K-Drama ချစ်သူတို့ရေ… The Last Empress ဆိုတဲ့ ကိုရီးယားဇာတ်လမ်းတွဲလေး ကြည့်ပြီးသွားကြပြီလား။ ကားကောင်းလေး တစ်ကားဖြစ်တာကြောင့် မကြည့်ရသေးရင် ဆက်ဆက်ကြည့်ဖြစ်အောင် ကြည့်လိုက်ကြပါလို့ အကြံပေးချင်ပါတယ်။

ဒီတစ်ခေါက်ပြောပြပေးမယ့် ကိုရီးယားမင်းသမီးလေးကတော့ The Last Empress ထဲမှာ ဗီလိန်နေရာက သရုပ်ဆောင်ရတဲ့ Lee Elijah အကြောင်းပဲဖြစ်ပါတယ်။ ဇာတ်လမ်းရဲ့ အစပိုင်းမှာတော့ သူမ သရုပ်ဆောင်တဲ့ ဗီလိန်ဇာတ်ရုပ်က ပီပြင်လွန်းလို့ သူမကို အမုန်းပွားမှာတော့ အမှန်ပါပဲ။ ဒါပေမဲ့ ဇာတ်လမ်းပြီးခါနီးကျမှ သူမ ဘာ့ကြောင့် ဗီလိန်ဖြစ်သွားရတာလဲ၊ သူမ ဘဝက သနားစရာကောင်းရဲ့လား၊ မကောင်းဘူးလား ဆိုတဲ့ ဖြစ်ကြောင်းကုန်စင်ကို သိသွားပါလိမ့်မယ်နော်။

သရုပ်ဆောင် ပီပြင်လွန်းတဲ့သူမကို ၁၉၉၀ ခုနှစ် ဖေဖော်ဝါရီလ ၁၉ ရက်နေ့က တောင်ကိုရီးယားနိုင်ငံ၊ Changwon မှာ မွေးဖွားခဲ့တာပါ။ သူမရဲ့ အရပ်အမြင့်ကတော့ ၅ ပေ ၄ လက်မ (၁၆၆ စင်တီမီတာ) ရှိပြီး ကိုယ်အလေးချိန်ကတော့ ၁၀၅ ပေါင် (၄၈ ကီလိုဂရမ်) ရှိပါတယ်။

သူမ ပါဝင်သရုပ်ဆောင်ထားတဲ့ ကိုရီးယားကားတွေကတော့ Basketball ၊ Wonderful Days ၊ Heroes ၊ The Return of Hwang Geum-Bok ၊ Uncontrollably Fond ၊ Fight For My Way ၊ Children Of A Lesser God ၊ Ms. Hammurabi ၊ The Last Empress နဲ့ Aide တို့ပဲဖြစ်ပါတယ်။

သူမ အနုပညာလောကထဲက စတင်ရောက်ရှိလာခဲ့တာကတော့ ၂၀၁၂ ခုနှစ်ကဖြစ်ပြီး ပထမဆုံး ဇာတ်လမ်းတွဲကိုတော့ ၂၀၁၃ ခုနှစ်မှာ Basketball ဆိုတဲ့ ဇာတ်လမ်းတွဲမှာ ပါဝင်သရုပ်ဆောင်ခဲ့ပါတယ်။ The Return Of Hwan Geum-Bok ဇာတ်လမ်းတွဲနဲ့ New Star Award ဆုကို ၂၀၁၅ ခုနှစ် ဒီဇင်ဘာလ ၃၁ ရက်နေ့က ချီးမြှင့်ခံခဲ့ရပါတယ်။ K-Drama ပရိသတ်တို့ရော Lee Elijah ကို ချစ်ကြရဲ့လား။

Lee Elijah ကို ချစ်တဲ့ သူမရဲ့ ပရိသတ်တွေအတွက် Lee Elijah ရဲ့ ဖက်ရှင်ဒီဇိုင်း မျိုးစုံကို ဆက်လက် ဖော်ပြပေးလိုက်တယ်နော်။

Photo Source: Pinterest.com