါ။ သူမရဲ့လှုပ်ရှားမှုပုံရိပ်လေးတွေကို သူမရဲ့ Instagram မှာလည်း ကြည့်နိုင်ပါတယ်။

Photo Source: www.pinterest.com